Bulusan Volcano Disaster Management Plan tatalakayin sa workshop ng PDRRMC

Ni: Bennie A. Recebido

Lungsod ng Sorsogon, Disyembre 15 (PIA) – Magpupulong ngayong araw para sa isang Joint Regional Disaster Risk Reduction Management Council (RDRRMC) at Sorsogon Provincial DRRMC Year-End Disaster Risk Reduction Management Assessment Workshop ang mga pangunang ahensya ng pamahalaan at iba pang katuwang na organisasyon ng PDRRMC dito sa lungsod ng Sorsogon.

Sa programamng ipinadala ng PDRRMC alas-otso ang simula ng programa at matatapos alas singko ng hapon mamaya.

Kabilang sa mga itatampok sa year-end assessment ang pagbibigay ng overview ng pagtitipon, updates kaugnay ng Bulusan Volcano na ibibigay ng Phivolcs, ulat ng PAGASA ukol sa kalagayan ng panahon sa Sorsogon, review ng Bulusan Volcano Action Plan at operational plan na ilalatag ng mga action/response committee. Nakatakda ring magkaroon ng open forum, planning workshop at output presentation.

Ayon kay Sorsogon Provincial Disaster Risk Reduction Management Office Information Officer Von Labalan, layunin ng assessment workshop na tasain ang lawak ng ginawang interbensyon kaugnay ng pamamahala sa pagpapababa ng panganib dala ng kalamidad (Disaster Risk Reduction Management) sa lalawigan ng Sorsogon partikular sa anim na munisipalidad na may malaking kalantaran sa panganib dala ng pag-aalburuto ng bulkang Bulusan.

Maliban dito ay nais din ng PDRRMC na matukoy ang iba pang mga hakbang na maari pang gawin upang matulungan ang mga bayang ito at makagawa din ng integrated operational plan para sa Bulusan Volcano at matukoy din ang mga kaukulang ahensya at mga local government units (LGU) na siyang tutugon bago dumating, habang nagaganap at matapos maganap ang pag-aalburuto ng bulkan ayon sa mga mandato nito.

Kabilang sa mga ahensyang kalahok dito ay ang 31^st Infantry Brigade 9 Infantry Division ng Philippine Army na nakabase sa Rangas, Juban; 903^rd Infantry Brigade ng Philippine Army sa Poblacion, Castilla; Department of Public Works and Highways-Sorsogon 2 District Engineering Office, Energy Development Corporation-BacMan; Green Valley Development Project; National Irrigation Aaministration; Office of the Provincial Agriculture; Provincial Environment and Natural Resources Office-LGU; Provincial Health Office; Philippine Information Agency; Philippine National Police; Provincial Planning and Development Office at Philippine Red Cross. (PIA Sorsogon

Tuberculosis pang-anim sa pangunahing dahilan ng sakit at kamatayan sa bansa

Ni: Bennie A. Recebido

Lungsod ng Sorsogon, Disyembre 15 (PIA) – Inilahad ng World Vision Philippines kung gaano kamapanganib sa kalusugan ng tao ang sakit na Tuberculosis (TB) sakaling hindi agad magamot ito.

Ayon sa kanilang datos, 75 Filipino ang namamatay araw-araw dahilan sa sakit na TB. Pang-anim umano ito sa pangunahing dahilan ng sakit at kamatayan sa Pilipinas at karamihan sa mga tinatamaan nito at namamatay ay yaong mga nasa produktibong edad mula 30-59 taong gulang na kadalasan ay mga kalalakihan.

Ayon pa sa World Vision, ang mga hindi nagagamot na pasyente ng TB ay maaring makahawa ng sampu hanggang labinlima katao bawat taon.

Kaugnay nito, inirerekomenda ng Department of Health (DOH) ang istratehiyang Directly Observe Treatment Shortcourse (DOTS) bilang epektibong solusyon upang magamot ang may sakit na TB.

