Bicolwide transport strike paralyzes 85% of Sorsogon transpo

News Release

Bicolwide transport strike paralyzes 85% of Sorsogon transpo

By: Bennie A. Recebido

Sorsogon City, March 16, (PIA) – Compared to a busy street in the past days, roads particularly the main ones in the province of Sorsogon can be observed to be of less dense as the Bicol wide transport strike officially takes off 12:01 in the morning, March 16.

Monitoring of PIA Sorsogon bared that past six o’clock this morning, almost 85 percent of land transportation in general was already paralyzed.

Buses and vans with routes within and outside of the province are 100 percent paralyzed, Terminals are cleared with light barricades indicating that no trips will be made available until twelve midnight today.

However, there are tricycles especially private/colorum ones that were not controlled from picking up passengers amidst the call of Pinag-isang Samahan ng Tsuper at Operators Nationwide (PISTON), Land transportation Coalition and Alyansang Makabayan for a full paralization of transportation here.

“Aside from we were not able to receive notice of strike, we cannot also compromise the 1-day food consumption of our family but this doesn’t mean that we don’t recognize what the strike organizers advocate for,” said some tricycle drivers who opted not to join.

PISTON Bicol spokesperson Eduardo Ferreras said that they will not force those who opted not to join since they also respect them, but he still maintains the call and continue to encourage them to change their mind and join.

“We also strictly condemn any form of sabotage and calls on the non-supportive elements to make the transport strike a peaceful activity,” he added.

The 1-day transport strike aims at resolving the issue of uncontrolled oil price hike, sky-rocketing prices of basic commodities and the very low income of workers. Transport strike organizers and Sorsoganons as well are optimistic that the government will listen to their battlecry and will eventually remove the 12% petroleum VAT. “This is the best solution the government can do and not to add some more to the burden of the common people through fare hike,” Ferreras also added.

Meanwhile, the Department of Education Sorsogon Schools and City Division did not declare any suspension of classes.

Assistant Schools Division Superintendent Marilyn Dimaano said that they leave the decision to parents whether or not they will send their children to school. She also directed the teachers and school personnel to report to their respective schools particularly that not all students are commuters.

“Activities scheduled by DepEd today like meetings, seminars and the like will continue,” she also said.

Both Dimaano and City Schools Division Superintendent Virgilio Real stressed out that if suspension of classes cannot be avoided, they leave it to the discretion of the school head, however, they are to pay by holding make-classes on a Saturday.

This morning before 8AM, big public schools and even private schools here in the city have decided to finally cancel classes due to a few attendance of students.

Also affected was attendance of employees in both public and private offices and establishments here but business remains as usual. (PIA Sorsogon)

tagalog News Release

Transport group sa Sorsogon makikipagsabayan sa regionwide transport strike

Ni: Bennie A. Recebido

Sorsogon City, March 15, (PIA) – Matapos ang isinagawang pressconference ng Pinag-isang Samahan ng Tsuper at Operators Nationwide (PISTON), Land transportation Coalition at Alyansang Makabayan kahapon, inanunsyo ng mga ito ang balak nitong makipagsabayan sa gaganaping regionwide transport strike sa darating na Miyerkules, March 16, mula alas 12:01 ng umaga hanggang alas-dose ng hatinggabi.

Ayon kay Eduardo Ferreras, presidente ng PISTON nais ng grupo na makipagsabayan sa gagawing transport strike upang kalampagin ang pamahalaan na gumawa na ng kaukulang hakbang upang mapigil ang patuloy na pagtaas ng halaga ng petrolyo sa kabila ng kinakaharap na kagutuman at kahirapan ng mga mamamayang Pilipino.

                                                                                 

Sinabi din ni Ferreras na ngayong taon lamang ay anim na ulit nang tumaas ang presyo ng petrolyo at aminado silang hindi nila maiiwasang ipasa sa publiko ang kanilang hinaing sa pamamagitan ng pagtaas sa singil sa pasahe.

