Sorsogon Police Provincial Office, Pebrero 10, 2012 – Nagpapadagos na ang National Police Commission (NAPOLCOM) On-Line Examination Application Scheduling System (OLEASS) para sa boot na maglaog sa pulis asin duman sa mga boot na ma promote na mga nasa serbisyo ng mga pulis. Naka iskedyul ang eksaminasyon ngonian na maabot na Abril 29, 2012.
Ang mga aplikante dapat na mag-gamit kan on-line system para ma iskedyul an saindang application. Sinda dapat na personal na magduman sa opisina kan NAPOLCOM Regional Office kun sinda makaresibe na kan confirmation letter kan saindang on –line scheduling na mahihiling sa saindang personal na e-mail address para sa filing kan saindang application. Ang on-line scheduling iyo an poon Pebrero 1 sagkod na Pebrero 13, 2012.
Ang filing of Application iyo an poon Pebrero 14 sagkod na Marso 16, 2012. Dapat na tandaan na kun dai sindang printed on-line confirmation letter dai sinda makaka apply.
Ang ma exam kan PNP Entrance Test kaipuhan na bachelor’s degree holder, dai malampas sa 30 anyos, 1.62 meters ang langkaw (5’4’’) para sa mga lalaki, 1.57 meters ang langkaw (5’2”) para sa mga babae.
An PNP Promotional Exam iyo an kaipuhan kan mga nasa serbisyong pulis na para sinda ma promote. Para makagamit kan on-line scheduling kaipuhan na mag log-on sa www.napolcom.gov.ph. (PNP/PIA Sorsogon)
No comments:
Post a Comment