Ayon sa World Health Organization, ang DOTS ang pinakamurang paraan ng paggamot ng TB kung saan anim na buwan ang magiging gamutan at ang pasyente ay dapat na hindi papalya sa pag-inom ng gamot araw-araw. Sa tala ng WHO mahigit na sa 26 milyong pasyente ng TB ang nagamot na ng DOTS mula nang simulan ito noong 1996.

Sa Sorsogon City, sa pamamagitan ng tulungang pagsisikap ng Local Health Unit at ng World Vision Philippines-Social Mobilization on TB Project, 26 na mga barangay ang nakabuo na ng 27 TB Task Force kung saan dalawang Task Force ang nabuo sa Barangay Bibincahan.

Pangunahing papel ng TB Task Force na tulungan ang mga Health Unit na maitaas ang case detection ng TB sa kanilang mga lugar nang sa gayon ay matukoy ang mga ito at agarang magamot upang hindi na makahawa pa sa iba.

Maaaring mahawa ang sinuman sakaling masinghot nito ang bacteriang tubercle bacilli na naisasama sa hangin sa pamamagitan ng pagsinga o pag-ubo ng nakasalamuhang taong may sakit na TB. Sa halip umanong ikahiya, mas makabubuting dumulog sa kanilang rural health unit o sa TB Task Force upang mapayuhan ito ng dapat gawin. (PIA Sorsogon)

The Pili Shells: not just something to crack, it’s now Bicol’s best fashion jewelry export

By Irma A. Guhit

SORSOGON CITY, DECEMBER 14 (PIA)…. “Wearing the pili shell necklace whenever I attend formal occasions with our native attire has gained some fashion statement in this "eco-conscious world" we are in now today. It also gives us a sense of pride as a Bicolano.” Dr. Ma. Teresa V. Destura, assistant department head of the Ofifce of the Provincial Agriculturist (OPA) expressed during an interview.

“Almost in all occasions now here and especially in Bicol, the pili shell necklace has exchanged the usual flower corsage we use to honor our guests.”

"The pili shell has gained an entrance in the global market now and has provided the best opportunities for women in the barangays to make use of the shell with more  economic returns. Before, these were only used to become the alternative for firewood used in cooking or just thrown away if their volume becomes so much." Destura expressed.

In the just concluded 178^th Provincial Agricultural and Fisheries Council (PAFC) meeting held here last week at the PAFC- Livelihood Technology Training Center (LTTC) , Mr. Godofredo D. Ditan PAFC chair thanked  the Department of Agriculture (DA)  ROV through its regional executive director, Dr. Jose Dayao for the formal turn- over of  5 sets of pili shellcraft production equipment to 5 recipient organizations.

“We have seen how the pili shells evolved in terms of its usage and now DA has seen a very big potential in the pili shell craft industy.These equipments will make pili shell craft production here in the province more easy as this will lessen the time for making the shells into the desired designs. The usual way they did it is manual and tedious. With this equipments ,production of pili shell craft will be faster and refined in terms of its craftsmanship as right polishing is done by the machine.” Dayao said.

“Volume in production will also be enhanced as the equipment can produce the desired pieces immediately”, he said.

Sorsogon is considered as Bicols' number two producer of pili in the region , and the shell has been creatively produced by the different women organization here as fashion jewelry and as add on local material that goes with beautifully crafted home products displayed in malls specially in Tiangge.

"Pili fashion jewelries making here has opened a livelihood opportunity , it’s very saleable as it is  cheap but are so artistically made and usually worn now even with casual attire, with office uniform and for women who would like to don a little bit of elan in their daily wear.' Destura also explained.

In the just concluded 3^rd Regional Pili Congress held in Legaspi last year, one of the best sellers was the necklaces made out of the pili shell and according to Dr. Teresa V. Destura, the women organization here through the Rural Improvement Club were the regular distributor of these products.

Looking into the viability of the use of the pili shell , the pili shell craft has now gained entrance into the market of innovative fashion jewelries as one of the best exportable biodegradable products.