Kabilang din sa panawagan nila ang pagbasura sa value added tax  na ipinapataw sa petrolyo at oil deregulation law sapagkat anila’y ang mga ito ay pabigat sa publiko at hindi naman nakokontrol ang pagtaas ng halaga ng petrolyo.

Nanawagan din sila sa mga hindi makikipagsabayan na iwasan ang pagsasabotahe tulad ng paglalagay ng mga pako at kung anu-ano pang mga harang sa kalsada at gawin pa ring mapayapa ang gagawing tigil-pasada.

Samantala, ayon sa ilang mga residente dito mas makabubuti na isubsidize na lamang ng pamahalaan ang value added tax na ipinapataw sa mga petroleum products upang maibsan ang bigat na dinadala ng mga mamamayan. (PIA Sorsogon)

Tagalog News release

Lahar, muling rumagasa sa ilang mga barangay sa Irosin, Sorsogon

Ni: BARecebido/VLabalan

Sorsogon City, March 15, (PIA) – Limampung mga pamilya o humigit kumulang sa dalawang daang mga residente ng barangay Patag ang kaagad na inilikas ng lokal na pamahalaan ng Irosin, Sorsogon kagabi bunsod ng malakas na pagbuhos ng ulan at biglaang pagragasa ng lahar sa doon.

Ito ang napag-alaman mula sa Provincial Disaster Risk Management Office kasunod ng ibinigay na ulat ng Municipal Disaster Risk Reduction and Management Council ng Irosin, Sorsogon.

Ayon sa natanggap na ulat mula sa MDRRMC Irosin, pansamantalang nanatili sa barangay chapel habang ang iba naman ay sa Irosin Municipal Hall ang mga inilikas na residente. Posible umanong madagdagan pa ang bilang na ito kung hindi pa titigil ang ulan.

Ayon pa sa ulat, matapos na tumaas ang tubig mula sa mga ilog malapit sa mga kabahayan, limampu kaagad na kabahayan ang inabot nito at tatlo sa mga ito ang napinsala sanhi ng insidente.

Kaugnay nito, inalerto din agad ng MDRRMC Irosin ang mga residente ng Bliss at Mombon na naninirahan malapit sa ilog na lumikas dahil na rin sa umalagwang tubig. Mapalad na wala namang naiulat na pinsala sa mga kabahayan sa dalawang lugar na ito.

Una nang ipinagbigay-alam kagabi ng Juban MDRRMC ang posibleng pagbaha sa mga barangay na malapit sa mga ilog dulot ng malakas na pag-ulan at inalerto din sa nabanggit na bayan ang BDRRMC na gawin ang mga nararapat na paghahanda at agad na mag-ulat kung sakaling may mga residenteng kailangan nang ilikas. (PIA Sorsogon)

BILANG NG MGA NASAWI SA JAPAN QUAKE-TSUNAMI, MALAMANG NA HUMIGIT SA 10,000

SORSOGON CITY (March 14, 2011) -  MALAMANG na humigit sa 10, 000 ang bilang ng mga nasawi sa isang rehiyon pa lamang kasunod ng naganap na mapamuksang lindol at tsunami sa Japan nitong nakaraang Biyernes, ayon sa isang opisyal, habang milyon-milyon namang nakaligtas mula sa naganap na trahedya ang naiwan na walang tubig na maiinom, elektrisidad at tamang pagkain sa naluray na bahaging hilagang-silangang baybayin ng nabanggit na bansa.

Bagama’t dinoble na ng pamahalaan ang bilang ng mga itinalagang sundalo sa pagsusumikap nitong makapagbigay ng tulong ng para sa100, 000 katao ay tila umano kukulangin pa sa naging tripleng resulta ng nangyaring sakuna dahil nasira ng lindol at tsunami ang dalawang nuclear reactors ng isang power plant sa bahaging baybayin at lumilitaw sa kondisyon ng isa sa mga ito ang bahagyang meltdown na nagdudulot sa ngayon ng dagdag na pangamba dahil sa posibleng pagkakaroon ng radiation leak.

