Lalawigan ng Sorsogon nakapagtala ng 41, 044 bagong Philhealth card holders

Tagalog News Release

LALAWIGAN NG SORSOGON - 41, 044 na mga Sorsoganon ang nakapag-parehistro sa Philhealth simula noong Oktubre 2 nitong taon kaugnay ng nationwide Philhealth registration na sinusulong ng ating pamahalaan.

Ang Philhealth registration ay isinagawa sa bawat munisipyo at lungsod ng Sorsogon sa buong lalawigan.

Ayon kay Alfredo Jubilo, Chief Social Insurance Officer ng Philhealth, naging maayos ang sistema ng nangyaring pagpapa-rehistro dahil na rin sa tulong ng mga local government units, PNP at iba’t ibang mga organisasyon kaya maraming mahihirap ang mabibigyan ng pagkakataong maka-benepisyo nito.

Ayon pa kay Jubilo, sa ganitong layunin magiging prayoridad ang kapuspalad na mga indibidwal sa tulong ng kanilang Philhealth card, lalo na aniya sa oras na may suliranin sa kalusugan at kailangan ang serbisyo ng mga ospital. (Von Labalan, PIO Sorsogon Provincial LGU)