Completion of Ariman Junction to improve tourism destinations' accessibility

by Irma A. Guhit

SORSOGON CITY, June 23 (PIA) ---- "The 20 million Php allocation coming from the national government to upgrade two road sections here in Municipality of Barcelona is one of the infrastructure components of the PNoy administration of boosting tourism destinations' , accessibility in the countryside , the two other components are attraction and  activity which we all have", Congressman Deogracias B. Ramos, representative of the 2nd district of the province of Sorsogon said in an interview here last week during the Ginubat Festival in his hometown, Gubat.

The report submitted by District Engineer Juanito Alamar  of the Department of Public Works and Highways (DPWH) , Office of the 2nd District Engineer on the near completion of about 86% of the Ariman Junction - Bulusan Road concreting project according to Ramos will trigger more tourism access and provide economic activities to most of the municipalities in the second district linked by the said road section.

According to the report of Engr. Alamar, the two road components divided into two road sections with an aggregate length of 902.88 meters with the first section  in  Barangay Tagdon  is with 610+499.55 km and 610+920.80 km and in Macabar, which is the second section is  614+277km and 614+758.63 km , all in the Municipality of Barcelona. 

These road componnets  will provide A-1 access to several second district municipalities like Bulusan, Irosin, Matnog and Bulan.

Hopefully the Ariman-Junction-Bulusan road will be completed at the end of July this year.

Alamar said that these road components lead to the famous Bulusan Volcano Natural Park (BVNP) considered as one of the best natural parks in the Philippines , and a prime tourism destination here in the province which the DPWH constantly oversees and maintains  in terms of accessibility development.

Ramos also expressed that the access road opened by the Ariman Junction will also provide safer and faster travels for tourists to a lot of tourism destinations in the municipalities of the second district known for its varied attractions and tourism activities like festivals.

"I am aware that tourism today is one of the  best economic uplifter of communities. As representative of the second district , I have also refiled the  Bulusan Volcano Natural Park Environmental Code (BVNPEC). The bill will when apporved will provide more development funds for the BVNP and institute best environmental sustainable - measures" , Ramos also expressed.

This allocation according to Ramos is a carry over for infrastructure development from calendar year 2010 primarily to upgrade the road sections from asphalt to concrete which is more durable.

"With the near completion of the road access, tourism opportunities and accessibility will be more opened to the municipalities of Irosin known for its hot and cold water bodies, Matnog for its scenic Subic Beach and Tikling Island and Bulan as a growing  tourism business hub, it being just like Matnog , a gateway to the south and the north" Ramos also expressed.

"Our congressional office is now working actively to complement the Department of Tourism's (DOT) thrust to make tourism the primary attraction of our province. Here we have the best of ecotourism sites, natural and not just-man made. ", according to Ramos .

"That is why we have to make these accessible to tourists and propel our province's economy by providing better and safer roads." (PIA-Sorsogon)

Aktibidad ng Sorsogon City Fiesta umarangkada na

Ni: BARecebido/FBTumalad

Sorsogon City, June 24 (PIA) – Matapos ang naging pag-uulan dito nitong nakalipas na araw dala ng bagyong Falcon, mapalad na biniyayaan ng magandang panahon kahit makulimlim ang pagbubukas ngayong araw ng mga aktibidad para sa selebrasyon ng Sorsogon City Fiesta.

Als-otso y medya ng umaga kanina nang magsimula ang civic military parade na nilahukan ng mga kinatawan ng national, provincial at city government, barangay officials, mga pangunahing tindahan sa lungsod, business establishments, food chains at iba pang mga sponsors.

Naging buhay din ang parada dahilan sa partisipasyon ng drum and lyre corps at floats ng iba’t-ibang mga public at private schools.

Isa sa mga tampok na aktibidad at inabangan sa pagbubukas ngayong araw ng Sorsogon City Fiesta ang pagdating ni Presidential Sister at TV Host Ms. Kris Aquino kasama si Senator Francis “Chiz” Escudero at Sorsogon 1^st District Congressman Salvador H. Escudero III.

