Sorsogon Inter-Agency Anti-Child Labor Committee tinukoy ang ilang child labor practice sa lalawigan

Ni: Bennie A. Recebido

Sorsogon City, August 4 (PIA) – Muling tinipon kamakailan ng Department of Labor and Employment (DOLE) ang mga kasapi ng Sorsogon Provincial Inter-Agency Anti-Child Labor Committee (SPIAACLC) at Sagip Batang Manggagawa Quick Action Team (SBMQAT) upang tasain at talakayin ang mga nagawang hakbang at aktibidad ng mga kasaping ahensya ukol sa paglaban sa child labor sa lalawigan.

Ayon kay DOLE Sorsogon Provincial Head Imelda Romanillos, isa sa mga naging tampok sa pagtitipon ng komite ang pagtukoy sa ilang mga child labor practice sa Sorsogon at mga interbensyong ginawa ng mga kasaping ahensya ng SPIAACLC- SBMQAT.

Ayon kay Romanillos, kabilang sa mga anti-child labor practice na natukoy ay ang pagkunsinti sa mga batang maninisid sa mga malalaking pantalan sa Sorsogon, mga batang namamalimos sa lansangan, namamasukan bilang katulong, pati na rin ang mga batang kinukunsinti o mismong ang mga magulang pa ang nagiging dahilan upang mapilitang magtrabaho sa murang edad ang mga bata sa halip na nasa paaralan o di kaya’y malayang nararanasan ang pagiging bata.

Sa naging pagtaas ng bilang ng child labor sa Pilar lalo na sa pantalan nito, taon pang 2005 ay ipinasa na ng Sangguniang Bayan ng Pilar ang Municipal Ordinance No 007 na sasagip sa mga batang manggagawa, habang ngayong taon naman ay binuo ng lokal na pamahalaan ang Pilar Inter-Agency Anti-Child Labor Committee at Sagip Batang Manggagawa Quick Action Team.

Aktibo din ang Visayan Forum dito sa Sorsogon sa pagtulong sa adbokasiya ng mga ahensya ng pamahlaan at pagbibigay oryentasyon sa mga local government units sa lalawigan tulad ng anti-child labor framework, RA 9231 o Anti-Child Labor Law, RA 9208 o Anti-Trafficking in Persons Act of 2003 at iba pa. (PIA Sorsogon)

Siyam na lalawigang patnubay ng MDG Achievement Fund Joint Programme isinailalim sa pagsasanay

Ni: Bennie A. Recebido

Sorsogon City, August 4 (PIA) – Isinailalim sa Capacity Development and Capacity Approach for Climate Change Adaptation Training of Trainors sa lungsod ng Tagaytay noong nakaraang linggo  ang mga kinatawan ng siyam na pilot provinces sa bansa na napili sa ilalim ng Millenium Development Goal Achievement Fund (MDG-F 1656) Joint Programme.

Isa ang lalawigan ng Sorsogon na napili bilang pilot province sa rehiyon ng Bicol habang ang walo pang napiling mga lalawigan sa bansa ay ang Antique, Ifugao, Bukidnon, Cavite, Biliran, pangasinan, Surigao del Norte at Agusan.

Ayon kay Von Andre Labalan, Information Officer ng Sorsogon Provincial Disaster Risk Management Office (SPDRMO) at isa sa mga kumatawan sa lalawigan, tinipon ang mga kinatawan ng siyam na pilot provinces sa bansa na napili sa ilalim ng MDG-F 1656 Joint Programme sa pangunguna ng National Economic Development Authority (NEDA) at ilang pang mga ahensya ng pamahalaan sa pakikipagtulungan nito sa United Nations Development Programme (UNDP).

Layunin ng pagsasanay na sa pamamagitan ng mga napiling pilot provinces na ito, mapalakas pa ang kakayahan ng Pilipinas kaugnay ng naitatag na Climate Change Adaptation (CCA) program sa bansa.

Inaasahan ding sa pamamagitan ng MDG-F 1656 Joint Programme, matutukoy ng mga lumahok dito ang kanilang mga kahinaan particular ng mga namemeligrong sektor sa kani-kanilang lugar pagdating sa epekto ng Climate Change.

