BALOGO FIRE INCIDENT

SORSOGON CITY - On or about 2:00 AM of June 12, 2013, PO1 Dhejay Jasareno PNP called the Office of the Provincial Fire Marshal that the fire was in progress at Nogales Compound, Brgy. Balogo, Sorsogon City and OPFM personnel immediately informed the Sorsogon City Central Fire Station, immediately the duty fire personnel headed by City Fire Marshal SINSP WALTER B MARCIAL BFP responded.

Involved was residential house/ boarding houses owned by Ms. Ninita D. Nogales, 52 years old.Fire originated from the room of a certain Tirso Hababag a.k.a. Budoy, teacher in Poblacion, Castilla, Sorsogon. Cause, Electrical. Estimated damage under investigation. Casualty, One (1). Injured, Negative. (FO1 Maria Gracia E Corral BFP)

-------------------------------------------------- 

CINSP ACHILLES M SANTIAGO, Provincial Fire Marshal and SINSP WALTER B MARCIAL, City Fire Marshal thoroughly scrutinize the area after the fire incident at Nogales Compound, Balogo, Sorsogon City.

 

SFO3 Jose T Ebdani,C, IID/ C, Arson and Investigation of BFP Sorsogon City meticulously look over on the possible cause of fire

Mag-aaral sa Danlog Elementary School nabiyayaan ng Balik-Eskwela Program ng NGCP

Ang NGCP habang namamahagi ng mga kagamitan.

Ni: Bennie A. Recebido

SORSOGON CITY, Hunyo 19 (PIA) – Sa kabila ng pagbadyang uulan kahapon, naging maaliwalas pa rin para sa mga mag-aaral at mga guro ng Danlog Elementary School ang umaga ng Hunyo 18, 2013 dahilan sa biyayang natanggap ng mga ito mula sa National Grid Corporation of the Philippines (NGCP) at sa naging pagbisita sa kanilang paaralan ng mga kasapi ng lokal na media ng Sorsogon at lungsod ng Legazpi.

Ayon kay School Principal Ma. Grace Pega, ito umano ang kauna-unahang pagkakataon simula ng siya ang maging punong guro ng paaralan na may bumisita sa kanila na grupo ng mga media at mga tagapagdala ng tulong katulad ng NGCP. Si Ginang Pega ay tatlong taon nang principal sa nasabing paaralan.

147 mga mag-aaral mula sa Kinder hanggang Grade Six ang nabiyayaan ng iba’t-ibang mga kagamitan sa pag-aaral na nakalagay sa isang bag.

Kakaiba sa mga ordinaryong kwadernong nabibili sa tindahan, ang kwadernong ipinamahagi ng NGCP ay may mga ‘Safety Tips’ na nakalagay upang imulat ang kamalayan ng mga mag-aaral at maging ng mga guro sa nararapat na pag-iingat lalo sa mga lugar na malalapit sa tore ng kuryenteng may malalaking boltahe. Ang mga guro ay nakatanggap din ng ilang kagamitan tulad ng lesson plan.

Sa naging mensahe ni NGCP Corporate Affairs Department Head Nelson F. Cabangon, sinabi nitong ang ginawa nilang pamimigay ng mga kagamitang pang-eskwela ay bahagi ng kanilang “Balik-Eskwela Program” sa ilalim ng Corporate Social Responsibility (CSR) ng kanilang kompanya na ginagawa nila sa mga host communities nila.

Abot-abot din ang pasasalamat ni Pilar District II Supervisor Rodolfo Norito, Public School District Supervisor at ni Danlog Brgy. Captain Rosalinda Asia sa tulong na ipinaabot ng NGCP sa Danlog Elementary School. Ayon kay Brgy. Captain Asia, sa nakukuhang tulong ngayon at sa mga darating pang tulong na matatanggap ng Danlog Elementay School, wala nang dahilan ang mga magulang upang hindi papasukin nito ang kanilang mga anak sa paaralan.

Muli namang idinulog ni School Principal Pega ang rehabilitasyon o konstruksyon ng kanilang entablado o stage na madalas gamitin ng paaralan sa kanilang mga aktibidad.