Dayao also said that the ingenuity of the peopleand specially women  in the barangays using the shell of the pili into different fashion jewelries has now gained some global recognition based on the different demand for this product as reported by the Department of Trade Industry based on their exhibits in tiangge, malls and on several activities in the national exhibits popularizing pili as the high value crop of the Bicol region.

Dayao expressed that DA has thought of this intervention  to facilitate the production of shell craft in the province now becoming a home-based agri-entrepreneuer business.

The formal turn-over was spearheaded by RED Dayao assisted by PAFC chair Ditan, Ms Rose M. Imperial, High Value Crop DA reg’l. coordinator, RAFC chair Alfredo Rillo and Dr. Ma. Teresa V. Destura.

"Hopefully with these equipments, the pili shell craft industry will become one of Sorsogon's women source of livelihood and will also be a sustainable source of income. From just being used as firewood, the pili shell now is more an export product."  Destura said.(PIA-SORSOGON)

DRRM plan kaugnay ng aktibidad ng Mt. Bulusan tatasain sa Year-End PDRRMC workshop

Ni: Bennie A. Recebido

Lungsod ng Sorsogon, Disyembre 14 (PIA) – Isang planning-workshop na tinaguriang Joint Regional/Provincial Disaster Risk Reduction and Management Council (R/PDRRMC) Year-End DRRM Assessment/Workshop on Mt. Bulusan ang nakatakdang gawin bukas, Disyembre 15.

Ayon kay Sorsogon Provincial Disaster Risk Management Office Information Officer Von Labalan, pangungunahan ng Provincial DRRMC sa tulong ng Office of the Civil Defense Bicol, ang aktibidad ay naglalayong masuring muli ang mga hakbang na nagawa ng anim na mga munisipalidad malapit sa Bulusan Volcano at mailatag ang kani-kanilang mga Disaster Risk Reduction Management plan kaugnay ng mga naging pag-alburuto ng bulkan.

Matatandaang sa loob ng labing-isang taon pananahimik ng Bulkang Bulusan mula noong 1995 ay muli itong nagsimulang bumuga ng abo noong 2006. Ipinagpapasalamat na lamang ng mga residente dito na walang naitalang mga malalaking pagsabog hanggang sa kasalukuyan. Subalit nananatili pa ring nasa alert level 1 ang estado nito dahilan sa mga panaka-nakang mahihinang aktibidad nito.

Kaugnay ng mga pag-aalburutong ito, gumawa ang lokal na pamahalaan ng Sorsogon sa tulong ng mga pangunang ahensya ng action plan noong 2006 na poprotekta sa buhay at ari-arian ng mga nasa apektadong lugar tulad ng Irosin, Juban, Casiguran, Bulusan, Gubat at Barcelona. Ito na rin ang naging basehan sa ginawang 2010 Bulusan Volcano Action Plan.

Pinatatag din ang kapasidad sa Disaster Risk Reduction Management ng anim na lokal na pamahalaang ito na lantad sa panganib dala ng aktibidad ng Mt. Bulusan sa pamamagitan ng isinagawang Bulusan Summit noong Marso 2011 at ng Local Government Unit (LGU) Coaching Session para sa pagtatayo ng Local Disaster Risk Reduction Management Office noong Agosto 2011 sa pangunguna ng OCD at ng RDRRMC.

Sinabi ni Labalan na ang gagawing Year-End DRRM Assessment/Workshop on Mt. Bulusan bukas ang siyang magiging annual operation plan ng Bulusan Volcano para sa taong 2012. (PIA Sorsogon)

BIR Sorsogon nanawagan sa mga taxpayer na magbayad ng buwis

Ni: Bennie A. Recebido

Lungsod ng Sorsogon, Disyembre 14 (PIA) –Sinabi ni Bureau of Internal Revenue Sorsogon District Officer Thelma Pulhin na patuloy pa rin ang pagpapakalat nila ng mga impormasyon sa publiko upang matiyak na alam ng mga taxpayer ang kanilang obligasyon sa pagbabayad ng buwis.

