Pagsasanay ng mga tour-guide inaasahang magpapasigla pa ng turismo sa Sorsogon

Ni: Bennie A. Recebido

LUNGSOD NG SORSOGON, April 13 (PIA) – Inaasahang higit pang maisusulong ang turismo sa Sorsogon lalo na’t hindi maglalaon ay magkakaroon na rin ang lalawigan ng mga well-trained tour-guide.

Ito ay kaugnay ng programa ng Department of Tourism sa pakikipatulungan nito sa Technical Skills and Development Authority (TESDA) at pamahalaang lalawigan ng Sorsogon sa pamamagitan ng Provincial Tourism Office kung saan nagpapatuloy sa ngayon ang pagsasanay sa animnapung tour guide na kabilang sa Bulusan-Matnog cluster.

Ayon kay Provincial Tourism Officer Cris Racelis, nasa isangdaang mga tour guide ang sasanayin upang siyang maging opisyal na mga tour guide sa lalawigan ng Sorsogon.

Aniya, hinati nila sa dalawang training areas ang Sorsogon kung saan ang animnapung slot ay ibinigay sa Bulusan-Matnog cluster habang ang apatnapung slot ay ibinigay naman sa Sorsogon City cluster.

Sakop ng Bulusan-Matnog cluster ang mga lugar panturismo ng mga bayan ng Gubat, Pto. Diaz, Barcelona, Irosin, Matnog, Bulusan, Sta. Magdalena at Bulan.

Habang ang natitirang mga bayan ay kabilang naman sa Sorsogon City cluster.

Ayon kay Racelis, sinimulan ang pagsasanay para sa Bulusan-Matnog cluster noong Pebrero ngayong taon na tatapusin nila sa loob ng 25 araw ayon sa mga itinakdang araw ng pagsasanay kasama na dito ang tatalong araw na mock tour guiding. Hindi kabilang dito ang mga araw para sa orientation at screening.

Ang mga tagapagsanay ay mula sa isang travel agency sa Donsol at mula sa DOT. Libre umano ang pagsasanay at ang mga makakatapos sa pagsasanay na ito ay gagawaran ng National Certificate o NC II ng TESDA. (BARecebido, PIA Sorsogon)

Pagtatanim ng kawayan dapat na pagtuunang-pansin ayon sa DENR at PENRO

Ni: Bennie A. Recebido

LUNGSOD NG SORSOGON, April 13 (PIA) – Isa ang kawayan sa kinakikitaan ngayon ng potensyal hindi lamang sa bahaging pangkabuhayan kundi bilang pananggalang sa mga kalamidad tulad ng baha at pagguho ng lupa.

Ayon sa Department of Environment and Natural Resources (DENR) Sorsogon at Provincial Environment and Natural Resources Office (PENRO), ang pagtatanim ng mga kawayan sa mga gilid ng ilog ay isa sa mga tinitingnang pamamaraan upang makabawas sa epektong maaaring idulot ng pagbabago ng panahon ngayon.

Nahahadlangan umano nito ang posibilidad ng pagguho ng lupa sa mga gilid ng ilog sapagkat may kakayahan ang mga ugat nito na patigasin ang lupang kinatataniman nito.

Mungkahi din ng DENR at ng PENRO sa Philippine National Police (PNP) Sorsogon na isama ang pagtatanim ng kawayan sa komprehensibong pagpapatupad nito ng National Greening Program (NGP) ng pamahalaan.

Matatandaang sinimulan na ng PNP noong Pebrero ngayong taon ang malawakang pagtatanim ng mga puno ng kahoy sa ilalim ng “Pulis Makakalikasan: 10 Milyong Puno, Pamana sa Kinabukasan” Program, kung saan ang bawat kasapi ng PNP ay dapat na makapagtanim ng anim na puno ng kahoy buwan-buwan hanggang sa Pebrero, 2013.

Mainam din anilang maturuan ang mga kapulisan ukol sa pagtatayo ng nursery kung saan magpapatubo sila ng mga buto doon nang sa gayon ay di sila maubusan ng mga itatanim.

Sa pahayag pa ng dalawang ahensya, dati umanong Community-Based Resource Management Project site ng Sorsogon ang mga lugar ng Castilla, Casiguran, Juban, Magallanes at lugar malapit sa Cawayan River sa Sorsogon City, subalit simula ng magtayo ng mga river guard dito ay natigil na ang pagpapatanim ng mga kawayan kung kaya’t nais umano nilang buhaying muli ito sa pamamagitan ng paghikayat sa mga indibidwal o organisasyong nagtatanim ng mga puno.

