DENR BICOL PUNTIRYANG MATAMNAN AN 12 MIL EKTARYA NIN KABUBULDAN NGONYAN NA TAON

LEGAZPI CITY, MARCH 6 ----- SA KAMAWOTAN NA DULONG PAKUSUGON AN NATIONAL GREENING PROGRAM (NGP) NGONYAN NA TAON, AN DEPARTMENT OF ENVIRONMENT AND NATURAL RESOURCES (DENR) BICOL KATUWANG AN DEPARTMENT OF AGRICULTURE O D-A BUDA MANLAEN-LAEN NA SEKTOR IPIGTUTULOD AN PAGTATANOM KI MGA POON NIN KAHOY SA 12 MIL EKTARYAS NIN BAKANTE BUDA NAKAKALBO NANG KABUBULDAN.

SA PUNTIRYANG 12,057 EKTARYA (ha) NIN KABUBULDAN, AN DENR MAY 8,034 EKTARYANG TATAMNAN NIN 4,384,900 NA POON NIN KAHOY MANTANG ANDEPARTMENT OF AGRICULTURE (DA) NAKATALAAN MAN NA MAGTANOM SA 4,024 EKTARYA NIN 2,212,925 NA POON NIN KAHOY. SA KAGABSAN NA 6,597,825 NA POON NIN KAHOY NA ITATANOM, PIGLALAOMAN NA 90 PORSYENTO AN MAGIGIN SURVIVAL RATE KAN MGA BANHI BASADO MAN SA FOREST MANAGEMENT SERVICE O F-M-S.

NABABANGA MAN AN MGA PLANTING AREAS SA MINASUNOD: COMMUNITY MANAGED AREAS – 9,447 ha SAKA 4,028,500 NA BANHI; PROTECTED AREAS – 1,614 ha SAKA 807,000 NA BANHI; MANGROVE AREAS – 100 ha SAKA 444,000 NA BANHI; BUDA URBAN AREAS – 263 ha SAKA 105,000 NA BANHI. KADAKLAN SA MGA BANHI IYO AN INDIGENOUS TREE SPECIES O MGA POON NIN KAHOY NA NATURALMENTENG MINATUBO SA KABIKOLAN.

MANTANG PARA SA N-G-P 2012-2016 NA PERIODO, IGWA KI KAGABSANG 75,000 ha NA PUNTIRYA AN DENR- BICOL ASIN AN MGA INI HIHIRASON NA MATAMNAN KI MGA MINASUNOD NA KLASE NIN POON: TIMBER 15,000 ha; FUEL WOOD 20,000 ha; PILI 24,000 ha; KAPE 4,000 ha; CACAO 4,000 ha; BAMBOO/KAWAYAN 2,500 ha; RATTAN 500 ha; ASIN MANGROVE 2,500 ha

KONFIADO SI DENR REGIONAL EXECUTIVE DIRECTOR JOSELIN MARCUS FRAGADA NA SA TABANG KAN D-A BUDA MANLAENLAEN NA SECTOR MAKAKAMTAN AN SIRING NA KAMAWOTAN KASABAY KAN PAG-ASEGURAR NA BULAN NIN  ENERO PA SANA NAKATALTAG NA AN MGA PERSONAHES KAN FOREST MANAGEMENT SERVICE (FMS) SA MGA LUGAR NA MAW-OT TAMNAN.

SEGON SA DIRECTOR, NAGSASAGIBO NA NIN SURVEILLANCE AND MONITORING PLAN AN MGA PERSONAHES KAN F-M-S DANGAN PIGLALAOMAN NA MAHAHAMAN AN MAPA KAN MGA PILING LUGAR BAGO MATAPOS AN BULAN NIN MARSO. IPINALIWANAG NIYA NA INI NGANING MAS AMAY NA MAPAG-ADALAN AN MGA PUNTIRYANG LUGAR PARA BAGO MAGDATONG AN PANAHON NIN TARANOMAN PREPARADO NA AN MGA PLANTING SITES.

SA IBONG NA LADO, PIGTUTULOD KAN DIRECTOR AN PAGPA-OROG SA POON NIN PILI SA GREENING PROGRAM NGONYAN NA TAON. SAIYANG SINABI NA AN PAGTUNGKOS SA PAGTATANOM KI POON NIN PILI DULONG MAKAKA-ENGANYAR SA MGA BIKOLANO NA LIWAT PALANGUBUON AN TUBUANON NA POON NIN KAHOY KAN REHIYON. (Ruby Mendones, DENR/PIA Sorsogon)