POLITICAL BOUNDARY NIN NAGKAPIRANG BANWAAN SA KABIKOLAN PRAYORIDAD KAN DENR

LEGAZPI CITY, APRIL 10 – DAENG RASON NA MAPEPENDIENTE AN PAGHIHIMO KAN POLITICAL BOUNDARY SA NAGKAPIRANG BANWAAN SA KABIKOLAN SA RASON NA INI AN PIGTATAWAN NIN PRAYORIDAD KAN DEPARTMENT OF ENVIRONMENT AND NATURAL RESOURCES.

INI AN TINAWAN NIN DOON NI D-E-N-R UNDERSECRETARY DEMETRIO IGNACIO SA ASEGURASYON NA MAHAHAMAN SA LAOG KAN TAON NA INI AN CADASTRAL SURVEY SA NAGKAPIRANG BANWAAN BUDA SYUDAD SA KABIKOLAN.

PIGKUMPIRMAR NI USEC. IGNACIO NA NASA INISYAL NANG PROCESO AN CADASTRAL SURVEY NA IPINAPA-AGI SA MAHIGOT BUDA MALINAW NA BIDDING. SEGON SA OPISYAL, INI TANGANING MASEGURO NA DAE NIN MANGYAYARING IREGULARIDAD SA PROYEKTO NA PIG-FUNDOHAN KAN WORLD BANK.

SA LINDONG KAN CADASTRAL SURVEY PROJECT NA PINUNDOHAN KAN WORLD BANK, APAT (4) NA SYUDAD BUDA SIYAM (9) NA BANWAAN AN IPAPAIRAROM SA PROYEKTO NA KOMPUESTO KAN MINASUNOD – MGA SYUDAD NIN LEGAZPI, NAGA, IRIGA SAGKOD LIGAO; MGA BANWAAN KAN DARAGA, GUINOBATAN, LIBON, PIO DURAN SA ALBAY; DAET SAKA MERCEDES SA CAMARINES NORTE; NABUA DANGAN PILI SA CAMARINES SUR SAGKOD MANDAON SA MASBATE.

SEGON SA UNDERSECRETARY, AN SIRING NA LAKDANG SOSOG SA INISYATIBA NI PRESIDENTE AQUINO NA TAWAN NIN PRAYORIDAD AN CADASTRAL SURVEY BILANG PARTE KAN PROGRAMA KAN GOBYERNO NA MATAONG KAGAANAN SA KAPAGTIOSAN SA PAAGI KAN TOLTOL NA PAGHERAS O DESTREBUER KAN DAGA. PIGLALAOMAN NA SA TAON 2014 MAHAHAMAN AN BILOG NA POLITICAL BOUNDARY KAN NASYON. (Ruby Mendones, DENR/PIA Sorsogon)