Nagpasalamat naman si Sorsogon City Mayor Leovic Dioneda sa biglaang pagbisitang ito ng TV host na kahit pa hindi naging maganda ang panahon ay pinilit pa rin nitong makarating sa Sorsogon City.

Kabilang sa dalawang paaralang makatatangap diumano ng Baby James Donation na mga school supplies at iniindorso nilang germicidal soap ay ang Balogo at Abuyog Elementary Schools kung saan mahigit isanglibo’t limangdaang mga mag-aaral ang mabibiyayaan.

Matapos ang maiikling mensaheng ibinigay nina Senator Escudero, Congressman Escudero at Ms. Kris Aquino, ay agad nang sinimulan ang pamamahagi ng mga dala-dala nilang mga tulong.

Samantala, iba’t-ibang mga aktibidad tulad ng mga cultural shows, sports activity at concert ang aabangan pa ng mga Sorsoganon hanggang sa sumapit ang araw ng kapistahan ng lungsod sa darating na June 29. (PIA Sorsogon)

1st National Trail Run pinaghahandaan na ng LGU-Bulusan

Ni: Bennie A. Recebido

Sorsogon City, June 24 (PIA) – Abala na ngayon ang local na pamahalaan ng Bulusan sa tulong ng Aggrupation of Advocates for Environmental Protection o AGAP-Bulusan, Inc., isang non-government organization na nangangalaga sa Bulusan Volcano Natural Park (BVNP), para sa gagawin nilang aktibidad sa darating na July 23 – ang 21-km First National Trail Run.

Ayon kay AGAP – Bulusan President Philip Bartilet, layunin ng nasabing trail run o “Dalagan sa Kabubudlan” na mapalakas at mapasigla pa ang turismo sa kanilang lugar.

Bukas na rin diumano sa ngayon ang registration para sa sinumang nais sumali kung saan maaari silang makipag-ugnayan sa AGAP Bulusan o sa tanggapana ng lokal na pamahalaan ng Bulusan.

Dagdag pa niyang sa kabila ng marami na ang naghayag ng interes na sumali, hindi lamang mga taga-rito kundi maging yaong mga nasa ibang bansa na nagsabing uuwi sila upang makasabay sa aktibidad, nanawagan pa rin ang technical working committee sa publiko na suportahan ng lubos ang kauna-unahang trail run na ito.

Katuwang din ng LGU – Bulusan ang mga non-government agencies at iba pang mga pribadong sector sa pagsusulong ng aktibidad na ito na gagawin dalawang araw bago ang kapistahan ng patron ng Bulusan. (PIA Sorsogon)

22 bagong computer set natanggap ng DepEd Sorsogon

Ni: Bennie A. Recebido

Sorsogon City, June 23 (PIA) – Malaking tulong sa pagpapalago pa ng kaalaman ng mga mag-aaral ang kabuuang dalawampu’t-dalawang mga bagong yunit ng computer set na natanggap ng Sorsogon province schools division at ng city schools division mula sa Department of Trade and Industry (DTI) na pinondohan ng Non-Project Grant Aid ng pamahalaan ng Japan.

Sa simpleng opening program ng DTI Work on Whells Caravan kahapon, tinanggap ni Sorsogon Schools Division Superintendent Dr. Marilyn Dimaano ang sertipikasyong nagbibigay ng labing-isang yunit ng mga bagong computer para sa siyam na mga paaralan sa lalawigan. Ilan sa mga masuswerteng paaralang ito ay ang Bacolod National High School, Pilar Productivity High School, Gabao National High School, Magallanes National Vocational, Milagrosa National High School, Buhang National H.S., San Roque National H.S. at dalawang iba pa.

Tinanggap naman ni Sorsogon City Schools Division Supt. Dr. Virgilio Real ang labing-isa ring mga bagong computer set para sa apat na mga paaralan sa lungsod.

Ito ang Phase 4 ng programang ito ng DTI at ito kauna-unahang mga paaralang ginawaran ng ganitong tulong ng DTI sa lalawigan ng Sorsogon.

