SORSOGON CITY, April 4 – Naging makolor an pagtatapos kan Bulan Nin Mga Kababaihan ngonian na taon. Maguiguiromdoman na kada bulan nin Marso pigseselebrar an Women’s Month kun saen pigtataw-an niato nin honra an mga kababaihan maging anoman ang katungdan ninda sa sosyudad. Ngonian na taon, naging tema kan naonambitan na selebrasyon an “Women Weathering Climate Change: Governance and Accountability Everyone’s Resposibility”.
Nagkaigwa nin mga manlaen-laen na aktibidades an pig-atendiran kan Sorsogon Police Provincial Office sa partisipasyon kan mga Policewomen sa bilog na probinsiya nin Sorsogon arog ngani kan Thanksgiving Mass na ginibo sa pagpuon kan selebrasyon, pagkabit nin mga streamers, tree planting asin clean-up drive, symposiums siring man pagdidistribwer nin mga babasahon manunungod sa mga kababaihan.
Pigkulminar kan PNP an selebrasyon sa paagi nin Women’s Forum asin Women’s Night na ginibo kan Marso 30, 2012 sa Multipurpose Hall kan Camp Simeon A Ola, Legazpi City kun saen naging Guest Speaker si Hon. Judge Ave Zurbito Alba, MTC Judge kan Daraga, Albay. Mas pang naging maogma an mga Policewomen kan SORPPO dahilan ta sinda nangganang 2nd Runner-up sa Ballroom Dancing Competition sa ginibong Women’s Night. (PCI Nonito F. Marquez, PNP-SPPO/PIA Sorsogon)
 |
| (Photo: PO2 Mike Espena, SPPO) |
No comments:
Post a Comment