LEGAZPI CITY, PEBRERO 22 (PIA) – TINAWAN NIN DOON NI DENR UNDERSECRETARY MANUEL GEROCHI NA MAHAHAMAN SA OKTUBRE KAN TAON NA INI AN CADASTRAL SURVEY SA NAGKAPIRANG BANWAAN BUDA SYUDAD SA KABIKOLAN.
AN SIRING NA PAHAYAG ITINULOD NI USEC. GEROCHI NGANI MAGPUNAS SA KAHADITAN NIN MGA HEPE EHEKUTIBO SA PAGSASA-PINAL KAN POLITICAL BOUNDARY O LINDERO POLITIKAL KAN MGA GOYERNO LOKAL.
SINABI KAN OPISYAL NA NAGKAKANIGO AN PLASONG ITINALAAN PARA MAHIMO AN CADASTRAL SURVEY APESAR PA SA DULONG PAGSÀRÂ KAN MGA CONTRACTOR SA KAKAYAHAN KAN MGA INI NA MAGPAOTOB KAN PAGTANTAN SA MGA LINDERO. IPINAHAYAG NIYA NA AN MARIKAS SAKA KOMPREHENSIBONG CADASTRAL SURVEY AN IPIG-UUSOL KAN D-E-N-R.
SA LINDONG KAN CADASTRAL SURVEY PROJECT NA PINUNDOHAN KAN WORLD BANK, APAT (4) NA SYUDAD BUDA SIYAM (9) NA BANWAAN AN IPAPAIRAROM SA PROYEKTO NA KOMPUESTO KAN MINASUNOD – MGA SYUDAD NIN LEGAZPI, NAGA, IRIGA SAGKOD LIGAO; MGA BANWAAN KAN DARAGA, GUINOBATAN, LIBON, PIO DURAN SA ALBAY; DAET SAKA MERCEDES SA CAMARINES NORTE; NABUA DANGAN PILI SA CAMARINES SUR SAGKOD MANDAON SA MASBATE.
SEGUN SA UNDERSECRETARY, AN SIRING NA LAKDANG SOSOG SA INISYATIBA NI PRESIDENTE AQUINO NA TAWAN NIN PRAYORIDAD AN CADASTRAL SURVEY BILANG PARTE KAN PROGRAMA KAN GOBYERNO NA MATAONG KAGAANAN SA KAPAGTIOSAN SA PAAGI KAN TOLTOL NA PAGHERAS O DESTREBUER KAN DAGA. (Ruby Mendones, DENR-RPAO/PIA SORSOGON)
No comments:
Post a Comment