Dagdag pa ni Labalan na inaasahan ding matutukoy ang mga paraan para sa simpleng pagpapaintindi tungkol sa Climate Change Reduction (CCR), mga prayoridad para sa gagawing istratehiya, paraan at desisyon ng pamahalaan at ng mga ahensya nito, pati na ng mga komunidad sa ilalim ng Climate Change Adaptation program, at matukoy din ang pinalakas na kakayahan ng bawat isa sa pamamagitan ng mga tamang sistema na makikita sa magiging resulta ng isasagawang hakbangin ng siyam na mga pilot provinces. (PIA Sorsogon)

Pag-amyenda sa mga patakaran ng Tricycle Franchising Advisory Council ng Sorsogon City nasa ikalawang pagbasa na

Ni: Bennie A. Recebido

Sorsogon City, August 2 (PIA) – Nasa ikalawang pagbasa na ngayon sa Sangguniang Panlungsod ang isang resolusyon na nagsusulong sa pag-amyenda sa ilang mga probisyon ng Tricycle Franchising Advisory Council (TAFC) at ang pagbubuo ng mga patakaran sa operasyon ng mga traysikel sa lungsod ng Sorsogon.

Ayon kay City Councilor Victorino Daria III, may-akda ng isinusulong na Revised Tricycle Franchising Advisory Council Ordinance of Sorsogon City, layunin nitong magkaroon ng mabilis subalit maayos at malinaw na proseso sa pagbibigay at pagsasalin ng mga prangkisa at magkaroon ng sistematikong daloy ng trapiko sa lungsod.

Malinaw na nakasaad sa isinusulong na ordinansa ang komposisyon at papel na ginagampanan ng Sorsogon City Tricycle Franchising Advisory Council tulad halimbawa ng pagtukoy sa optimum na bilang ng mga traysikel na papasada sa tatlong distrito ng lungsod – ang West, East at Bacon District.

Positibo din si Daria na matutuldukan na ang matagal na sakit ng ulo ng mga legal na operator at tsuper dito ukol sa mga namamasadang kolorum na mga traysikel na maliban sa nakakadagdag sa pagsikip ng trapiko ay nagiging kaagaw din ng mga lehitimong namamasada sa dapat ay maging kita pa nila.

Aniya, matutugunan ito sa pamamagitan ng pagpapatupad ng color-coding scheme na aprubado ng Advisory Council at ng pangulo ng Federated Association of Sorsogon Trcycle Operators and Drivers (FASTOD) kung saan dilaw o yellow diumano ang kulay ng mga papasada sa East District, berde o green sa West District at dalandan o orange naman sa Bacon District.

Malinaw ding nakasaad dito ang mga patakarang dapat na sundin ng mga operator lalo na ng mga tsuper sa kanilang operasyon at pamamasada. Maging ang mga ‘service tricycle’ o yaong mga ‘not for hire’ na traysikel ay may malinaw ding regulasyong dapat sundin.

Nakaatang naman sa responsibilidad ng Philippine National Police (PNP) ang pagpapatupad ng batas ukol dito sa tulong ng traffic aide na nakadestino sa lugar habang bibigyan naman ang mga tauhan ng Traffic Management Section ng PNP ng mga ‘citation ticket’ para sa mga magiging paglabag ng mga tsuper. (PIA Sorsogon)

Pagkakantala ng royalty share mula sa operasyon ng Bac-Man Geothermal Plant may malaking epekto sa city government

Ni: Bennie A. Recebido

Sorsogon City, August 2 (PIA) – Inamin ni Sorsogon City Mayor Leovic Dioneda na problemado sila sa ngayon sa natatanggap nilang royalty share mula sa operasyon ng Bacon-Manito Geothermal Production Plant ng Energy Development Corporation (EDC) sa lungsod.

Ito ay dahilan sa hanggang ngayon ay hindi pa nila diumano natatanggap ang royalty share na dapat sana ay naipamahagi na sa mga host barangay ng EDC.

