Bilang ng mga kandidatong nagsumite ng kanilang COC sa Provincial Comelec Office umabot sa 41

Ni: Bennie A. Recebido

LUNGSOD NG SORSOGON, Oktubre 8 (PIA) – Eksakto alas singko ng hapon ng isara ng Commission on Election Sorsogon ang pagsumite ng Certificate of Candiacy (CoC) ng mga nais tumakbong kandidato para sa 2013 midterm election.

Kandidato sa pagka-gobernador ng Sorsogon sina incumbent Gov. Raul R. Lee sa ilalim ng United Nationalist Alliance (UNA), dating Castilla Mayor at dating Vice Gov. Renato Laurinaria na official candidate ng Partido Liberal at mga independent candidate na sina Amadeo Brin at incumbent Provincial Board Member at anak ng alkadlde ng Sorsogon City Mark Eric Dioneda.

One-on-one ang magiging labanan sa pagkabise gobernador matapos na dalawa lamang ang nagsumite ng kanilang CoC sa Provincial Office ng Comelec kung saan makaktapat ni incumbent Vice Gov. Antonio “Kruni” Escudero ang kasamahan nya sa junta probinsyal na si Bokal Vladimir Frivaldo na opisyal na kandidato ng Partido Liberal.

Ang mga aspirante naman sa pagka-Congressman sa unang distrito ay sina incumbent Provincial Board Member Atty Arnulfo Perete, Atty Aeneas Eli Diaz at si Nanay Evelina Escudero, maybahay ng namayapang kinatawan ng unang distrito ng Sorsogon Salvador “Tatay” Escudero.

Sa pagkakongresista sa ikalawang distrito ay nagsumite naman ng CoC sina incumbent Cong. Deogracias “Ding” Ramos, dating Bulan Mayor Guillermo De Castro, dating 2^nd district Cong. Jose Solis at ang independienteng si Sappho Gillego.

Sa Provincial Board Member, tatakbong kandidato sa unang distrito sina Antonio Imperial, Krunimar Escudero na anak ni incumbent Vice Governor ng Sorsogon, Carlito Julian, Saturnino Lopez, Susan Camia, Atty. Owen Amor, Eddie Lotino, Carl Barbin, dating Bokal Roland Anonuevo at ang mga incumbent Provincial Board Member na sina Franco Eric Ravanilla, Rebecca Aquino at Ever Relativo.

Aspirante din sa pagkabokal sa ikalawang distrito sina Manuel Banares, Peter Gallanosa, Juanito Gamit, Nonito Romeo, Marrian Torres, Aristeo Alindogan, Gino Francis So, Amalia Forte, Edgar Gamba Gino, Implesio Gerona at ang mga incumbent Provincial Board Member na sina Angel Escandor at Renato Guban, Pto. Diaz Vice Mayor Alexander Destura, incumbent Bulusan Mayor Mike Guysayko, dating Barcelona Vice Mayor Isabel Esmeria, at dating bokal Arce Glipo.

Samantala, Aspirante naman sa pagka-alkalde ng lungsod ng Sorsogon sina incumbent Mayor Leovic Dioneda at anak ni Sorsogon Governor Lee na si Christine Lee-Balita.

Running mate ni Dioneda sa pagkabise alkalde si incumbent City Councilor Ma. Charo Dichoso habang running mate naman ni Christine Lee-Balita sa pagkabise-alkalde si dating city vice-mayor Edmundo Atutubo. (BARecebido, PIA Sorsogon)