Sorsogon Police Provincial Office – Pinangenotan kan Pilar Municipal Police Station sa pamamayo kan saindang Acting Chief of Police na si PSI DENNIS V. PABELONIA ang pag-aaktibar o pagbubukas kan sarong Community Police Assistance Center (COMPAC) sa Putiao Public Market Building, Brgy Putiao, Pilar, Sorsogon kasubag-ong aga poco mas o menos alas 10:30, Marso, 20, 2012.
Pinun-an ang naonambitan na aktibidad sa paagi kan sarong motorcade hale sa Bonifacio Park, Pilar, Sorsogon sagkod sa Brgy Putiao asin sinundan man tulos kan Blessing na pinangenotan kan Parish Priest kan Putiao na si Rev Fr. Efren Baltog.
Nagkaigwa man ni ribbon cutting na pinangenotan ni PROVINCIAL DIRECTOR POLICE SENIOR SUPERINTENDENT JOHN CA JAMBORA asin ni Mayor Dennis Sy-Reyes kan munisipyo nin Pilar. Nagkaigwa man nin halipo-ot na programa kun saen nagpahayag nin pasasalamat ang mga taga Putiao sa paagi kan saindang Barangay Captain na si Punong Barangay Joel Lubiano kay Provincial Director Jambora sa pagkakigwa nin siring na Community Police Assistance Center sa saindang lugar.
Presente man sa naonambitan na aktibidad ang miyembro kan Sanggunian Bayan kan Pilar sa pamamayo ni Vice Mayor Hon Celso Y Lao Jr.,Bravo Company 31st IB, 9ID Philippine Army sa pamamayo ni 1st Lt Dave Estorninas, 3rd Maneuver Company 5th Regional Public Safety Battalion (RPSB) sa pamamayo ni PI DOMINIC BORIGAS, ang 27 Barangay Capatin kan Pilar II District asin miyembros kan media. (PSI RMGallinera. SPPO/PIA Sorsogon)
 |
| (Photos courtesy of PO2 Mike Espena, SPPO/ PIA Sorsogon) |
No comments:
Post a Comment