Butanding sightings padami ng padami

Ni: Bennie A. Recebido

Sorsogon City, April 26 (PIA) – Patuloy na dumadami ang bilang ng mga Butanding na nakikita ngayon sa karagatan ng Donsol. Ito ang naging kumpirmasyon ni Donsol Sangguniang Bayan member at Committee chair on Tourism Ronald Malilin.

(photo by: Joey Gois)

Ayon kay Malilin, kinakailangang i-regulate ang bilang ng mga bangkang pinapayagang pumalaot para sa Butanding inter-action upang matiyak ang seguridad ng mga pamoso at higanteng isda lalo pa’t 20-30 meters mula sa dalampasigan ay may mga sightings na ng Butanding.

Matatandaang noong nakaraang Sabado at Linggo, apatnapu’t-lima lamang ang pinayagang maglayag sa karagatan mula sa animnapung mga bangkang ginagamit para sa Butanding interaction, dahilan sa dami na rin ng mga makikitang Butanding sa karagatan ng Donsol.

(Photo by: Joey Gois)

Samantala, nagkalat din ang mga dayuhang turista sa Donsol at ayon sa ilan sa mga ito, sulit diumano ang kanilang karanasan lalo pa’t tatlumpo hanggang limampu ang mga Butanding na makikita ngayon sa Donsol waters. (PIA Sorsogon)