Sorsogon Nat’l High School offers open secondary school program this year

by Irma a. Guhit

SORSOGON CITY , May 30 (PIA) -- Sorsogon National High School is offering the Open High School Program (OHSP) that will allow students who graduated from the elementary and who were not given the chance to proceed and finish secondary education due to some reasons or circumstances.

"The new learning program is very different from the Alternative Learning System (ALS) since this will be more of a structured learning program and students will be in a modular system, home-based but is also more patterned on the basic education scheme or principles ", Dr. Blanca Rempillo, principal of the SNHS explained during the interview in the radio program, Sararo Sarabay this morning.

SNHS is inviting students who graduated from the elementary and who would like to finish their secondary level education but can not go to a regular class yet still wish to graduate by just reporting once a week and can study by bringing home structured modules that will provide them a comparative education same as that of a regular class but will be more flexible and home-based.

According to Joan Lagata, OHSP program coordinator, announced that those who would like to enroll will undergo examination and pass the test that will show that they are independent learners and are independent readers and has the capacity to study on their own.

Lagata said that in the OHSP, the student who passes the examination will be enrolled in a modular class equivalent to the regular 8 subjects offered in the basic education scheme. The student will bring home these modules, study and answer the questions and will report once a week or may schedule a meeting with teachers who are handling the subject.

A student may finish the module depending on his capacity to pass the given module. They will also be given summative test and other needed tests required as a requirement to pass aside from the 8 modules equivalent to the eight subjects offered equivalent to a year level.

According to Lagata one can finish within 6 months the first year of high school depending on the student's capacity to pass the modules and examinations given. If the student pass the 8 modules within the six months period, the student will be promoted to the next year level just like being promoted in a regular class.

The OHSP has a maximum of six years to finish and should the student needs more time.Students who are more advanced and can really prove that they are able to do the modular system of learning may finish it on a four year schedule.

"This scheme that the SNHS is offering is really part of the academe's thrust to provide everyone, specially those who needs a high school diploma to pursue college education and will be provided the chance to finish their secondary level education and go to a university and have a degree", according to Lagata.

"What is very important here is the attitude of the student enrolling to really be an independent learner. The OHSP will ensure less expense on students specially if they are having families and if they really can not attend a regular class because of other constraints, usually because of age too or other circumstance. This program of the SNHS willl give them the chance to finish their secondary education aside from the ALS ", according to Rempillo.(MAL/IAG, PIA Sorsogon)

Diskwento Caravan ng DTI sisimulan ngayon sa Sorsogon

Ni: Bennie A. Recebido

Sorsogon City, June 1 (PIA) – Ilulunsad ngayong araw dito sa Sorsogon ang Diskwento Caravan ng Department of Trade and Industry (DTI) na may layuning makapagbenta ng mga discounted products.

Ayon kay DTI Consumer Welfare Division Chief Evelyn Paguio, nais ng administrasyon ni Pangulong Benigno Aquino III sa pamamagitan ng DTI na matulungan ang mga mamamayan partikular ang mga magulang na mabawasan ang kanilang financial burden lalo ngayong nalalapit na ang pagbubukas ng klase sa pamamagitan ng pagbebenta ng mga school supplies sa napakababang halaga.

Aabot sa anim na department store sa lungsod ang lalahok sa gagawing sampung araw na todo-todong diskwento.

Kabilang sa mga school supplies na ibebentang may mga freebies, buy one take one at may todo-todong diskwento ay ang mga notebooks, pad papers, school bags, ballpen, lapis, school shoes at marami pang iba.

                                                             

Sinabi din ni Paguio na maliban sa 10-day sale ng mga Department Store ay nakatakda ring magkaroon pa ng 2^nd phase ng Diskwento Caravan sa darating na June 21-25, 2011 sa Aemilianum College school grounds kung saan maliban sa mga school supplies ay magbebenta rin ang mga tindahan ng iba’t-ibang mga agricultural products at grocery items sa napakamurang halaga.

Layunin din nitong mabigyan ng pagkakataon ang mga Sorsoganon na makabili ng mga murang paninda lalo pa’t nalalapit na ang city fiesta dito.

“Imbitado din ang mga Micro, Small and Medium Enterprises dito upang mai-showcase din nila ang kanilang produkto lalo pa’t inaasahan rin ang pagdagsa dito ng mga mamimili,” dagdag pa ni Paguio. (PIA Sorsogon)

Tourism package ng Sorsogon pinagaganda pa ng DOT

Ni: Bennie A. Recebido

Sorsogon City, June 1 (PIA) – Dahilan sa hindi na mapigilang pagtaas ng bilang ng mga turistang dumadayo sa Sorsogon partikular sa bayan ng Donsol, higit pang pinagaganda ngayon ng Department of Tourism (DOT) ang tourism package ng lalawigan ng Sorsogon.

Ayon kay DOT Bicol Regional Director Maria “Nini” Ravanilla, maliban diumano sa firefly watching na ikinabit nila sa Butanding tourism package, idinagdag na rin nila ang Island Hopping sa Ticao Island upang makita pa ng mga turista ang iba pang kagandahan ng Bicol at mahikayat din ang mga ito na mamalagi pa sa Donsol ng mga tatlo hanggang apat na araw.