Maging ang Provincial Tourism Office ay inayunan din ang suhestyon lalo pa’t balak na isulong at paigtingin ng Provincial Government ang Agri-Tourism sa Sorsogon.

Samantala, matatandaang dati nang binisita ang Sorsogon ng isang negosyanteng Australyano kung saan ipinakita nito ang potensyal ng kawayan bilang isang magandang uri ng plywood o mas kilala bilang ‘bambooply’ at bilang isang magandang materyal sa paggawa ng mamahaling tela dahil sa fiber content nito.

Aniya, magandang lugar ang Sorsogon na pagtaniman ng kawayan dahilan sa naaayon ang kondisyon ng panahon dito upang madaling mabuhay ang ganitong uri ng pananim. (BARecebido, PIA Sorsogon)

SPDRMO SUPPORTS WORLD VISION’S CHILD HEALTH NOW

SORSOGON CITY, April 13 – ChildHILD SPONSORSHIP as the main concern of the Green Valley Development Programme (GVDP) and as an Area Development Project (ADP) of World Vision (WV) highly requires that not only financial, spiritual and material support must be provided to the children in order for them to become worthy and productive citizens of the country in the future. But, what is important for their growth and development is their health status.

The introductory statement made by Sorsogon Provincial Disaster Risk Management Office (SPDRMO) Chief Jose F. Lopez was on the subject of the WV’s first global advocacy campaign: Child Health Now (CHN) which focuses on a single issue: reducing the preventable deaths of children under five.

CHN is an affirmed institutional priority for WV with significant investment in health programming over five years. It is likewise an opportunity to develop advocacy methods that suit the organization’s tradition. WV says CHN is an innovative way of working on an issue that is also being addressed by their health programmes on the ground-adding value to existing programmes and leveraging their presence in the field.

Christopher Estallo, WV’s Manager for Advocacy and Strategic Partnerships was here last Wednesday, March 28 to present the objectives of the CHN through an orientation-consultation which also involved the local media.

WV articulates that 8.1 million children die each year before the age of five (40% - neonatal; 19% - pneumonia; 18% - diarrhea; 10% - other; 8% - malaria; 3% - hiv/aids; 2% - measles) and almost 1/3 of these children can be saved with cheap, effective and easy-to-implement solutions, but governments are unable or unwilling to respond.

“So much so that the Child Health Now as an additional concern which is being encouraged to the sponsored children of the Green Valley Development Programme must be given enough attention, consideration and full support not only of the institution or the community, but more of the government which has the same concern in protecting the social welfare of the people, “SPDRMO Chief Jose F. Lopez explicated.

As a program partner, GVDP’s Sorsogon Area Development Programme is supported by World Vision US. Its ADP Programme Manager is Norma Hernandez.

Jose Lopez said that when it comes to the consideration on how children are affected, or how the Disaster Risk Reduction Management (DRRM) program of the province affects the health status of the children, it is a given situation that when children are well-nourished, healthy and properly attended to, socially their vulnerability to different risks in the society is gradually lessened. Unlike if in a calamity or in a disaster situation, while children are one of the very vulnerable elements are much more aggravated if they are sickly. If the children are suffering from different kinds of diseases, it takes a lot of burden to their parents.

“That’s why the CHN which is being encouraged by WV to all their ADPs like the GVDP is highly welcome that it must be thoroughly incorporated for the welfare of the sponsored children and other non-sponsored children whom the GVDP would extend their assistance in the community where they are serving the people,” Lopez said.

WV defines their advocacy campaign as the promotion of justice through changes in policies, systems, structures, practices and attitudes, citizen mobilization and education about human and child rights.

The outcomes according to WV are likely to be an effective and robust advocacy campaign that establishes multi-sectoral partnerships and community health support mechanisms where decision makers and communities are informed on child health issues and children, youth, and communities are empowered to demand for better health services; stakeholders and communities would be sensitized and taking action on child health through the institutionalization of policies, implementation of programs and increase in media coverage of child health issues; and an effective CHN campaign management with monitoring and evaluation plans and mechanisms in place.

Funded by World Vision Canada, Philippines is the 3rd country in Asia to launch this advocacy, according to Estallo.

The WV Advocacy and Strategic Partnerships Manager also considered the media involvement a chance for local television, radio and newspaper to be exposed to areas of WV-GVDP programmes and deliver timely and right information.