Maliban sa Sorsogon, makakatanggap din ng kahalintulad na tulong ang iba pang mga napiling paaralan sa lahat ng mga lalawigan sa rehiyon ng Bicol. (PIA Sorsogon)

Sorsogon nakararanas ng pag-uulan simula pa kagabi; ilang pananim lubog sa tubig baha

Ni: Bennie A. Recebido

Sorsogon City, June 23 (PIA) – Patuloy ang pag-uulan dito simula pa kagabi dahilan upang magsimulang maalarma at maghanda ang mga residente lalo na yaong malapit sa Rangas River sa may bahagi ng Juban at Irosin, Sorsogon.

Nangangamba diumano ang mga residente na dahil sa tuloy-tuloy na pag-uulan ay muling tumaas ang tubig sa Rangas River at pumasok ito sa kanilang mga kabahayan. Kaugnay nito, inihanda na nila diumano ang kanilang mga sarili at mahahalagang gamit sakaling kailanganin ang paglilikas.

Sa naging pagsubaybay ng PIA Sorsogon, ilang mga maisan na rin ang pinadapa at nakalubog sa tubig sa may bahagi ng Brgy. San San Roque sa Bacon District, Sorsogon City at ilan ding mga umuusbong na palay sa ilang bahagi naman ng Irosin, Sorsogon ang nalubog sa tubig baha.

Nanawagan naman si LtJG Ronnie Ong ng Phil. Coast Guard – Sorsogon City Station sa publiko lalo na sa mga mangingisda na iwasan na muna ang pagpunta sa dagat at paglalaot. Aniya, kung titingnan ay kalmado ang dagat subalit wala umanong nakakatiyak sa panganib na maaring suungin sakaling nasa gitna ng laot lalo’t ganitong hindi maganda ang kondisyon ng panahon.

Sinabi ni Ong na wala ding naitatalang strandees sa mga pantalan at nagbigay abiso na rin umano sila sa mga bangkero at kapitan ng barko na maging alerto sa mga pagbabago sa lagay ng karagatan at panahon.

Samantala, alerto rin ang mga local na opisyal dito para sa pagresponde sakaling magdala ng mas malalaki pang epekto ang pag-uulang dulot ng bagyong Falcon. (PIA Sorsogon)

Konstruksyon ng Ariman Junction-Bulusan Lake Road malapit nang matapos – DPWH-S2DEO

Ni: Bennie A. Recebido

Sorsogon City, June 22 (PIA) – “Malapit nang matapos.”

Ito ang naging pagtitityak ni Department of Public Works and Highways (DPWH) Sorsogon 2^nd District Engineer Juanito R. Alamar sa ginagawang pagpapasemento ng Ariman Junction – Bulusan Lake Roadsa bayan ng Barcelona, Sorsogon.

Ayon kay Alamar, nahahati sa dalawang road sections ang kalsada na may kabuuang haba na 902.88 metro. Ang unang seksyon diumano ay nasa Brgy. Tagdon habang nasa Brgy. Macabari naman ang ikalawang seksyon.

Ang nasabing road sections ay bahagi ng 27.098 kilometrong Ariman junction – Bulusan Lake road, isang national secondary road na bumabaybay patutungong Bulusan Lake, ang isa isa sa mga lugar sa bayan bg Bulusan, Sorsogon na dinarayo ng mga turista at tinaguriang “Switzerland of the Orient” ng Department of Tourism (DOT).

Ang nasabing proyekto na pinondohan ng dalawampung milyong piso (P20-M) mula sa 2010 projects ay bahagi ng pagpapataas pa ng uri ng kalsada mula sa pagiging aspaltado tungo sa pagiging konkretong semento nito.

Sa kasalukuyan ay nasa walumpu’t-anim na porsyentong tapos na ang nasabing patrabaho ng DPWH 2^nd District Engineering office. (HDeri/PIA Sorsogon)

Bicol WoW Diskwento Caravan simula na ngayon

Ni: Bennie A. Recebido

Sorsogon City, June 22 (PIA) – Opisyal nang sinimulan kanina sa Aemilianum College Inc. grounds ang pagbubukas ng Work on Wheels (WoW) Diskwento Caravan ng Department of Trade and Industry (DTI) dito sa rehiyon ng Bikol kung saan ang Sorsogon ang naging punong-abala.

