SORSOGON MULING NAPILI BILANG MODEL POLICE PROVINCIAL OFFICE SA BICOL
SORSOGON PROVINCE (February 19)– Muling pinatunayan ng Sorsogon Police Provincial Office ang natatanging kakayahan nito sa larangan ng pagpapatupad ng kanilang tungkulin matapos na mapili ito bilang Model Police Provincial Office sa buong rehiyon ng Bikol para sa taong 2009.
Ito ang may pagmamalaking inihayag ni Sorsogon Police Provincial Director Police Senior Superintendent Heriberto Olitoquit matapos na tanggapin nito ang plaque of recognition mula kay PNP Regional Director Police Chief Supt. Cecilio Binamira Calleja, Jr. sa isinagawang awarding ceremony sabay ng 19th PNP Anniversary Celebration na ginawa sa Camp General Simeon Ola noong Lunes, ika-lima ng Pebrero na may temang “Mamamayan at Kapulisan: Bayanihang Pangkatahimikan at Pangkaayusan”.
Ayon kay Olitoquit sa pangalawang pagkakataon, muli nilang pinatunayan ang kakayahan ng mga kapulisan dito sa Sorsogon sa larangan ng pagmamantini ng kaayusan, kapayapaan at magandang relasyon sa komunidad kung kaya’t masaya niyang pinasalamatan ang lahat ng mga nasa likod ng tagumpay nilang ito.
Matatandaang nakuha rin ng Sorsogon Police Provincial Office ang kahalintulad na pagkilala noong 2008 sa ilalim ng panunungkulan ni dating provincial director PSSupt. Henry Rañola.
Kasabay ng pagkakapili sa kanila ay ang pagkakapili din ng Sorsogon Provincial Public Safety Management Company, dating 508th Police Provincial Mobile Group (PPMG) bilang Model Provincial Maneuver Unit for 2009.
Ayon kay PCI Rogelio Beraquit, acting commander ng Sorsogon Provincial Public Safety Management Company, ito rin ang pangalawang pagkakataong napili sila bilang Model Provincial Maneuver Unit for 2009 dahilan sa nakuha na rin nila ang kahalintulad na award noong nakaraang taon kung saan PPMG pa sila.
Binigyan din ng pagkilala si Sorsogon City Mayor Leovic Dioneda bilang isa sa mga Civilian Awardee sa taong 2009 dahilan sa buong suportang ibinigay nito sa lahat ng programa at kampanyang ipinatutupad ng PNP. (Bennie A. Recebido)
Friday, February 19, 2010
Tagalog News Release
EARTHQUAKE DRILL MULING PUMUKAW SA KAHANDAAN NG PUBLIKO UKOL SA KALAMIDAD
SORSOGON PROVINCE (February 18) – Matagumpay at payapang naidaos ang isinagawang earthquake drill dito sa lalawigan ng Sorsogon partikular sa Sorsogon National High School kahapon, February 17, sa pangunguna ng Sorsogon City Bureau of Fire sa pakikipagtulungan nito sa Department of Education City Schools Division, Philippine Information Agency Sorsogon Information Office, LGU-Sorsogon City at Sorsogon Police Provincial Office.
Ang nasabing aktibidad ay bilang pakikiisa sa Simultaneous Nationwide Earthquake Drill ngayong first quarter ng 2010, kaugnay na rin ng direktibang ipinalabas ni Pangulong Gloria Macapagal-Arroyo noong June 26, 2006, na gawin ang earthquake drills quarterly kung saan lalahukan ito ng mga pampubliko at pribadong tanggapan at mga establisemyento kasama na ang mga paaralan, hanggang sa tuluyan nang mapukaw ang kamalayan at maisabuhay na ng publiko ang mga dapat gawin sa panahon at matapos ang aktwal na paglindol nang sa gayon ay maiwasan ang may masaktan o di kaya’y ang pagbubuwis ng buhay.
Kaugnay ng aktibidad na ito, ilang mga tagamasid ang nagbigay ng papuri at positibong reaksyon ukol dito sabay din ang paghahayag na muling napukaw ang kanilang kahandaan ukol sa pagdating ng mga kalamidad hindi lamang lindol kundi maging ng iba pang uri nito.
