Geohazard Maps sa Bicol papadakulaon

LEGAZPI CITY, January 28, (PIA) – Tanganing dulong malinaw an imahe sa mga geohazard map kan kabikolan, ipigsiguro kan Department of Environment and Natural Resources (DENR) Bicol sa paagi kan Mines and Geo Sciences Bureau (MGB) na matatapos sa taon 2014 an mga mapa na may iskalang 1:10,000.

Ipigpahayag ni MGB Regional Director Theodore E. Pestaño na mantang naitaong kwenta na sa gabos na gobyerno lokal an mga geohazard map sa iskalang 1:50,000, nasa proseso naman sinda sa paghihimo kan mas detalyadong 1:10,000.

Segon kay RD Pestaño, dulong madali sa mga gobyerno lokal an pagtantan kan mga lugar na nasa pag-alaman nin kalamidad (pagtiris nin daga, pagbaha, etc.) dahilan sa detalyadong 1:10,000 na mapa. Maaaraman na digdi an lokasyon kan populasyon na nasa peligro, mga parametro kan lugar na makaka-apekto sa daga, saka mga klase nin landslide na pwedeng mangyari.

Mga piling banwaan buda syudad sa Albay, Camarines Norte, Camarines Sur, Catanduanes, Masbate dangan Sorsogon an sakop kan nasabing proyekto idinagdag pa niya. (Ruby L. Mendones, OIC RPAO)