The Child Health Now campaign in the Philippines is from year 2011 to 2014. It contributes to the reduction of preventable maternal and child deaths in six (6) ADPs (6 provinces, 3 cities, 3 municipalities and 12 barangays), namely: Alcantara, Bunawan, Estancia, Puerto Princesa City, Oroquieta City and Sorsogon City.

GVDP’s Area Development Programme coverage for the CHN advocacy campaign in Sorsogon City involves two (2) barangays, Macabog and Pamurayan which are both pigeonholed as top areas in malnutrition.

 “Among other reasons why these barangays were chosen are the substantial collaboration between agencies and the government as well the cooperation being shown by health workers, “Allan Jerus, Programme Team Leader of GVDP said.

Meanwhile, SPDRMO Chief Lopez stressed that the significance of the project cannot be over-emphasized since health concerns are for the very people, but primarily it must start from childhood. It is a responsibility for any individual, aside from food and other important elements that will develop a human being from childhood. “The health of a child must be first priority,” the official said.

He concluded that without proper attention as the child grows could be stunted, the mind development affected and his or her intellectual capability might not be normal. Not like from birth if the proper care and nourishment lest sufficiently could at least be acceptably provided.

The SPDRMO supports the CHN Project by way of deepening the cognizance campaign for parents and adults so that they would contribute enough responsiveness because in times of crisis, the condition of sickly people particularly children gets worse and their vulnerability to the effects of any hazard or risk in the society is increased further. (Von Andre E. Labalan P.I.O., SPDRMO/PIA Sorsogon)

Lokal na awtoridad nagpalabas ng abiso sa publiko ukol sa aktibidad ng NoKor

Ni: Bennie A. Recebido

LUNGSOD NG SORSOGON, April 12 (PIA) – Kaugnay ng pagpapalipad ng missile o rocket ng North Korea, inabisuhan ng mga lokal na awtoridad dito ang publiko na pag-ibayuhin ang pag-iingat at maging mapagmasid sa kanilang kapaligiran simula Abril 12 hanggang sa Abril 16, 2012 upang maiwasan ang mga falling debris o bahagi ng missile na maaring malaglag sa ilang bahagi ng Pilipinas.

Ayon sa mga awtoridad, sa kabila ng ipinalabas ng Philipine Nuclear Research Institute (PNRI) na wala naman umanong panganib laban sa radioactivity ang nasabing missile, nais pa rin nilang maiiwas ang publiko sa mga bahaging maaaring magdulot ng kapahamakan sa kanila. Mainam nang maging handa at maging maingat sa anumang maaaring mangyari upang matiyak ang zero casualty sanhi ng aktibidad na ito ng NoKor.

Sa ipinalabas na abiso ng Department of Interior and Local Government (DILG) Sorsogon, hiniling nito sa mga alkalde na payuhan ang kanilang mga nasasakupan na manatili na lamang sa loob ng kanilang mga tahanan sa panahong magpapalipad ng missile ang North Korea.

Maging ang mga mangingisda ay inabisuhan din na huwag na munang pumalaot sa panahong itinakda para sa gagawing testing.

Nakasaad din sa abiso na maging ang South Korea, Japan at Taiwan ay may balak ding hadlangan ang pagpapalipad na ito ng North Korea.

Sa abiso naman ng Provincial Disaster Risk Reduction Management Council (PDRRMC) alinsunod sa ipinalabas din NG National DRRMC, mahigpit na pinayuhan nito ang publiko na mag-ingat, manatili na lamang sa bahay kung wala namang mahalagang transaksyon sa labas, sakaling may mga malaglag na bahagi ang rocket o missile sa kanilang lugar ay huwag itong gagalawin bagkus ay ipaalam sa mga awtoridad tulad ng mga opisyal ng barangay, pulis, coast guard, Bureau of Fire protection o sa mga lokal na kasapi ng DRRMC.

Ayon naman kay Chief Petty Officer Magin Advincula ng Coast Guard Station Sorsogon, mahigpit din nilang sinusubaybayan ang mga katubigang sakop nila at inalerto na rin ang apat na coast guard detachment sa Sorsogon na kinabibilangan ng Bulan, Matnog, Pilar at Donsol.

Aniya, nagsagawa na rin sila ng public advisory lalo na sa mga media upang matulungan silang maipaabot ang impormasyon sa publiko at nanawagan din ito sa mga mangingisdang madalas pumalaot sa silangang bahagi ng karagatan ng Sorsogon lalo na sa Bacon na iwasan na muna ang pagpunta roon.