Ayon kay Pulhin desidido ang kanilang tanggapan na habulin yaong mga umiiwas sa pagbayad ng tamang buwis at yaong mga hindi talaga nagbabayad ng buwis.

Aniya, kung sa kabila ng kanilang pagsisikap na maipaintindi sa publiko ang kanilang obligasyon at ang kahalagahan ng pagbabayad ng tamang buwis ay marami pa rin ang hindi magbabayad ng kaukulang buwis ay mapipilitan umano ang kanilang tanggapan na magsagawa ng tax audit upang matukoy ang mga hindi nagbabayad at kulang magbayad ng buwis.

Dagdag pa ni Pulhin na may listahan na rin sila ng mga propesyunal mula sa iba’t-ibang mga munisipyo kung saan maaari nilang gamitin upang matukoy ang mga delingkwenteng tax payer.

Inanunsyo din ni Pulhin ang ilang mga pagbabago sa singil sa buwis tulad ng pagtaas sa cut-off ng singil sa renta na sakop ng Value Added Tax (VAT). Mula umano sa dating P10,000 pababa na renta, naging P12,000 pababa na ngayon ang exempted sa Expanded VAT. Subalit babawasan na ito ng percentage at business tax.

Dagdag pa niya na simula naman sa susunod na taon, bagong porma na rin ang gagamitin para sa pagsumite ng Income Tax Return (ITR), bilang bahagi ng patuloy na modernisasyon ng BIR.

Patuloy din umano ang kanilang pagsisikap na mapataas ang kanilang tax collection efficiency at mas gawing simple ang proseso sa pagbabayad ng buwis upang hindi na mahirapan pa sa pagbayad ang mga taxpayer.

Nito lamang nakaraang Oktubre ay nalampasan ng BIR Sorsogon ang target collection nilang P31 million matapos na makakolekta sila ng P34 million. (PIA Sorsogon)

Rotary Club sponsors "Search for Ten Outstanding Students of Sorsogon"

by Irma A. Guhit

SORSOGON CITY, December 14 (PIA)...... Twenty students in the secondary and six students in the tertiary level vied yesterday here at the Sorsogon City Social Hall (SCFH) in the biennial "Search for the Ten Outstanding Students of Sorsogon (TOSS) ".

The competition was sponsored by the Rotary Club of Metro Sorsogon (RCMS) in cooperation with  four endorsing agencies, the Commission on Higher Education (CHED), Department of Education (DepEd); National Youth Commission (NYC) and the Philippine Information Agency (PIA) office here.

The students were recommended by their corresponding school based on their academic accomplishments, competitions won (provincial, regional, national and international) and the personal profile of each student was submitted to the RCMS for final screening, validation and shortlisting.

Twenty students from the secondary emerged as finalists while 6 students from the tertiary were qualified for the for the final interview.

The final selection process for the ten outstanding students was based on the 70% academic/ and extra-curricular school accomplishments while 30% was based on the personal interview conducted individually by the 5 members of the panel of judges.

The criteria for the interview was more on the communication skills, fluency, articulateness, manner of presentation or introduction of the finalist, their potential and vision as expressed in their answers.

Members of the board were made to give questions and the finalists were to answer each question in a specific given time, a total of 9 minutes in all.

Seven winners from the secondary emerged as winners with the corresponding ranking , first, Yves Tracy S. Calleja of the Sorsogon National High School; 2nd, Eiza May B. Balaguer of the Holy Spirit Academy of Irosin; 3rd, Megan Joy A. Guela of Bulan National High School; 4th, Julliene L. Valenzuela of St. Louise De Marillac College of Sorsogon; 5th, Franco Avelino Hilotin A. of Magallanes National Vocational High School; 6th Jade Nicholas Fabella of of AG Villaroya Technological Foundation Institute Inc.; and 7th Ruby Jean C. Diaz of the latter school.

