MANAGEMENT PLAN PARA SA LIMANG SADIT NA DANAW KAN LAKE BUHI PIGHIHIMO NA

LEGAZPI CITY, SETYEMBE 10 – TANGANING DAGOS NANG MASAPOD AN SINARAPAN SA PAGKAUBOS, PIGHIMO NA KAN MGA STAKEHOLDER SA BANWAAN KAN BUHI AN MANAGEMENT PLAN PARA SA TULONG LAKELETS O SADIT NA DANAW KAN BANWAAN.

SA TABANG KAN GINIBONG WRITESHOP NA PINANGENOTAN KAN DEPARTMENT OF ENVIRONMENT AND NATURAL RESOURCES (D-E-N-R) – PROTECTED AREAS WILDLIFE AND COASTAL ZONE MANAGEMENT SERVICE (PAWCZMS) NAHAMAN KAN AMBOS LADOS AN LIMANG TAON NA MANAGEMENT PLAN KAN LAKELET MANAPAW, MAKUWAW SAKA KATUGDAY NA YAON SA BARANGAY SAN RAMON SAKA DELA FE.

SOSOG PROTECTED AREAS AND WILDLIFE DIVISION KAN D-E-N-R, AN NASAMBIT NA 5-YEAR PLAN IYO AN MASERBENG LLABE SA PAG-KONSERBAR ASIN PAGPROTEHIR KAN SINARAPAN, AN PINAKASADAYOT NA SIRA SA KINABAN NA MATUTUPARAN SA BUHI.

KATUWANG KAN D-E-N-R SA PAGBILOG KAN PLANO IYO AN MGA REPRESENTANTE GIKAN SA GOBYERNO LOKAL KAN BUHI, MGA REPRESENTANTE KAN KONSEHO KAN BRGY. SAN RAMON, MGA PERSONAHE KAN BUREAU OF FISHERIES AND AQUATIC RESOURCES (BFAR), PHIL. NATIONAL POLICE (P-N-P), MGA REPRESENTATE HALE SA NON-GOVERNMENT ORGANIZATION (N-G-O), BUDA IBA PANG STAKEHOLDER.

POSITIBO AN D-E-N-R NA AN SIRING NA LAKDANG AN MATABANG SA LIWAT NA PAGDAKUL KAN SINARAPAN SA BUHI DULO NA SA MGA NAUNAMBITAN NA DANAW-DANAW. (RMendones, DENRV/PIA Sorsogon)