LEGAZPI CITY, MARCH 6 --- SA LIWAT NA PIGTUNGKUSAN NI ENVIRONMENT SEC. RAMON PAJE AN PLASO KAN PEBRERO 28 PARA SA MGA TIMBER FIRMS O MGA KOMPANIYA NA INVUELTO SA PAGTOTROSO KATAKOD SA PAGBYAHE KAN GABOS NA NA-INVENTARYONG PRODUKTO NA NAGABAS O NA-ANI GIKAN SA NATURAL O PANGADUWANG KADLAGAN SOSOG SA ITINATALAAN KAN RESOLUSYON NUMERO 6 KAN NATIONAL ANTI-ILLEGAL LOGGING TASK FORCE O NAILTF.
TINAWAN NIN DOON NI PAJE NA IPINAGPA-OTOB NA POON KAN MARSO 1, 2012 AN REGLAMENTO NA AN KAGABSAN KAN MGA TROSO, TABLON BUDA TABLA NA KUMPISKADO SAKA NAPAG-ARAMAN NA GIKAN SA NATURAL ASIN PANGADUWANG KADLAGAN KAN NASYON IYO AN KONSIDERADONG PAGROGARING KAN ESTADO.
IDINAGDAG PA NIYA NA AN KUMPISKADONG MGA PRODUKTO ITATAONG KWENTA SA DEPARTMENT OF EDUCATION (DEPED) NGANING MAHIMO NA TUKAWAN SAGKOD LAMESA SA MGA ESCUELAHAN.
MATATANDAAN NA AN MGA TIMBER LICENSEES AN TINAWAN NIN 90-DIAS NA PAGPALA'WIG KAN PERIODO, POON NOBYEMBRE 28, 2011 SUNDO KAN PEBRERO 28 NGONYAN NA TAON TANGANING MAIBYAHE AN MGA TROSO SA KONDISYON NA SINDA NAKAPAGBAYAD KAN MGA NAGKAKANIGONG SINGIL SA PAGGAMIT KAN KABUBULDAN ANTES AN MAYO 21, 2011.
SA IBONG NA LADO, IPIGPAHAYAG KAN OPISYAL NA AN HUKBO KAN NAILTF PIG-UUBAYAN NA NIN MGA PERSONAHES KAN KAPUPULISAN SAGKOD MILITAR PARA SA SEGURIDAD, OPISYALES SA FORESTRY DANGAN LEGAL DIVISION KAN DEPARTEMNT OF ENVIRONMENT AND NATURAL RESOURCES (DENR) ASIN DEPARTMENT OF JUSTICE (DOJ) TANGANING MATAWAN NIN KAPASIDAD TEKNIKAL BUDA LEGAL. (Ruby Mendones, DENR/PIA Sorsogon)
No comments:
Post a Comment