Mga bagong patakaran sa Repormang Agraryo alinsunod sa pagpapatupad ng RA 9700 inilahad

Ni: Bennie A. Recebido

Lungsod ng Sorsogon, Disyembre 21 (PIA) – Inihayag ni Provincial Agrarian Reform Officer (PARO) II Roseller R. Olayres na nakasaad sa Republic Act No. 9700 na ang Department of Agrarian Reform (DAR) sa pakikipagtulungan sa mga Provincial Agrarian Reform Communities (PARC) ang siyang magpaplano at magmumungkahi para sa pinal na pagpapatitulo at pamamahagi ng lahat ng mga natitira pang mga lupaing agrikultural hanggang sa ika-30 ng Hunyo, 2014.

Ito umano ang dahilan kung bakit nagpalabas ng bagong direktiba ang DAR na siyang magsisilbing gabay ng mga tauhang teknikal nito upang maipatupad ang RA 9700 partikular na may mga mahihigpit nang prosesong dapat sundin sa  pagpili ng mga magmamay-ari at sa pamamahagi ng mga lupain sa ilalim ng Comprehensive Agrarian Reform Program (CARP).

Kaugnay ng pagbabagong ito, sinabi ni PARO Olayres na nagsagawa sila kamakailan ng tatlong araw na seminar-workshop para sa mga tauhang teknikal ng Department of Agrarian Reform (DAR) kung saan tinalakay ng mga kinatawan ng DAR Regional Office Bicol ang mga bagong direktiba upang mas epektibong maipatupad ang batas sa reporma sa lupa.

Tinaguriang “Casacading of New Issuances on Agrarian Reform”, dinaluhan ang aktibidad ni Provincial Agrarian Reform Officer (PARO) II Roseller R. Olayres; labingdalawang mga Municipal Agrarian Reform Officer (MARO) mula sa iba’t-ibang mga field office ng DAR Sorsogon; Provincial Agrarian Reform Adjudicator (PARAD); mga tauhan ng Operation Division at Provincial Monitoring and Evaluation Unit ng DAR Sorsogon Provincial Office.

Ilan sa mga mahahalagang pagbabagong ito ay ang mga sumusunod:

·         Kung ang nagmamay-ari ng lupaing isasailalim sa CARP ay nasa Pilipinas, personal nang ipapadala sa kanya ang Notice of Coverage (NOC) at hindi na tulad ng dati na ipinapadala lamang sa pamamagitan ng registered mail.

·         Kahit pa may protesta o kaso sa korte ang lupa, magpapatuloy pa rin ang pagpoproseso ng Claim Folder (CF) ng nagmamay-ari ng lupa hanggang sa pag-isyu ng land valuation, maliban na lamang kung may ibinigay na kautusan ang korte na itigil ang pagpoproseso.

·         Isa sa mga rekisitos na kailangan ng magsasaka upang maging Agrarian Reform Beneficiary (ARB) ay ang panunumpa sa harapan ng isang huwes na may kakayahan siya at nais niyang sakahin ang lupa at gawing produktibo ito.

·         Sa isyu naman ng Retention, ang nagmamay-ari ng lupa ay binibigyan na ngayon ng dalawang pagpipilian kung nais niyang piliin ang retention area o isuko ang kanyang karapatan para sa retention.

Ayon kay Marciana Olondriz, OIC MARO of Casiguran, Sorsogon, mas nahirapan sila ngayon sa bagong prosesong ito, subalit naniniwala silang higit na magiging epektibo ito dahil maiiwasan ng kanilang mga technical personnel ang anumang pagkakamali. (AJArbolente, DAR/BAR, PIA Sorsogon)

Cascading of New Issuances on Agrarian Reform

to DAR Sorsogon technical personnel

BDS susi sa pagkamit ng kapayapaan at kaunlaran sa bayan ng Castilla

Ni: Bennie A. Recebido

Lungsod ng Sorsogon, Disyembre 21 (PIA) – Ipinagmamalaki ngayon ng bayan ng Castilla, Sorsogon ang isa sa mga susi sa pagkamit ng kapayapaan at kaunlaran sa kanilang lugar – ang Barangay Defense System (BDS).

