Tagalog News
SORSOGON PROVINCE – Positibo pa rin sa red tide hanggang sa kasalukuyan ang katubigan ng Sorsogon Bay.
Ito ay batay sa shellfish bulletin No. 24, ang pinakahuling shellfish bulletin na ipinalabas ng Bureau of Fisheries and Aquatic Resources (BFAR) na may petsang October 7, 2010.
Dahilan dito, nananatiling ipinagbabawal pa rin ang pagkuha o pagkain ng mga shellfish mula sa look ng Sorsogon at mahigpit na pinag-iingat ang publiko.
Samantala, matatandaan namang sa shellfish bulletin No. 22 na may petsang Setyembre 9 ay inalis na ng BFAR sa listahan ng mga positibo sa red tide ang Juag Lagoon na ilang buwang nakontamina din ng pyrodinium bahamense.
Nangangahulugan itong inaalis na rin ang shellfish ban dito at ligtas nang kainin ang mga shellfish na makukuha mula dito.
Sa ngayon, tanging ang Sorsogon Bay sa Sorsogon City, Dumanquillas Bay sa Zamboanga del Sur, Matarinao Bay sa Eastern Samar, Murcielagos Bay sa Zamboanga sel Norte at Misamis Occidental na lamang ang positibo sa red tide contamination o sa paralytic shellfish poisoning. (Bennie A. Recebido, PIA Sorsogon)
No comments:
Post a Comment