Tagalog News Release
SORSOGON PROVINCE (June 17) – nagpapatuloy sa ngayon ang tatlong araw na monitoring activity ng mga kasapi ng Bacon-Manito Geothermal Multi-Partite Monitoring Team (BMGMMT).
Bahagi ito ng quarterly monitoring kung saan tinitiyak ng BGMMT na sumusunod pa rin sa itinakdang standard ang operasyon ng Bacon-Manito Geothermal Production Project (BMGPP).
Ayon kay Provincial Environment and Natural Resources Officer Oscar Dominguez ng Department of Environment and Natural Resources (DENR), kabilang sa kanilang mga aktibidad ay ang air and water quality sampling, health safety procedures, watershed and forest protection kasama na ang law enforcement at pagsasagawa ng Information and Education Campaign sa mga nasasakupan nitong lugar.
“Kasama din sa aming monitoring ang socio-economic impact na dala ng Bac-Man geothermal project sa mga host communities nito tulad ng Brgy. Sto Niño at Osiao sa Bacon District, Sorsogon Bay, Brgy. Rizal, Cawayan River at Tanawon area na pawang nasa lungsod ng Sorsogon.
Nakatakdang iprisinta ang sectoral reports ukol sa kanilang mga obserbasyon at findings bukas, June 18. (Bennie A. Recebido, PIA Sorsogon)
Thursday, June 17, 2010
PARTISIPASYON NG MGA SORSOGANON INAASAHAN SA GAGAWING EARTHQUAKE DRILL BUKAS
Tagalog News Release
SORSOGON PROVINCE (June 17)– Mahigpit ang iniwang atas ni Sorsogon Governor Sally Lee sa mga kasapi ng Provincial Disaster Coordinating Council (PDCC) dito ukol sa buo at aktibong partisipasyon ng mga departamento ng provincial government, paaralan, ospital at iba pang mga ahensya ng pamahalaan sa gagawing 2nd quarter simultaneous earthquake drill bukas, June 18.
Bago umalis ang gobernador patungong Quezon City upang dumalo sa limang araw na seminar na isinasagawa ngayon ng DOST-Phivolcs, inatasan nito ang PDCC partikular ang Bureau of Fire Protection (BFP) a pangunahan ang nasabing earthquake drill.
Sa pulong na ipinatawag ng PDCC, ganap na alas nueve ng umaga bukas ito isasagawa at binigyan na rin ng mga kaukulang instruksyon ang mga pinuno ng iba’t-ibang mga ahensya dito ukol sa mga hakbang na dapat gawin ng mga ito partikular na isasama na rin dito ang kahandaan sa panahong magkasunog.
Matatandaang sa ipinalabas na direktiba ni outgoing President Gloria Macapagal-Arroyo noong June 26, 2006, nakasaad dito na dapat gawin ang earthquake drills quarterly kung saan lalahukan ito ng mga pampubliko at pribadong tanggapan at mga establisemyento kasama na ang mga paaralan, hanggang sa tuluyan nang mapukaw ang kamalayan at maisabuhay na ng publiko ang mga dapat gawin sa panahon at matapos ang aktwal na paglindol nang sa gayon ay maiwasan ang may masaktan o di kaya’y ang pagbubuwis ng buhay. (Bennie A. Recebido, PIA Sorsogon)
SORSOGON PROVINCE (June 17)– Mahigpit ang iniwang atas ni Sorsogon Governor Sally Lee sa mga kasapi ng Provincial Disaster Coordinating Council (PDCC) dito ukol sa buo at aktibong partisipasyon ng mga departamento ng provincial government, paaralan, ospital at iba pang mga ahensya ng pamahalaan sa gagawing 2nd quarter simultaneous earthquake drill bukas, June 18.
Bago umalis ang gobernador patungong Quezon City upang dumalo sa limang araw na seminar na isinasagawa ngayon ng DOST-Phivolcs, inatasan nito ang PDCC partikular ang Bureau of Fire Protection (BFP) a pangunahan ang nasabing earthquake drill.
Sa pulong na ipinatawag ng PDCC, ganap na alas nueve ng umaga bukas ito isasagawa at binigyan na rin ng mga kaukulang instruksyon ang mga pinuno ng iba’t-ibang mga ahensya dito ukol sa mga hakbang na dapat gawin ng mga ito partikular na isasama na rin dito ang kahandaan sa panahong magkasunog.
