LEGAZPI CITY, AUGUST 25 --- DAGOS NANG PINARA KAN DEPARTMENT OF ENVIRONMENT AND NATURAL RESOURCES O D-E-N-R AN KAHIDATAN KAN NAGKAPIPIRA KATAKOD KAN PAGLANGUBO SAGKOD PAMEMESTE KAN HYACINTHS O WATER LILIES SA MGA PANGENOT NA SALOG SA KABIKOLAN.
TINAWAN NIN ASEGURASYON NI D-E-N-R BICOL REGIONAL EXECUTIVE DIRECTOR JOSELIN MARCUS FRAGADA NA DAING NANOTARAN NA PAGRAMBONG KAN MGA HYACINTHS O WATER LILIES SA MGA MAYOR NA SALUG SA ANUM NA PROBINSIYA KAN BICOL.
SAIYANG SINABI NA AN SIRING NA BAGAY SOSOG SA REPORT NA ITINAONG KWENTA NI ENVIRONMENTAL MANAGEMENT BUREAUN REGIONAL DIRECTOR FERNANDO QUILILAN KAN AN SAINDANG OPISINA MAGKONDUKTA NIN PAG-AARAM KAN ESTADO KAN MGA PANGENOT NA SALUG SA REHIYON KAN NAKA-AGING MGA ALDAW.
SEGON KAY QUILILAN, SA 12 MAYOR NA SALUG SA KABIKOLAN NA SAINDANG PIG-INSPEKSYON, DAI NIN NANOTARAN AN SAINDANG MGA PERSONAHES NA PAGRAMBONG, MAGIN PAMEMESTE NIN HYACINTHS O WATER LILIES.
POR MEDIO KAINI, BINURA MAN NI DIR. FRAGADA AN KAHADITAN SA POSIBLENG BAHA NA IDUDULOT SA ORAS NA MAGRAMBONG NIN HUSTO AN MGA HYACINTH O WATER LILIES SA MGA KASALUGAN SA REHIYON.
MAGIGIROMDOMAN NA SOBRANG PAGBABAHA AN NANGYARI SA MINDANAO KAN NAKA-AGING MGA ALDAW KAN MAGLANGUBO AN MGA HYACINTH O WATER LILIES SA LIGUASAN MARSH. (JESSEL BASANTA, DENR-EMB/PIA SORSOGON)
No comments:
Post a Comment