Sa insights na ibinigay ni PIA Sorsogon Infocenter Manager Irma Guhit binigyang-diin nito ang pagtama ng iba’t-ibang mga uri ng kalamidad nakinabibilangan ng mga natural at human induced calamities, kung kaya’t nararapat lamang ang ganitong uri ng aktibidad bilang paghahanda lalo na’t ang lindol ay kunsideradong unpredicted disaster sapagkat taliwas sa bagyo, tsunami at pagputok ng bulkan, wala pang instrumentong maaaring makatiyak kung kelan at saan tatama ang isang lindol.
Samantala, maliban sa earthquake drill ay isinabay na rin ng BFP Sorsogon City ang pagsasagawa ng fire drill sa kaparehong paaralan.
Ayon kay Sorsogon City Fire Marshall Renato B. Marcial, maaaring sabay-sabay ding tatama ang alinmang mga kalamidad kung kaya’t nararapat ding mabigyan ng kasanayan at paghahanda sa ganitong pagkakataon ang mga mag-aaral at ang publiko.
Ipinaliwanag din niyang inaasahan na rin ang pagkakaroon ng sunog kapag may malalakas na lindol lalo na kung may gumuguhong gusali.
Ang Sorsogon National High School ang napiling pagdausan ng ginawang earthquake at fire drill dahilan sa ito ang may pinakamalaking bilang ng populasyon ng mga mag-aaral sa buong lalawigan. (Bennie A. Recebido)
SORSOGON PROVINCE (February 18) – Matagumpay at payapang naidaos ang isinagawang earthquake drill dito sa lalawigan ng Sorsogon partikular sa Sorsogon National High School kahapon, February 17, sa pangunguna ng Sorsogon City Bureau of Fire sa pakikipagtulungan nito sa Department of Education City Schools Division, Philippine Information Agency Sorsogon Information Office, LGU-Sorsogon City at Sorsogon Police Provincial Office.
Ang nasabing aktibidad ay bilang pakikiisa sa Simultaneous Nationwide Earthquake Drill ngayong first quarter ng 2010, kaugnay na rin ng direktibang ipinalabas ni Pangulong Gloria Macapagal-Arroyo noong June 26, 2006, na gawin ang earthquake drills quarterly kung saan lalahukan ito ng mga pampubliko at pribadong tanggapan at mga establisemyento kasama na ang mga paaralan, hanggang sa tuluyan nang mapukaw ang kamalayan at maisabuhay na ng publiko ang mga dapat gawin sa panahon at matapos ang aktwal na paglindol nang sa gayon ay maiwasan ang may masaktan o di kaya’y ang pagbubuwis ng buhay.
Kaugnay ng aktibidad na ito, ilang mga tagamasid ang nagbigay ng papuri at positibong reaksyon ukol dito sabay din ang paghahayag na muling napukaw ang kanilang kahandaan ukol sa pagdating ng mga kalamidad hindi lamang lindol kundi maging ng iba pang uri nito.
Sa insights na ibinigay ni PIA Sorsogon Infocenter Manager Irma Guhit binigyang-diin nito ang pagtama ng iba’t-ibang mga uri ng kalamidad nakinabibilangan ng mga natural at human induced calamities, kung kaya’t nararapat lamang ang ganitong uri ng aktibidad bilang paghahanda lalo na’t ang lindol ay kunsideradong unpredicted disaster sapagkat taliwas sa bagyo, tsunami at pagputok ng bulkan, wala pang instrumentong maaaring makatiyak kung kelan at saan tatama ang isang lindol.
Samantala, maliban sa earthquake drill ay isinabay na rin ng BFP Sorsogon City ang pagsasagawa ng fire drill sa kaparehong paaralan.
Ayon kay Sorsogon City Fire Marshall Renato B. Marcial, maaaring sabay-sabay ding tatama ang alinmang mga kalamidad kung kaya’t nararapat ding mabigyan ng kasanayan at paghahanda sa ganitong pagkakataon ang mga mag-aaral at ang publiko.
Ipinaliwanag din niyang inaasahan na rin ang pagkakaroon ng sunog kapag may malalakas na lindol lalo na kung may gumuguhong gusali.
Ang Sorsogon National High School ang napiling pagdausan ng ginawang earthquake at fire drill dahilan sa ito ang may pinakamalaking bilang ng populasyon ng mga mag-aaral sa buong lalawigan. (Bennie A. Recebido)
Subscribe to:
Posts (Atom)