Nilinaw din niyang walang ipinalalabas ang kanilang tanggapan ukol sa pagkakansela ng mga byaheng pandagat sa Sorsogon.

Matatandaang kasama ang Pilipinas sa iba pang bansa na nanawagan sa North korea na kanselahin na lamang nito ang planong paglulunsad ng nasabing missile. (BARecebido, PIA Sorsogon)

GOODBYE SIR ED DE LEON.... We will surely miss you....

THANK YOU FOR THE FRIENDSHIP... THE LOVE... THE HUMANE RELATIONSHIP... THE GIFT OF YOUR BEING YOU....

Dalawang barangay sa Sorsogon City benepisyaryo ng Child Health Now Project

Ni: Bennie A. Recebido

LUNGSOD NG SORSOGON, April 11 (PIA) – Upang maiwasan ang wala sa oras na pagkakamatay ng mga bata, ilulunsad sa lalawigan ng Sorsogon ng World Vison Development Foundation, Inc. (WVDFI) ang Child Health Now Project, ang kauna-unahang global advocacy campaign sa kontinente ng Asya.

Ayon kay World Vision Health Advocacy Specialist Christopher Estallo, ang Child Health Now Project sa Sorsogon ay ilulunsad sa Hulyo ngayong taon.

Parikular na magiging benepisyaryo nito ang mga barangay ng Macabog at Pamurayan na kabilang sa kanilang area development program.

Matatandaang isa ang lalawigan ng Sorsogon na nakapasok sa anim na area development programme ng WVDFI na sinimulang ipatupad noong taong 2011 at magtatagal hanggang sa 2015.

Napili naman ang lungsod ng Sorsogon dahil sa magandang sistema ng pamamahala, kakayahang maipagpatuloy ang programang nasimulan at may pagpapahalaga sa ginagawang pagsisikap ng WVDFI bilang partner nito sa mga proyektong ipinatutupad sa buong Sorsogon.

Ang napiling mga barangay sa Sorsogon City ang nanguna sa kanilang listahan sa may mataas na bilang ng malnutrisyon.

Samantala, sa statistics na inilahad ni Estallo, 40 porsyento sa mga dahilan ng pagkamatay ng mga batang may edad lima pababa ay neo-natal, 19 porsyento ay dahil sa pneumonia, 18 porsyento ay sanhi ng pagtatae o diarrhea, habang tatlong porsyento nito ang nahahawaan ng HIV/AIDS, dalawang porsyento ay sanhi ng measles o bulutong, walong porsyento ay sanhi ng malaria at sampung porsyento nito ay sanhi ng iba’t-iba pang mga uri ng sakit.

Lumabas din umano sa pag-aaral na 8.1 milyon na mga bata ang namamatay bawat taon.

Ito ang dahilan kung bakit ayon kay Estallo ay dapat na magkaroon ng malawakang pagpapaabot ng impormasyon ukol sa tamang pangangalaga sa kalusugan at magkaroon ng aktibong partisipasyon sa mga proyektong pangkalusugan ang mga nanganganak na mga kababaihan upang maiwasan ang patuloy pang pagtaas ng bilang ng mga namamatay na bata.

Buo ang tiwala ng World Vision na maisasalba ang 1/3 na populasyon ng mga bata sa pamamagitan ng mura subalit mabilis at epektibong pagbibigay solusyon sa pinag-uugatan ng mga isyu ng pagkakamatay ng mga ina at mga bata at maging ng malnutrisyon.

Binigyang-diin din ni Estallo na upang maisakatuparan ito at upang makapagbigay sila ng serbisyong naaayon sa pagtugon sa suliraning ito ay higit pa nilang palalakasin ang kanilang relasyon sa iba’t-ibang mga stakeholder lalo na ang tri-media sa lalawigan.

Ayon pa sa kanya, magsasagawa din sila ng mga serye ng pakikipagdayalogo sa mga ito para sa kaukulang approach o pamamaraan sa pagpapatupad ng nasabing programa.

Positibo din siya na susuportahan ito ng lokal na pamahalaan ng Sorsogon upang maging matagumpay at maging sustenable ang mga programang daan tungo sa kaunlaran ng mga pamayanan.

Ang Child Health Now Project ang isa din sa nakikita ng WVDFI bilang epektibong hakbang sa pagtugon sa Millennium Development Goal (MDG) No. 1(End Poverty and Hunger), MDG No. 4 (Child Health), MDG No. 5 (Maternal Health) at pati an rin ang MDG No. 6 (Combat HIV/AIDS). (BARecebido, PIA Sorsogon)