Tampok sa dalawang araw na aktibidad ang gagawing Go Negosyo Seminar (NEGOSEM) Provincial Caravan ang pagdating dito ni DTI-ROG USec Merly M. Cruz na magbibigay mensahe ukol sa pagsusulong ng Small and Medium Enterprise (SME) sa mga probinsya sa pmamagitan ng SME Caravan bilang isa sa mga pangunahing adyenda ng administrasyon ni Pangulong Benigno Aquino III.

Ayon kay chief, trade and Industry Development Specialist Marnela Hernandez ng DTI Sorsogon darating din ang mga matatagumpay na negosyante upang ibahagi ang kanilang sikreto ng tagumpay sa negosyo sa mga local entrepreneurs at nagnanais na pumasok sa ganitong uri ng pagnenegosyo.

Kabilang sa mga ito ay sina Linda Corsiga ng Sorsogon Foods Enterprises at Ryan Detera ng Tia Berning’s Pili Candies.

Magkakaroon din umano ng “Question and Answer” na kahalintulad sa Kapihan upang bigyang pagkakataon ang mga dadalo na makapagtanong pa.

Dagdag pa ni Hernandez na labingtatlong paaralan din ang makatatanggap ng computer sa pamamagitan ng kanilang Personal Computer Programming School na apat na taon na ring ipinatutupad.

Igagawad din ni Ginoong renato V. Navarette, Managing Director ng Certification International Philippines ang pagkilala sa DTI Regional Office V bilang ISO certified.

Samantala, tiniyak naman ni DTI Sorsogon Provincial Director Leah Pagao na sa pamamagitan ng iba’t-ibang mga paksang pangnegosyo na gagawin sa dalawang araw na forum, mabibigyan ng oportunidad ang mga local entrepreneurs na mapalago pa ang kanilang mga negosyo.

Dagdag pa ni Pagao na magiging inspirasyon din diumano ng mga kalahok ang mga buhay na testimonyang ibabahagi sa forum ng DTI Go Negosyo Tagumpay na makakatulong pa ng malaki sa mga local entrepreneurs lalo na sa grassroot level. (PIA Sorsogon)

Pagbebenta ng tuko illegal, ayon sa DENR

Ni: Bennie A. Recebido

Sorsogon City, June 21 (PIA) – Nagbigay babala sa publiko ang Department of Environment and Natural Resources (DENR) laban sa mga na illegal na bentahan ng mga tuko o Gecko kung saan pananagutin nila diumano ang sinumang mahuhuling gumagawa nito.

Ayon ay DENR Bicol Regional Executive Director Joselin Marcus Fragada, iniimbestigahan na nila diumano ang mga napapaulat na talamak na illegal na bentahan at koleksyon ng geckos o tuko.

Aniya, malinaw na nakasaad sa Republic Act 9147 o Wildlife Act na kabilang sa mga wildlife species ang tuko kung kaya’t mahigpit na ipinagbabawal ang illegal na pangongolekta, pagbibiyahe at pangangalakal ng mga kakaibang hayop na ito.

Kaugnay nito, hinikayat ni Fragada ang publiko na maging mapagsubaybay ukol dito at agad na isumbong ang mga kahina-hinalang indibidwal o grupo na maaaring sangkot sa ganitong gawain sa pinakamalapit na tanggapan ng DENR o Community Environment and Natural Resources Office (CENRO) sa kanilang lugar.

Marami diumano ang nahihikayat na gumawa ng ganitong illegal na gawain maging sa internet dahil sa taas ng halaga ng bentahan ng tuko kung saan ginagamit ito sa mga sugal habang ayon naman sa ilan ay ginagamit ito para sa layuning medicinal.

May ilang mga unverified reports din na binibili umano ng mga Chinese at Korean nationals ang 500 grams o labimpitong pulgada ng tuko ay umaabot sa P100,000 hanggang P300,000.

Sa ilalim ng Wildlife Act of the Philippines, kinakailangang kumuha muna ng espesyal na permiso mula sa Protected Areas and Wildlife Bureau (PAWB) at DENR regional office ang sinumang mangongolekta ng mga tuko. (JB/CB/PIA Sorsogon)