Matatandaang sa ipinalabas na direktiba ni outgoing President Gloria Macapagal-Arroyo noong June 26, 2006, nakasaad dito na dapat gawin ang earthquake drills quarterly kung saan lalahukan ito ng mga pampubliko at pribadong tanggapan at mga establisemyento kasama na ang mga paaralan, hanggang sa tuluyan nang mapukaw ang kamalayan at maisabuhay na ng publiko ang mga dapat gawin sa panahon at matapos ang aktwal na paglindol nang sa gayon ay maiwasan ang may masaktan o di kaya’y ang pagbubuwis ng buhay. (Bennie A. Recebido, PIA Sorsogon)
MAHIGIT ANIM NA LIBONG PAMILYANG SORSOGANON, NANGINGINABANG NGAYON SA 4Ps NG PAMAHALAAN
Tagalog News Release
SORSOGON PROVINCE (June 17) – Anim na libo walong daan limampu’t walong sako ng bigas ang sa kasalukuyan ay ipinamamahagi ng Philippine National Red Cross Sorsogon Chapter sa mga aydentipikadong pamilya sa apat na mga bayan dito sa lalawigan ng Sorsogon sa ilalim ng 4Ps o Pantawid Pamilyang Pilipino Program ng pamahalaan.
Ang 4Ps ay binuo ng pamahalaan upang tulungan ang mga mahihirap na pamilyang Pilipino sa bansa upang maisaayos ang kalusugan, nutrisyon at edukasyon ng kanilang mga anak.
Ayon kay PNRC Sorsogon Chapter Manager Salvacion Abotanatin, sinimulan nila ang pamamahagi ng bigas sa bayan ng Pilar noong a-trenta y uno ng Mayo na natapos noong June 7, kung saan 1,392 na pamilya ang nabiyayaan doon.
"Sa kasalukuyan ay nagpapatuloy pa ang aming pamamahagi kung saan sa bayan ng Castilla ay aabot sa 1,045 na pamilya ang mabibiyayaan, habang sa Matnog ay 872 at sa Donsol ay 3,549 na pamilya ang makatatanggap ng tig-iisang sako ng bigas. Inaasahang matatapos ang aming distribusyon sa Hunyo a-trenta," pahayag pa niya.
Samantala, nilinaw ni Abotanatin na ang Red Cross ang naatasang mamahagi sa halip na ang mga Municipal Social Welfare and Development Office dahilan sa sakop pa ang mga ito ng election ban hanggang sa June 30, at hindi na rin dapat na pagtagalin pa ang distribusyon sapagkat naideliver na rin dito ang mga bigas na dapat matanggap ng mga aydentipikadong pamilya.
Matatandaang nakasaad sa Comelec en Banc Resolution 8732, na mula ika-dalawampu’t anim ng Marso hanggang huling araw ng Hunyo walang opisyal o empleyado ng pamahalaan pati na mga opisyal sa barangay na mamamahagi, maglalabas o gagasta ng pondo ng pamahalaan sa anumang uri ng pampublikong gawain.
"Subali't, ang distribusyon ng mga bigas ay matagal nang naaprubaha, dangan nga lamang at naabutan lamang ito ng election ban," paglilinaw pa ni Abotanatin. (Bennie A. Recebido, PIA Sorsogon)
SORSOGON PROVINCE (June 17) – Anim na libo walong daan limampu’t walong sako ng bigas ang sa kasalukuyan ay ipinamamahagi ng Philippine National Red Cross Sorsogon Chapter sa mga aydentipikadong pamilya sa apat na mga bayan dito sa lalawigan ng Sorsogon sa ilalim ng 4Ps o Pantawid Pamilyang Pilipino Program ng pamahalaan.
Ang 4Ps ay binuo ng pamahalaan upang tulungan ang mga mahihirap na pamilyang Pilipino sa bansa upang maisaayos ang kalusugan, nutrisyon at edukasyon ng kanilang mga anak.
Ayon kay PNRC Sorsogon Chapter Manager Salvacion Abotanatin, sinimulan nila ang pamamahagi ng bigas sa bayan ng Pilar noong a-trenta y uno ng Mayo na natapos noong June 7, kung saan 1,392 na pamilya ang nabiyayaan doon.
"Sa kasalukuyan ay nagpapatuloy pa ang aming pamamahagi kung saan sa bayan ng Castilla ay aabot sa 1,045 na pamilya ang mabibiyayaan, habang sa Matnog ay 872 at sa Donsol ay 3,549 na pamilya ang makatatanggap ng tig-iisang sako ng bigas. Inaasahang matatapos ang aming distribusyon sa Hunyo a-trenta," pahayag pa niya.
Samantala, nilinaw ni Abotanatin na ang Red Cross ang naatasang mamahagi sa halip na ang mga Municipal Social Welfare and Development Office dahilan sa sakop pa ang mga ito ng election ban hanggang sa June 30, at hindi na rin dapat na pagtagalin pa ang distribusyon sapagkat naideliver na rin dito ang mga bigas na dapat matanggap ng mga aydentipikadong pamilya.
Matatandaang nakasaad sa Comelec en Banc Resolution 8732, na mula ika-dalawampu’t anim ng Marso hanggang huling araw ng Hunyo walang opisyal o empleyado ng pamahalaan pati na mga opisyal sa barangay na mamamahagi, maglalabas o gagasta ng pondo ng pamahalaan sa anumang uri ng pampublikong gawain.