Ayon sa alkalde, ang pagkakaantala ay resulta ng privatization ng EDC at ang mahaba at matagal na proseso kung saan dapat na idaan sa Department of Energy (DOE), Department of Finance (DoF) at Department of Budget and Management (DBM) ang ibinabayad ng EDC bago ito tuluyang ibigay sa host city patungo sa mga barangay na dapat manginabang nito.

Kaugnay nito, humingi ng paliwanag si Mayor Dioneda mula sa DBM at DoF kaugnay ng pagkakantalang ito na aniya’y nakakaapekto na sa pagbaba ng ibinibigay nilang serbisyo at proyektong pinopondohan ng royalty share lalong-lalo na ang power subsidy na ibinibigay nila sa mga mamamayan.

Sa patuloy na pagkakantala, nangangamba silang baka dumating din sa puntong kakarampot o wala na silang makuhang royalty kung kaya’t kailangan nila diumano ang suporta ng lahat ng mga stakeholders partikular ang public-private partnership upang hindi tuluyang masakripisyo ang mga programa ng city government.

Sa ngayon aniya ay nagpapatupad sila ng mga istratehiyang makakatulong upang kahit papaano’y hindi gaaanong maramdaman sa mga barangay ang malaking epekto ng pagkakaantalang ito tulad ng paghihigpit ng sinturon, tamang paggasta ng badyet kung saan tanging yaong mahahalaga lamang sa operasyon ng mga barangay ang binibigyang prayoridad. (PIA Sorsogon)

Sorsogon City government targets power consumption reduction, strengthens Climate Change mitigation strategies

by Irma A. Guhit

SORSOGON CITY, AUGUST 2, (PIA) ....Heeding the urgent call of Climate Change Mitigation and Adaptation (CCAM) aside from addressing the issues on power rate increase and lessen power consumption, Mayor Leovic R. Dioneda in an interview this week said, "I am bent to implement certain strategic measures to lessen the effects of Climate Change and address the issue on power reduction and consumption".

Starting within the Sorsogon City Hall premises, solar energy powered lights replaced the old mercury bulbs with electric supply from the Sorsogon Electric Cooperative, installed 2 weeks ago, these solar powered bulbs now provides lighting to the national highway fronting the Sorsogon City Hall.

Mayor Dioneda this month issued a memorandum to city administrator, Ret. Gen. Ireneo Manaois, instructions to distribute the Light Emitting Diode (LED) to all barangays, a city government initiative to lessen power consumption, reduce power cost. and primarily as a strengthening  mitigation and adaptation strategy to lessen the effects of Climate Change.

All barangays within the city received 20 units of LED to replace the existing street light bulbs or florescent lamps used in their barangays.

According to mayor Dioneda, the research findings which were suggested by several students from the Sorsogon State College (SSC) using the LED as source for lighting proved to be one of the measures where power consumption can be reduced into half of the current power cost the city is paying.

He also said that by using the LED, Sorsogon City will be leading in the advocacy for a clean and safe environment.

"By replacing the existing florescent bulbs found out hazardous to human health because of its mercury content, Solar powered light will  be now seen in major thorough fares of our city lamp posts"." Installing the LED.will eventually reduce power cost ", he said.

"As a staunch advocate of CCAM, together with the city council , we have identified certain programs and measures  to be implemented that will reduce power consumption in the city hall and at the same time in the barangays through the use and installation of solar powered energy lighting facilities and now the installation of  LED units." Dioneda expressed.

Four barangays here have already started with clearing and preparation in replacing and installing this power reducing lighting facility according to Manaois.

"In fact, the people from barangay Talisay through Barangay Captain Dennis Valladolid have expressed satisfaction and positive reactions in the initiatives being implemented by the city government", Manaois  explained.

"The thrust of the city government is to make people aware of how as a community the City of Sorsogon can contribute in the reduction of carbon fossil fuel emission and at the same time reduce the power consumption here in our city and save funds. Savings can be used now for other needed programs specially health reforms and environmental conservation”, he said.

Climate Change Adaptation and Mitigation are now being strengthened by the city government by also scheduling power shut off in the offices on scheduled times according to Manaois.

"Eventually, Sorsogon City will be using these new technologies that are environmentally friendly and safe. This will also provide additional funds for the city government as power cost will be reduced", Mayor Dioneda finally expressed. (PIA-SORSOGON)