Tagalog News Release
SORSOGON PROVINCE (June 9) –Muling pinaalalahanan ng Commission on Election ang mga tumakbong kandidato nitong nakaraang halalan na hanggang ngayong araw na lamang sila tatanggap ng mga isusumiteng 2010 elections Statement of Contributions and Expenditures.
Ayon kay Provincial Election Supervisor Atty. Calixto Aquino, nanalo man o natalong kandidato ay dapat magsumite ng kanilang statements kung ilan ang natanggap nilang kontribusyon at nagasta kaugnay ng kanilang pangangampanya nitong May 10, 2010 national at local elections.
Matatandaang nakasaad sa Comelec En Banc Resolution No. 8944 na hindi dapat lalampas ngayong Hunyo a-nuebe ang pagfile ng kanilang SCE sa tanggapan ng Comelec kung saan sila nagfile ng kanilang certificate of candidacy.
Ayon kay Aquino ang mga kandidatong hindi makakasumite ng SCE ay maaaring patawan ng multang isanglibo hanggang tatlumpong libong piso.
Kaugnay nito, muling nilinaw din ng opisyal na ang mga Statement of Contributions and Expenditures ay tatanggapin mula alas-otso ng umaga hanggang alas singko lamang ng hapon.
Wala din aniya silang balak na magbigay pa ng extension sa mga ito. (Bennie A. Recebido, PIA SOrsogon)
No comments:
Post a Comment