Inihayag din ni Ravanilla na sa unang distrito ng Sorsogon, isasabay na rin nila ang Egret Bowl sa Pilar at nasa validation process na rin ang integration ng Pearl Farm na matatagpuan sa Malawmawan Beach sa bayan ng Castilla kung saan maari ring magdive ang mga turista doon.

Habang sa ikalawang distrito naman ng Sorsogon, patuloy din ang pagsasaayos at pagpapaganda ng mga tourism destinations partikular sa bayan ng Bulusan. Hinihintay na lang din nila diumano ang project proposal na isusumite ng AGAP Bulusan, isang non-government organization na katuwang ng LGU-Bulusan sa pamamahala sa kapaligiran ng Mt. Bulusan.

Binigyang-diin ni Ravanilla na malaking bahagi din sa pagsusulong ng turismo ang kooperasyon at inisyatiba ng mga lokal na pamahalaan. Aniya, karamihan ngayon sa mga lokal na opisyal ay nakatutok na sa pagpapaunlad ng kani-kanilang local tourism resources lalo pa’t tiyak na kayang buhayin ng turismo ang lahat ng sektor ng isang komunidad. (PIA Sorsogon)

Pagbaba ng bilang ng tourist arrival sa Donsol taliwas sa inaasahan

Ni: Bennie A. Recebido

Sorsogon City, May 31 (PIA) – Taliwas sa inaasahan ng Department of Tourism Bicol na pagbababa ng bilang ng mga dadayong turista sa Donsol, mas tumaas pa ito ng sampung porsyento kumpara noong nakaraang taon.

Ayon kay DOT Bicol Regional Director Maria “Nini” Ravanilla, inaasahan nilang bababa ang bilang ng tourist arrivals ngayong taon dahilan sa nataon ang La Nina sa peak season ng Butanding, subalit taliwas ito sa kanilang inaasahan sapagkat lumabas sa datos ng Donsol Municipal Tourism Office na mas tumaas pa ng sampung porsyento ang tourist arrival mula Enero hanggang Marso pa lamang ngayong taon kumpara sa kaparehong panahon noong nakaraang taon.

Sa analisis nila, mas natakot diumano ang mga domestic tourist sa La Nina sapagkat lumalabas din sa datos na mas marami ang foreign tourist na dumating kumpara sa mga domestic tourist. Magandang indikasyon ito diumano na patuloy na nakikilala at umaasenso ang turismo sa Donsol.

Dagdag pa ni Ravanilla na sa 21,000 na mga foreign at domestic tourist arrivals na target nila para sa Sorsogon ngayong peak season, kumpyansa diumano siyang lalagpas sila sa target lalo na’t mula Enero hanggang Marso pa lamang ay nasa 10% na ang itinaas nito kumpara sa 23,000 tourist arrival na naitala nila noong nakaraang taon.

Sinabi pa ni Ravanilla na malaki din ang ambag ng Butanding sa Donsol sa pagkakalagay ngayon ng rehiyon ng Bicol bilang pangalawa sa best tourism destinations sa bansa mula sa pansampung pwesto nito noong nakaraang taon. (PIA Sorsogon)

Mga lumabag sa fire safety standards binigyan pa ng palugit ng City BFP

Ni: Francisco B. Tumalad, Jr.

Sorsogon City, May 31 (PIA) – Matapos ang sunud-sunod na isinagawang inspeksyon ng mga tauhan ng Sorsogon City Fire Station sa mga boarding houses sa kabisera ng syudad nitong mga nakalipas na araw, nakapagtala na ito diumano ng maraming bilang ng mga lumabag sa Fire Safety Standard ng ahensya.

Ayon kay City Fire Marshal Renato Marcial, karamihan sa mga ito ay ang kawalan ng fire extinguisher, fire alarm system, emergency lights at fire escape.

Kasama rin ang Abuyog National High School sa nasilip na may maraming sirang wiring installations at kinakalawang na fuse boxes dahilan sa kalumaan. Ayon kay Marcial, kailangang mabigyan ito ng agarang atensyon upang hindi ito magdala ng malaking perwisyo sa buhay at ari-arian sa darating na mga panahon.

Samantala, nagbigay pa rin ng palugit ang BFP sa mga naitalang lumabag sa Fire Safety Code at magpapadala pa rin sila diumano ng notice to correct upang makasunod ito sa itinatakdang mga alituntunin laban sa sunog.

Nilinaw din ni Marcial na sakaling hindi pa rin susunod sa kautusan ang mga ito sa kabila ng kanilang paalala ay mapipilitan ang ahensya na ikandado ito habang wala pa silang naisusumiteng mga kaukulang resikitos.

Ang inspeksyon ay base na rin sa derektibang ipinag-utos ni City Fire Marshall Renato Marcial upang mabantayan at matiyak na ligtas ang mga boarding houses at mga paaralan bago pumasok ang mga estudyante hanggang sa katapusan ng taon. (PIA Sorsogon)