Sa isang press conference na pinangunahan ni Municipal mayor Olivia M. Bermillo kaugnay ng ginawang BDS Peace Caravan Fair sa tatlumpu’t-apat na mga barangay sa Castilla, ibinahagi ng alkalde sa mga kasapi ng tri-media mula sa lalawigan ng Sorsogon at Albay na nakakamit na nila ngayon ang kaayusan at kapayapaan sa barangay dahilan sa pagkakatatag ng BDS sa tulong na rin ng Philippine Army at ng buong komunidad.

Ang BDS ay bahagi umano ng kanilang kumprehensibong plano kaugnay ng mga inisyatibong pangkapayapaan at pangkaunlaran sa kanilang bayan kung saan sa sistemang ito ay mismong ang mga kasapi ng barangay ang nagbabantay sa  kanilang komunidad sa pamamagitan ng pagkakaisa, pag-iwas sa paggamit ng dahas at armas at pagtulung-tulungan para sa pag-unlad ng kanilang komunidad.

Ang BDS sa Castilla ay mayroon na ring pederasyon kung saan may sibilyang nakaupo dito bilang presidente ng samahan na boluntaryong nagbibigay serbisyo. Nagpasa narin ang Sangguniang Bayan ng ordinansang maglalaan ng pondo taon-taon para sa pagpapatupad ng BDS upang mas mapatatag pa at masustinihan ito at may hiwalay na pondo na ring itinalaga ang pamahalaang bayan ng Castilla para sa programang pangkabuhayan ng mga kasapi ng BDS.

Buo naman ang suportang ibinibigay ng 903^rd Infantry Brigade ng Philippine Army sa pangunguna ni brigade Commander Col. Felix Castro at ng Philippine National Police Sorsogon Provincial Office sa pangunguna ni PSSupt John CA Jambora sa mga inisyatibong pangkapayapaan ng Castilla. Ayon sa mga ito, katuwang ng BDS ang PNP at militar sa pagsanay sa mga kasapi ng BDS upang maging mga tagapanguna sa pagsusulong ng kapayapaan sa kani-kanilang mga komunidad.

Ibinahagi naman ni Reynaldo Marchan, Executive Secretary ni Mayor Bermillo at Sangguniang Bayan Secretary ng Castilla ang pagbabago ng pananaw ng mga mag-aaral ng San isidro Elementary School, ang pilot School of Peace ng Bicol Consortium on Peace Education and Development (BCPED) ukol sa konsepto ng isurhensiya at pagkaroon ng kapayapaan na nagbunga ng magandang pagbabago sa pag-uugali ng mga ito.

Hiniling naman ni Bermillo sa tri-media na ipaabot sa publiko mapayapa at tahimik na ang bayan ng Castilla ngayon at tinitiyak nilang hindi na sila basta-basta mapapasok ng sinumang nais maghasik ng karahasan, kaguluhan at takot sa kanilang lugar. (PIA Sorsogon)

Peace rally isinagawa sa Castilla, Sorsogon

Ni: Bennie A. Recebido

Lungsod ng Sorsogon, Disyembre 21 (PIA) – Sa pangunguna ni Castilla Municipal mayor Olivia M. Bermillo, nagsagawa ng Barangay Defense System (BDS) Peace Caravan ang bayan ng Castilla noong nakaraang linggo bilang pagpupugay at pasasalamat na rin nila sa pagkakaroon ng kapayapaan at kaunlaran sa kanilang komunidad, at sa pagpapanatili ng kanilang pagkakakilanlan bilang isang mapayapang bayan.

Sinimulan ang peace caravan sa harapan ng pamilihang bayan ng Cumadcad, Castilla at inikot nito ang tatlumpu’t-apat na mga barangay ng buong munisipalidad.