The first two top positions in the tertiary level was bagged by the Computer communication Development Institute (CCDI) first, Melvin John N. Frivaldo and 2nd Jason L. Castillo and the third place went to Juvylyn I. Giga of Sorsogon State College, Bulan Campus.

RCMS president, Anthony Bravo said that this search for the outstanding students of Sorsogon has been started two years ago and in support of the month - long celebration of the Sosogon Festival, the founding anniversary of the city of Sorsogon, this search is a fitting gesture to honor students who will lead the way to be emulated as the word "Sosogon" connotes.

Members of the board of judges were composed of Gen. Ireneo Manaois, City Administrator, Sorsogon City; Msgr. Gerry del Prado, Parish Priest of Our Lady of Fatima Parish; Dr. Danilo L. Despi, Sorsogon City Schools Division, Assistant Schools Division Superintendent; Ms Irma A. Guhit; Information Center Manager, Philippine Information Agency and Dr. Jean Paullete Salilima-Go, CHED-RO V Education supervisor II for Communication and Humanities, who served as chair of the panel. (PIA-SORSOGON)

10,000 mangrove propagules itatanim sa Brgy. Sibago, Donsol, Sorsogon

Ni: Bennie A. Recebido

Lungsod ng Sorsogon, Disyembre 8 (PIA) – Matapos maitanim ang mahigit sa isang libong mga propagules o maliliit pang bakawan noong ika-23 ng Agosto ngayong taon sa Sitio Magaragad, Brgy. Sibago, Donsol, Sorsogon, muling magkakaroon ng tree planting activity ngayong araw sa kaparehong lugar bilang bahagi pa rin ng pakikiisa sa National Greening Program (NGP) ng pamahalaang nasyunal.

Pangungunahan ang aktibidad ng Parasirang Donsolanon Abante Biriyong Aagapay sa Kauswagan (PADABAKA), World Wild Life Fund (WWF) na nakabase sa Donsol, Sorsogon, at ng 3^rd Special Forces Company na nasa ilalim ng patnubay ng 903^rd Infantry Brigade 9 Infantry Division ng Philippine Army sa pamumuno ni Col. Felix Castro, Jr.

Katuwang ang mga residente at opisyal ng barangay Sibago, Philippine National Police, Department of Environment and Natural Resources, lokal na mga mamamahayag, Provincial Tourism Office, mga mag-aaral at guro sa Sibago Elementary School at mga volunteer mula sa iba’t-iba pang mga organisasyon, aabot sa sampung libong mga mangrove propagules ang nakatakdang itanim ngayong araw.

Ang mga ahensya at organisasyong ito ay una nang naghayag ng kanilang pledge of commitment upang matulungan ang eco-tourism development ng Brgy. Sibago at maisakatuparan ang pagtatayo ng Bayanihan Eco-Park dito.

Inaasahang mapupunuan ng mga itatanim pang mangrove propagules ang mahigit-kumulang sa apat na ektaryang kostal na lupain sa lugar na sa kalaunan ay magsisilbing malaking atraksyon sa gagawing Bayanihan Ecological Park.

Maliban sa treeplanting, magkakaroon din ng coastal clean-up at follow-up sa mga itinanim na bakawan noong Agosto upang matiyak kung ilan sa mga ito ang nabuhay at nangamatay.

Sinabi naman ni Lt. Col. Lenart R. Lelina, Executive Officer ng 903^rd Brigade, bahagi din ang tree planting activity ng kanilang soft engineering measure bilang paghahanda sa anumang panganib na maaaring dalhin ng mga kalamidad tulad ng bagyo, tidal wave, storm surge, at iba pa.

Ayon pa kay Lelina, tinitiyak nilang hindi lamang basta magtatapos sa pagtatanim ng mga puno ang aktibidad kundi mas higit na mahalagang makita nilang nabubuhay ang mga ito. (PIA Sorsogon)