Ayon sa ulat ni police spokesman Go Sugawara, sinabi ng kanilang hepe sa Miyagi sa isinagawang pagtitipon ng mga disaster relief officials doon na 10, 000 sa pagtataya umano nito ang bilang ng mga nasawi sa nabanggit na rehiyon.

Ang Miyagi ay mayroong populasyon na 2.3 million at isa sa tatlong mga rehiyon na nagtamo ng matinding pinsala kasunod ng nangyaring lindol at tsunami sa Japan nitong Biyernes. 379 pa lamang sa Miyagi ang opisyal na naideklarang nasawi mula sa naganap na sakuna.

Ang panganib na nukleyar ang nagdulot ngayon ng panibagong pagaalala sa mga nakaligtas sa lindol at tsunami na tumama sa bahaging hilagang-silangang baybayin ng Japan sa hindi mapapaniwalaang bilis at lakas, na sumira at tumangay sa lahat ng bagay na dinaanan nito.

Ayon sa mga opisyal, humigit kumulang sa 1,200 katao ang nasawi — kabilang na ang 200 mga bangkay na natagpuan nitong Linggo sa bahaging baybayin — at 739 pa ang mga nawawala sa nangyaring sakuna.
Pinawi naman ni Department of Science and Technology (DOST) Secretary Mario Montejo ang pangamba ng publiko dito sa Pilipinas sa posibleng epekto sakaling magkaroon ng nuclear meltdown sa Japan.

Ayon sa kalihim, batay sa "wind pattern" sa susunod na tatlong araw ay palayo aniya sa Pilipinas ang ihip ng hangin kung kaya't kahit magkaroon man ng malawakang nuclear radiation, maituturing na ligtas pa rin ang bansa.

Samantala, isang magandang balita naman, ayon sa Defense Ministry, ang pagkakaligtas ng isang military helicopter nito ring Linggo sa isang 60 taong gulang na lalaki na natagpuang lumulutang sa malayong baybayin ng Fukushima sa bubong ng kanyang bahay matapos na tangayin ng tsunami. Nasa kanilang pangangalaga na anila ito at kasulukuyang nasa mabuting kundisyon.

Sa pagtaya ng U.S. Geological Survey ay 8.9 ang magnitude ng lindol sa unang pagtama nito, habang ayon naman sa ginawang pagtaya ng mga opisyal sa Japan nitong Linggo ay nasa 9.0 ang lakas nito. Alin man sa dalawang nabanggit ay ang pinakamalakas na naitalang lindol sa Japan kung saan sinundan pa ito ng 150 malalakas na aftershocks. (Von Labalan/PIA Sorsogon)

PITONG COASTAL LGUs SA SORSOGON, NAG-VOLUNTARY EVACUATION KASUNOD NG TSUNAMI ALERT BUNSOD NG 8.9 MAGNITUDE NA LINDOL SA JAPAN

Sorsogon City (March 12, 2011) -  Pitong coastal LGUs sa Sorsogon ang kusang nagsilikas mula sa kani-kanilang mga lugar kasunod ng tsunami alert level two warning na ibinigay ng Phivolcs kahapon.

Ito’y matapos na maganap ang isa sa pinakamalakas na lindol na tumama sa bansang Japan nitong Biyernes. Natukoy ang sentro ng 8.9 magnitude na lindol sa bahagi ng karagatan sa silangang baybayin ng nabanggit na bansa kung saan lumikha ito ng isang mabangis na tsunami na 23 talampakan o pitong metro ang taas, kasunod ang 50 mga pagyanig sa loob ng ilang oras,na karamihan ay nasa magnitude 6.0.

Bago naganap ang voluntary evacuation ng humigit kumulang sa 1, 606 na mga pamilya mula sa 51 mga barangay na nakabungad sa Karagatang Pasipiko ay nagpalabas ng babala ang tanggapan ng Sorsogon Provincial Disaster Risk Management Office sa mga residenteng nakatira malapit sa mga baybayin na maging alerto sa mga kakaibang galaw ng dagat.