Naroon ang buong pwersa ng Sangguniang Bayan at lokal na pamahalaan ng Castilla upang magpakita ng suporta sa ginawang aktibidad. Maging ang Philippine Army, Philippine National Police, opisyal at kinatawan ng BDS, mga magsasaka, sektor ng transportasyon, mga mamamahayag sa Sorsogon at Albay at mga mag-aaral ay buong puso ring sumuporta sa nasabing peace caravan.

Dala-dala ng mga mag-aaral partikular ng San Isidro Elementary School, ang nag-iisang pilot School of Peace ng Bicol Consortium on Peace Education and Development (BCPED) sa buong Luzon, ang ginawa nilang mga poster at slogan sa ginanap na patimpalak para sa kapayapaan kamakailan lamang.

Ayon kay Mayor Bermillo, mapayapa at tahimik na ang bayan ng Castilla ngayon at tinitiyak nilang hindi na sila basta-basta mapapasok ng sinumang nais maghasik ng kaguluhan at takot sa kanilang lugar.

Dagdag pa niya na nais nilang ipakita sa publiko ang malaking bahaging ginagampanan ng pagpapanatili ng kapayapaan sa pagkamit ng kaunlaran ng isang komunidad. Positibo din umano siya na sa pagtutulungan ng bawat isa ay maipagpapatuloy ang adyendang pangkapayapaan at pangkaunlaran na isinusulong ng pamahalaan. (PIA Sorsogon)

DENR Bicol Director urges LGUs to designate common fireworks area

LEGAZPI CITY, Dec. 19 – Environment and Natural Resources Bicol Regional Executive Director Joselin Marcus Fragada reiterates DENR Secretary Ramon J.P. Paje’s appeal for all LGUs to designate their respective common fireworks area (CFA) to keep air pollution at bay this Christmas season.

“The amount of dust in the air expressed as Total Suspended Particulates that is detrimental to health is expected to increase this month and early January owed to widespread use of firecrackers”, Director Fragada said.

The appeal was made despite the Environmental Management Bureau Region V’s report that the Legazpi, Naga and Iriga Cities were within the fair to good in terms of air quality index.  The level of air pollution in these cities registered in 2010 an average of 102, 48 and 52 microgram per Normal cubic meter (ug/Ncm) in Naga, Legazpi and Iriga, respectively. It is a level way below the observed level in Metro Manila at 166 ug/Ncm considering that threshold level is at 230 ug/Ncm to be considered “unhealthy for sensitive groups”. However, firecrackers contain sulfur, charcoal and other materials that form greenhouse gases when these react with oxidants in the air. Dust from fireworks and firecrackers can affect the lungs and pose a real danger to people who suffer from illnesses of the respiratory system such as asthma, bronchitis, laryngitis, pneumonia, rhinitis, and sinusitis.

In a related development, DENR Sec. Paje wrote the Department of Interior and Local Government seeking assistance from Secretary Jesse Robredo for LGUs to designate CFAs that will allow Filipinos to celebrate without the pollution that usually comes with it. Sec. Paje believes “momentum will be lost” so the public must cooperate in the government’s effort to minimize air pollution level by minimizing, if not totally avoiding, the use of firecrackers this holiday season.

He further states designated common fireworks areas (CFAs), whether within a municipality or even among a cluster of barangays would drastically reduce the amount of air pollution from pyrotechnics such as dust, sulfur and charcoal which can complicate respiratory problems.  He, however,  expressed optimism over the DILG’s resolve to show political will to designate CFAs in light of snowballing support for the scheme as all of the 17  city and town mayors  in Metro Manila signed  last October 18, 2011 Metro Manila Development Authority (MMDA) Resolution No. 11-31. The Resolution urges Metro Manila’s local executives to set up in every barangay common fireworks zones in line with the call for the strict implementation of Republic Act 7183 (An act regulating the sale, manufacture, distribution and use of firecrackers and other pyrotechnic devices) to “provide safer environment” to celebrate the holidays.

“The advantages of having CFAs far outweigh the potential risks to our people and clean air should never be compromised at all season and in all occasion,” Director Fragada concludes.  (DENR/PIA Sorsogon)