DENR nangapudan sa nagkakanigong pagtapok nin mga Electronic Waste

greenwei.com

LEGAZPI CITY, Jan 30 (PIA) – Sa liwat na nag-abiso an Department of Environment and Natural Resources (DENR) Bicol sa publiko itapok nin nagkakanigo an mga Electronic Waste o E-waste na gikan sa mga raot nang gadgets saka aplliances.

Ipinaliwanag ni DENR Bicol Regional Executive Director Gilbert Gonzales na may dolot na pag-alaman o peligro sa kapalibutan saka ginhawa nin mga tawo kun itatapok an mga E-Waste sa basurahan sana dahilan ta igwa ini nin mga toxic chemicals na minasagom sa daga, sa burabod nin tubig buda minasangaw sa paros.

Saiyang sinabi na imbes itapok an mga lumang cell phone saka computer sa basurahan, may mga paagi sa tamang paggigilid sa mga ini, arog kan pagtutukal (trade), pagdodonar (donate) o pagresiklo (recycle).

Idinagdag niya na may mga kompaniya nin cell phone saka recycling center na nagkokolekta nin E-Waste, kaipuhan sana makipag-koordinar sa mga ini. (Ruby Mendones, DENR-RPAO/PIA Sorsogon)