S2-DEO pinarangalang ‘Best Engineering District’ sa rehiyon ng Bicol

Ni: Bennie A. Recebido

LUNGSOD NG SORSOGON, January 16 (PIA) – Ipinagmamalaki ngayon ng Sorsogon 2^nd District Engineering Office (S2-DEO) sa ilalim ng pamamahala ni District Engineer Jake Alamar ang pagkakahirang nito bilang Best District Engineering Office  sa buong rehiyon ng Bicol sa taong 2011.

Sa mababa pa sa isang taong panunungkulan ni DE Alamar bilang pinuno ng Sorsogon 2 DEO, nagampanan nito ang papel ng isang administrador at fiscal-manager kung saan naipatupad nito ang iba’t-ibang mga reporma at pagbabago sa sistema ng operasyon at pamamalakad dahilan upang maibigay nito ang wastong serbisyong inaasahan sa kanila ng publiko.

Malaki din umano ang naiambag ng pagtutulungan ni DE Alamar at Assistant DE Romeo F. Cielo upang maisakatuparan ang mga reporma kung saan naglabas din ng mga serye ng Memorandum at mga patakaran upang maiangat pa ang kalidad ng trabaho at gawing pangunahing prayoridad ang serbisyo publiko ng bawat manggagawa ng S2-DEO.

Ang maayos at organisadong pamamahala at pagpapatupad ng mga proyekto at programa, at ang ‘output-oriented’ na uri ng serbisyong ipinamalas ng mga tauhan ng 2^nd District Engineering Office ng Sorsogon mula sa may pinakamababang posisyon hanggang sa mga pinuno nito ang naging sukatan upang makamit nito ang natatanging pagkilalang ito.

Ayon kay District Engineer Alamar, lahat umano ng mga hininging rekisitos upang matugunan ang mga sukatan sa pagpili ay agaran nilang naibigay tulad ng maintainance rating, quality control, absorptive capacity at construction accomplishment  na kinabibilangan ng pantay at malinaw na pagpapatupad ng mga proyekto tulad ng regular na imprastruktura at iba pa.

Ang nasabing parangal ay denisisyunan ng Management Committee (ManCom) ng Department of Public Works and highways (DPWH) Central Office at personal na iniabot ni DPWH Sec. Rogelio L. Singson kay DE Alamar. Ito umano ang kauna-unahang parangal na natamo ng Sorsogon 2^nd District Engineering Office.

Matatandaang naging full-pledged District Engineering Office ang nasabing tanggapan mula sa pagiging sub-district office nito noon lamang 2010 sa bisa ng RA 9689 na nilagadaan ni dating Pangulong Gloria Macapagal-Arroyo at ng Deparatment Order No. 42 s. 2010 na nilagdaan naman ni DPWH Secretary Singson. (HDeri, DPWH/PIA Sorsogon)

Panibagong paglabag sa RA 9165 muling naitala; mga suspetsado arestado

Ni: Bennie A. Recebido

LUNGSOD NG SORSOGON, January 16 (PIA) – Muli na namang nakaiskor ang pinagsanib na pwersa ng Sorsogon Police Provincial Intelligence Office, Sorsogon Provincial Public Safety Company Anti-Illegal Drugs Special Operation Task Force (SPPSC-AIDSOTF) at Philippine Drug Enforcement Agency (PDEA) Sorsogon laban sa mga nagtutulak ng droga sa Sorsogon matapos ang isinagawang buy-bust operation noong Biyernes, Enero 13, 2012 sa sentro ng Olondriz St, Brgy Cogon sa bayan ng Juban, Sorsogon.

Huli sa akto ng paglabag sa Sec 5 na may kaugnayan sa Sec 26-B Article II ng RA 9165 o mas kilala bilang “Comprehensive Dangerous Drug Act of 2002” sina Russel Grefaldeo y Higuit @ Banoy, 34 taong gulang, walang trabaho, walang asawa at residente ng South Poblacion Juban at si Maximino Marjalino y Napili alyas “Boboy”, 28 taong gulang, isang welder, may-asawa at residente ng Brgy Taboc Juban.