"Subali't, ang distribusyon ng mga bigas ay matagal nang naaprubaha, dangan nga lamang at naabutan lamang ito ng election ban," paglilinaw pa ni Abotanatin. (Bennie A. Recebido, PIA Sorsogon)
PUBLIKO MULING PINAALALAHAN NG BIR UKOL SA KANILANG KAMPANYA SA PAGHINGI NG RESIBO
Tagalog News Release
SORSOGON PROVINCE (June 17) – Kaugnay ng kampanya ng pamahalaan ukol sa buwis, muling pinaalalahanan ng Bureau of Internal Revenue ang publiko sa kahalagahan ng paghingi ng resibo sa anuman at alinmang bagay na binibili upang makatulong sa pamahalaan.
Ayon kay Sorsogon District Revenue Officer Arturo Abenoja, mahalaga ang pakikipagtulungan ng bawat mamamayan upang umusad ang ekonomiya ng bansa.
Kaugnay naman ng pagkalito ng ilang mga residente dito ukol sa pagkakaiba ng sales invoice at official receipt na iniisyu sa kanila, ipinaliwanag din niya na parehong mahalaga ang mga ito at nagkakaiba lamang pagdating sa sale of goods or properties at sale of services.
Sinabi ni Abenoja na sa bagong Vallue Added Tax Law, Sec. 4.106-1, sales invoice ang ibibigay kung ang binayaran ay mga groceries, kagamitan o mga bagay na nahahawakan o yaong kabilang sa kategoryang sale of goods or properties.
Habang nakasaad naman sa Sec. 4.108-1 na official receipt ang ibibigay kung ang binayaran ay ang serbisyo, pati na rin ang pagpapaupa ng mga bagay o kagamitan, o yaong kabilang sa kategorya ng sale of services and use of or lease of properties.
Aniya, mahalagang naiintindihan ng publiko ang mga programang ikinakampanya ng pamahalaan nang sa gayon ay mas nagiging madali sa kanila na tumulong sa mga ginagawang reporma ng pamahalaan.
Dagdag pa niya na maliit na hiling lamang ng BIR sa publiko ang paghingi ng resibo, subali’t napakalaking bagay ang resultang ibibigay nito sapagka't babayad ng tamang buwis ang mga business establishments at yaong mga nagbebenta ng serbisyo.
Binigyang-diin din niya na ang hihingiing resibo ay mag-re-reflect sa books of accounts ng mga may-ari ng negosyo, at ang hindi paghingi ng resibo ay magiging malaking kawalan sa kaban ng ating pamahalaan. (Bennie A. Recebido, PIA Sorsogon)
SORSOGON PROVINCE (June 17) – Kaugnay ng kampanya ng pamahalaan ukol sa buwis, muling pinaalalahanan ng Bureau of Internal Revenue ang publiko sa kahalagahan ng paghingi ng resibo sa anuman at alinmang bagay na binibili upang makatulong sa pamahalaan.
Ayon kay Sorsogon District Revenue Officer Arturo Abenoja, mahalaga ang pakikipagtulungan ng bawat mamamayan upang umusad ang ekonomiya ng bansa.
Kaugnay naman ng pagkalito ng ilang mga residente dito ukol sa pagkakaiba ng sales invoice at official receipt na iniisyu sa kanila, ipinaliwanag din niya na parehong mahalaga ang mga ito at nagkakaiba lamang pagdating sa sale of goods or properties at sale of services.
Sinabi ni Abenoja na sa bagong Vallue Added Tax Law, Sec. 4.106-1, sales invoice ang ibibigay kung ang binayaran ay mga groceries, kagamitan o mga bagay na nahahawakan o yaong kabilang sa kategoryang sale of goods or properties.
Habang nakasaad naman sa Sec. 4.108-1 na official receipt ang ibibigay kung ang binayaran ay ang serbisyo, pati na rin ang pagpapaupa ng mga bagay o kagamitan, o yaong kabilang sa kategorya ng sale of services and use of or lease of properties.
Aniya, mahalagang naiintindihan ng publiko ang mga programang ikinakampanya ng pamahalaan nang sa gayon ay mas nagiging madali sa kanila na tumulong sa mga ginagawang reporma ng pamahalaan.
Dagdag pa niya na maliit na hiling lamang ng BIR sa publiko ang paghingi ng resibo, subali’t napakalaking bagay ang resultang ibibigay nito sapagka't babayad ng tamang buwis ang mga business establishments at yaong mga nagbebenta ng serbisyo.
Binigyang-diin din niya na ang hihingiing resibo ay mag-re-reflect sa books of accounts ng mga may-ari ng negosyo, at ang hindi paghingi ng resibo ay magiging malaking kawalan sa kaban ng ating pamahalaan. (Bennie A. Recebido, PIA Sorsogon)