Kasunod ito sa unang ibinigay na babala ng Phivolcs hinggil sa inaasahan na hanggang sa isang metrong paglaki ng mga alon sa karagatan lalo na anila sa mga coastal areas ng mga lalawigan sa buong bansa na nakabungad sa Karagatang Pasipiko.

Ayon pa rito, ang unang bugso ng tsunami waves ay inaasahang mararanasan nitong Biyernes sa pagitan ng alas-singko ng hapon at alas-siyete ng gabi. Hindi rin anila pareho-pareho ang sukat ng laki nito at posibleng magpatuloy ng ilang oras. Pinaalalahan din ng Phivolcs ang mga mamamayan na iwasang lumapit sa mga baybaying dagat habang nananatiling nakataas ang nabanggit na babalala.

Partikular sa mga coastal municipalities sa lalawigan ng Sorsogon ang Bacon District sa Sorsogon City, Prieto Diaz, Gubat, Barcelona, Bulusan, Santa Magdalena at Matnog.

Kung maaalala, nalagay din sa tsunami alert level two ang mga nabanggit na bayan bunsod ng naganap na 8.8 magnitude na lindol na tumama sa bansang Chile noong nakaraang Pebrero 27, 2010.

Napagalaman kay Jose Lopez ng SPDRMO na kusang nagsilikas nitong Biyernes ang humigit kumulang sa 1, 606 na mga pamilya mula sa 51 mga barangay sa mga naturang bayan sa kani-kanilang mga kamag-anak at kaibigan na nakatira sa mga matataas na lugar habang ang ilan naman ay nanatili sa mga evacuation centers.

Nito ring Biyernes ay naiulat ng mga otoridad sa bansang Japan na aabot na sa 500 at inaasahang tataas pa ang bilang ng mga nasawi habang humigit kumulang sa 349 ang nawawala at patuloy na pinaghahanap kasunod ng malagim na trahedya kung saan nagparamdam din ito sa Hawaii. Ayon pa sa ulat, sinakop ng alerto nito ang buong Pacific at umabot hanggang South America, Canada, Alaska at buong U.S. West Coast.

Sa ulat ng Philippine Institute of Volcanology and Seismology (Phivolcs) kagabi, mas mababa anila sa inaasahang isang metro ang tsunami waves na nakarating sa ilang lugar sa Pilipinas taliwas sa naunang pagtaya ng ahensya.

Naramdaman ang tama ng first wave dakong alas 6:00 kagabi kung saan naitala ang taas ng tubig sa 60 centimeters.

Ang ikalawang bugso ng tsunami wave ay naitala dakong alas-6:20 kagabi; 40 centimeters naman ang taas ng tubig na naitala sa ikatlong tsunami wave dakong alas-6:50 at ganoon din dakong alas-7:30 kagabi.

Samantala, dakong alas-12:00 na ng hatinggabi nang ibinaba na Phivolcs ang tsunami alert level na ipinataw sa 19 na mga lalawigan sa bansa, kasunod ng 8.9 magnitude na lindol na tumama sa Japan.

Ayon kay Phivolcs Director Renato Solidum, ibinaba na nila ang alert level na unang ipinataw sa bansa dahil sa patuloy umanong pagganda ng sitwasyon na kanilang natatanggap tungkol sa mga tsunami waves.

Sinabi pa ni Director Solidum, na bagama’t kanselado na ang tsunami alert level ay nagpaalala pa rin sila sa mga naninirahan sa mga coastal areas na iwasan ang pagpunta sa tubig dahil nararamdaman pa umano ang lakas ng current nito.

Ang mga lugar na nagkaroon ng paglilikas ay ang mga sumusunod: Batanes Islands, Cagayan, Ilocos Norte, Isabela, Quezon, Aurora, Camarines Norte, Camarines Sur, Albay, Catanduanes, Sorsogon, Northern Samar, Eastern Samar, Leyte, Northern Leyte, Surigao del Norte, Surigao del Sur, Davao Oriental at Davao del Sur. (Von Labalan/PIA Sorsogon)