Nakuha mula sa mga ito ang isang sachet ng pinagdududahang mga tuyong dahon ng marijuana, isang libo at limang-daang piso na ginamit bilang marked money, isang yunit ng Nokia cell phone, dalawang piraso ng disposable ligther at perang nagkakahalaga ng limangdaan pitumpu’t-apat na piso.

Ang marijuana ay isa sa mga pinaka-naabusong droga habang nangunguna naman ang shabu o methamphetamine, base na rin sa tala ng mga nahuhuli ng PDEA.

Subalit ayon kay PDEA Provincial Intelligence Officer Raul Natividad, ang cocaine ay isa na ngayon sa unti-unti nang nagiging mabenta sa lokal na industriya ng droga. Ngunit kinumpirma nitong wala pa silang naitatalang nahuli sa Sorsogon maging sa rehiyon ng Bikol dahilan sa paggamit ng cocaine.

Ayon pa kay Natividad umaabot sa P5,000 hanggang P6,000 bawat gramo ang halaga ng bentahan ng shabu habang P70 naman bawat gramo ang bentahan ng marijuana.

Samantala, tiniyak ng PDEA na kontrolado pa rin ang sitwasyon ng droga sa lalawigan at katuwang ang mga ahensya ng pamahalaan ay hindi nila titigilan ang giyera laban sa ipinagbabawal na gamot hanggang sa tuluyan nang masugpo ang paggamit nito. (MHatoc/PIA Sorsogon)

Suporta ng komunidad kailangan sa pagsugpo sa child labor

Ni: Bennie A. Recebido

LUNGSOD NG SORSOGON, January 13 (PIA) – Mahigpit pa rin ang kampanya ng lokal na pamahalaan ng Sorsogon at ng mga ahensya ng pamahalaang nasyunal ukol sa sapilitang pagpapatrabaho sa mga menor de edad sa halip na mag-aral sa mga paaaralan.

Sa isang pagpupulong kamakailan dito ng mga kasapi ng Sorsogon Provincial Inter-Agency Anti-Child Labor  Committee – Sagip  Batang Manggagawa Quick  Action Team, binigyang-diin  na maliban sa mga pagsisikap ng bawat ahensya ng pamahalaan, kritikal din ang suportang ibibigay ng komunidad sa tuluyang pagsugpo sa child labor.

Pinuri din ang ginagawang hakbang ng pamahalaang nasyunal partikular ang Pantawid Pamilyang Pilipino Program upang matulungan ang bawat pamilyang Pilipino na magkaroon ng kahit papaano’y dienteng uri ng pamumuhay upang mapigilan ang mga magulang na sapilitang pagtrabahuhin ang kanilang mga anak.

Ayon naman sa Department of Labor and Employment (DoLE) pinakamalalang uri ng child labor ay ang child prostitution habang ang ilan pa ay ang pagtatrabaho ng mga kabataang nasa murang edad sa agrikultura, pagsisid o pangingisda sa malalalim na karagatan at pagtatrabaho sa mga minahan.

Sa ilalim naman ng Philippine Program Against Child Labor, hangad nitong mapababa kung di man tuluyang masugpo ang insidente ng child labor sa taong 2016.

Batay sa tala ng NSO noong 2001, apat na milyong mga bata ang nasasadlak sa child labor habang nasa 2.4 milyon naman ang lantad sa mapanganib na kapaligiran. (PIA Sorsogon)

‘No Proportionate Pension Policy’ ng GSIS binigyang-linaw

Ni: Bennie A. Recebido

LUNGSOD NG SORSOGON, January 13 (PIA) – Nilinaw ng pamunuan ng Government Service Insurance System (GSIS) ang katanungan ng ilang mga retirado nang kasapi ng GSIS ukol sa natatanggap nilang sulat mula sa GSIS kaugnay ng “No Proportionate Pension Policy” nito.