Ang Brgy. Danlog ay mayroong 250 mga kabahayan na may mahigit isang libong populasyon. (BARecebido, PIA Sorsogon)

Kalusugan ng mga Sorsoganon pangunahing prayoridad pa rin ng Provincial-LGU

Ni: Bennie A. Recebido

LUNGSOD NG SORSOGON, Hunyo 17 (PIA) – Isa sa mga binibigyang-diin ng kasalukuyang administrasyon ng pamahalaang lokal ng Sorsogon ang pagsasaayos hindi lamang ng mga pasilidad pangkalusugan kundi ang pagbibigay din ng serbisyong medikal sa mga Sorsoganon.

Sa darating na Hunyo 24 hanggang 28 ngayong taon ay nakatakdang isagawa ng Sorsogon Provincial Health Office ang isang surgical at dental mission sa loob mismo ng Dr. Fernando B. Duran Memorial Hospital  o mas kilala sa tawag na Sorsogon Provincial Hospital.

Ayon kay Provincial Health Dr. Edgar Garcia, kabilang sa mga serbisyong ibibigay ay ang paggamot at pag-opera sa mga may oral cavity cancer kasama na ang mga mga kanser sa dila; oropharyngeal tumor; tonsillar mass; parotid mass; thyroid mass; neck mass; skin cancer sa bahagi ng ulo at leeg; cleft lip; cleft palate at yaong may mga nasal mass, nasomaxillary mass at sinus tumors. “Sa madaling salita, ang medical at surgical mission ay kapapalooban ng mga gamutan at operasyon ng mga may bukol sa bibig, lalamunan, dila, leeg, ilong, taynga, may mga goiter at yaong mga bungi.

Matatandaang una nang isinagawa ng Ears, Nose and Throat-Out Patient Department (ENT-OPD) ng Provincial Hospital ang screening ng mga pasyente sasailalim sa nasabing medical at surgical mission tuwing araw ng Huwebes nitong mga nakalipas na linggo.

Ayon kay Dr. Garcia, nakatulong ang pagdala ng mga pasyente ng dati nilang rekord ng kanilang mga sakit o kapansanan at work-up kung kaya’t madali namang nasaayos ang gagawin sa mga pasyente.

Sinabi ni Dr. Garcia na ang aktibidad sa susunod na linggo ay naisakatuparan sa pagsusumikap ng pamahalaang probinsyal ng Sorsogon sa pamamagitan ng Provincial Health Office (PHO) na mapanatili ang pagtugon para sa serbisyong medikal ng mga Sorsoganon. (BARecebido, PIA Sorsogon)

Probinsya ng Sorsogon walang kuryente sa Hunyo 18

Ni: Bennie A. Recebido

LUNGSOD NG SORSOGON, Hunyo 17 (PIA) – Nakararanas ng brown-out ang buong lalawigan ng Sorsogon, Hunyo 18, 2013, kaugnay ng naka-iskedyul na pagpatay ng kuryente ng National Grid Corporation of the Philippines (NGCP).

Sa ipinadalang abiso ng NGCP sa pamamagitan ni Regional Corpcomm and Public Affairs Officer for South Luzon ng NGCP Ginoong Nelson Bautista, na nag-iskedyul umano sila ng pagpatay ng ilan sa kanilang mga transmission facility sa Sorsogon, ika-18 ng Hunyo, upang magsagawa ng Annual Preventive Maintenance ng transformer no. 1 ng kanilang Daraga Sub-station at pagpapalit ng mga luma at sira o bulok nang poste, cross-arms at iba pang line hardware na maaaring makaapekto sa operasyon ng Soreco I at Soreco !!.

Kaugnay nito, kapwa umano makararanas ng mahabang brown-out ang franchise area ng Soreco I at Soreco II o ang buong lalawigan ng Sorsogon sa araw na itinakda.

Ang brown-out ay nagsimula alas-syete kaninang umaga at magtatagal hanggang mamayang alas-singko.

Abiso din ng NGCP sa puliko na mag-ingat lalo na kapag natapos na ang trabaho at naibalik na ang suplay ng kuryente. (BARecebido, PIA Sorsogon)