Ayon kay GSIS Staff Officer III Raymund Fiecas, hindi dapat na mabahala ang mga ito ukol sa katotohanan ng mga ipinadalang sulat sa kanila ng GSIS na nag-aanunsyo ukol sa pag-amyenda ng GSIS sa kanilang “No Proportionate Pension Policy”.

Aniya, lahat ng mga kasapi ay pinadalhan ng sulat nang sa gayon ay personal nilang mabasa at maunawaan ang impromasyong nais maiparating sa kanila ng GSIS.

Alinsunod sa pagkaka-amyenda, ang mga pension ay kukwentahin mula sa araw ng kanilang naaprubahang pagretiro o limang taon matapos magretiro para sa limang taong kabuuang benepisyo (lumpsum benefit).

Para naman umano sa mga tumiwalag na sa tungkulin subalit nakapagbigay ng serbisyo sa pamahalaan ng labinlimang taon ngunit mas mababa sa animnapu ang edad sa araw ng kanilang pagtiwalag sa tungkulin, ang bilang ng araw na gagawing basehan sa pagkwenta ng kanilang proportionate pension ay mula sa kanilang ika-animnapung kaarawan hanggang sa huling araw ng buwan kung kailan ipinanganak ang tumiwalag na miyembro.

Malinaw umanong nakasaad sa sulat sa mga pensioner ang eksaktong halaga ng makukuha nilang benepisyo ayon na rin sa patakaran ng bagong atas at naideposito na ito ng GSIS simula pa noong ika-walo hanggang ika-labinglima ng Disyembre 2011 sa kani-kanilang Union Bank o Landbank account at maaaring kubrahin anumang araw matapos ang nasabing mga petsa sa pinakamalapit na Union Bank o Landbank ATM o iba pang mga ATM na nasa ilalim ng Megalink, Bancnet o Expressnet network.

Subalit sa karanasan ng ilang mga nagreklamong retiradong kasapi, hindi nila umano ito nakitang pumasok sa kanilang mga account.

Pahayag naman ni Fiecas na ang adjustment ay maaaring hindi nila napansin noong gumawa sila ng transaksyon sa bangko subalit maaari umano nila itong malaman sa pamamagitan ng paghingi sa bangko ng kanilang certificate of transaction, deposit o withdrawal.

Inihayag din ni Fiecas na bukas ang tanggapan ng GSIS sa sinumang may mga katanunagn o nais linawin sapagkat pangunahing hangad umano ng GSIS na patuloy na maging mapagkakatiwalaang partner hindi lamang ng mga aktibong kasapi kundi maging ng mga retiradong kasapi pagdating sa ngalan ng social security. (FBTumalad/BAR, PIA Sorsogon)

DENR NAGPATANID LIWAT SA MGA GOBYERNO LOKAL NA PAG-ADALAN AN MGA GEOHAZARD MAPS

LEGAZPI CITY, JANUARY 12 – NAGPATANID GIRARAY AN DEPARTMENT OF ENVIRONMENT AND NATURAL RESOURCES (D-E-N-R) BICOL SA MGA GOBYERNO LOKAL NA PAG-ADALAN NIN MARHAY AN MGA GEOLOGICAL HAZARD O GEOHAZARD MAPS NA ITINAONG KWENTA SAINDA KAN AHENSYA TANGANING MAARAMAN AN MGA LUGAR NA LABI KADELIKADO SA PELIGRO KAN PAGTIRIS NIN DAGA O PAGBAHA.

AN TINAWAN NIN DOON NI D-E-N-R REGIONAL EXECUTIVE DIRECTOR JOSELIN MARCUS FRAGADA IYO AN PINAKAHURING INSIDENTE PAGRASAY NIN DAGA SA PANTUKAN, COMPOSTELA VALLEY KON SAEN KADAKUL AN NAGADAN BUDA NAGKAWARARA MATAPOS MATAMBUNAN KAN NAGRUMPAHOG NA KABUBULDAN.

SINABI NI DIRECTOR FRAGADA NA MANTANG NAITAONG KWENTA NAMAN KAN D-E-N-R SA MGA GOBYERNO LOCAL AN MGA GEOHAZARD MAPS AN MGA HEPE EHEKUTIBO DANGAN KOMUNIDAD AN MAY RESPONSABILIDAD NA PAG-ADALAN AN MAPA DESPUES MAG-ANDAM KON IN KASO SAKOBON NIN KATIBAADAN.

SEGON PA SA DIRECTOR DAHILAN TA MAY NAGKAKAPIRANG MGA SMALL SCALE NA MINAHAN SA KABIKOLAN, KAIPUHAN OROG PANG MAG-ANDAM AN PUBLIKO TANGANING MALIKAYAN AN AROG KAN NANGYARI SA PANTUKAN NA KON SAEN NAHOROS AN KABUBULDAN NA DULONG PINALUYA KAN MGA TALTAG NA MINA SA LUGAR.

TINAWAN NIN PALIWANAG NI DIRECTOR FRAGADA NA DULOT KAN MGA SIRING NA PANGYARI PIGBUBUSOL NAMAN KAN DEPARTAMENTO AN PAGREPASO O PAG-AMINEDAR SA MINING ACT KON SAEN POSIBLENG RENDAHAN AN PAGTATAO NIN MGA PERMISO SA MGA SMALL SCALE NA MINAHAN.

ENOT KAINI, NANGAPUDAN SI ENVIRONMENT SEC. RAMON PAJE SA MGA GOBYERNO LOCAL NA TONONGON NA AN PAGPAPALUWAS NIN PERMISO SA MGA SMALL SCALE NA MINAHAN DAHILAN TA AN AHENSYA DAE NUNGCA NAGTATAO NIN ENVIRONMENTAL COMPLIANCE CERTIFICATE O E-C-C SA MGA INI.

SA LINDONG KAN LEYE SA PAGMIMINA, AN MGA GOBYERNO LOCAL AN MAY HURISDIKSYON SA PAGTATAO NIN PERMISO SA SMALL SCALE MINING MANTANG AN D-E-N-R SA PAAGI KAN MINES AND GEOSCIENCES BUREAU O M-G-B DANGAN ENVIRONMENTAL MANAGEMENT BUREAU O E-M-B AN MINASERBE SANANG TAGA MONITOR KUN NAG-OOTOB SA MGA IPINAPASUNOD KAN LEYE AN NAUNAMBITANG MGA MINAHAN. (DENR V/PIA SORSOGON)

Gubat town conducts essential health workers training for mothers and baby care program

By Irma A. Guhit

SORSOGON CITY, January 12 (PIA)…… A three day essential health training for health workers focused on the implementation of the Millennium Development Goal (MDG) No. 4, to eradicate maternal and infant mortality, is now on going at the local government of Gubat through the assistance of the congressional office of 2^nd district representative Deogracias B. Ramos.

According to Dr. Carmen Ramos Bonoan, the need to capacitate health workers especially in the proper care of pregnant and lactating mothers is a must since this is one of the most vulnerable group needing health care attention based on report of maternal and infant mortality status nationwide.

A group of physicians and lecturers coming from the University of the Philippines headed by Dr. Maria Asuncion is now the one conducting the training.

Congressman Ramos through the report provided by health implementers in the second district assessed the situation that there is indeed a need to provide a continuous capacity enhancement to health workers starting from the barangay health centers, municipal and district hospital personnel so that collegial support system in the implementation of the MDG No. 4 be achieved.

According to congressman Ramos, aside from the enabling of health workers the barangay health centers, municipal and district hospitals will also be upgraded in terms of facilities and other equipments together with provision of information education materials, fliers and brochures specifically on the maternal and infant health care implementation.

Funding for the procurement of health equipments will be provided coming from the office of congressman Ramos.

It was also learned that the one of the flagship programs being provided substantive funding allocation from the office of congressman Ramos is the strengthening of health development mechanisms, environmental protection and conservation, tourism and infrastructure development.

It is expected that the three-day training program will provide the health workers particularly in the second district the needed skills and knowledge in the assistance and support of the implementation of the MD goal no. 4.(PIA-SORSOGON)