Kidney transplant at hindi dialysis ang lunas sa chronic renal failure

Ni: Bennie A. Recebido

LUNGSOD NG SORSOGON, Nobyembre 15 (PIA) – Kidney transplant at hindi dialysis ang lunas sa mga pasyenteng may malalang sakit sa bato o chronic renal failure.

Ayon kay National Kidney and Transplant Institute (NKTI) fellow at nephrologist Dr. Edwin Tan, ang pagsasailalim sa mga pasyente sa dialysis ay temporaryo lamang at ginagawa ito bilang isang paraan ng paglilinis at pagpapalit ng dugo sa isang pasyenteng tuluyan nang nasira ang bato gamit ang isang dialysis machine. Ang dialysis machine ang nagsisilbing kidney ng pasyenteng nasira na ng tuluyan ang dalawang bato na nagiging dahilan upang manghina o mamatay ang pasyente.

Kadalasang nauuwi sa dialysis ang kaso ng mga sakit sa bato na hindi naagapan na nagdudulot ng malaking suliranin sa mga pasyente at kamag-anak nito dahilan sa malaking gastusin at abala sa pagpapaospital.

Maaring gumastos ng tatlong libo o mahigit ang isang pasyenteng isinasailalim sa dialysis bawat isang sesyon. Isa o dalawang sesyon g dialysis ang maaaring kaharapin ng isang pasyente linggo-linggo depende sa kondisyon nito.

Maari namang gumastos ng ilang daang libo hanggang milyon ang isang pasyenteng sasailalim sa kidney transplant maliban pa iro sa mga gastusin sa laboratoryo at gamot.

Subalit hindi rin naman nagpapabaya ang pamahalaan sa pagtulong sa mga pasyenteng dina-sialysis sapagkat may mga medication package na rin ngayon ang Philippine Health Insurance Corporation (PhilHealth) sa bawat kasaping sasailalim sa dialysis o kidney transplant.  

Sa tala ng Sts. Peter and Paul Hospital, mayroon silang 72 pasyente na sumasailalim sa dialysis mula Diyembre ng 2011 at 25 pasyente naman sa kasalukuyan dahilan sa Chronic Kidney Disease., 20 sa mga ito ay may Diabetes Mellitus; 17 ang may Hypertension; 17 ang may pamamanas at 3 naman ang may Gout.

Sa ngayon ay may dalawang dialysis center na sa Sorsogon na pawang nasa pribadong ospital. Inaasahan namang magbubukas na rin ang dialysis center ng Sorsogon Provincial Hospital bago matapos ang taon ngayon.

Kadalasang sintomas ng sakit sa kidney ay pananakit ng kaliwa o kanang bahagi ng tyan, lagnat at panginginig dahil sa sakit, pamamaga, pagtaas ng presyon ng dugo at pagbabago ng kulay ng ihi. (BARecebido, PIA Sorsogon)

Epektibong programa pangkalusugan ng DOH sa Sorsogon, pinaiigting pa

Ni: Bennie A. Recebido

LUNGSOD NG SORSOGON, November 15 (PIA) –Mas na pina-iigting pa sa ngayon ng Kagawaran ng Kalusugan sa pakikipagtulungan ng League of Municipalities of the Philippines (LMP) dito sa lalawigan ng Sorsogon ang mga programang may kinalaman sa pagbibigay ng tama at epektibong programang pangkalusugan sa lahat.

Sa isinagawang Provincial Health Summit dito noong Martes, sinabi ni DOH-Bicol Regional Director Dr. Gloria Balboa na bagamat batid ng pamahalaan na mahihirapan ito sa pag-abot ng Millenium Development Goal (MDG) sa ngayon, lalo na pagdating sa maternal at child health care, naniniwala pa rin sila diumano na kaya pa ring tugunan ang pangangailangang pangkalusugan sa tulong ng mga lokal na pamahalaan.

Malaking bahagi din umano ang paggamit ng performance scorecard upang mabatid kung saan epektibo o mahina ang programa ng isang Local Government Unit (LGU).

Dito sa Sorsogon, binigyang puri ni Balboa ang bayan ng Sta. Magdalena bilang isa sa pinaka-natatanging bayan na nakakuha ng berdeng marka pagdating sa mahusay na pagpapatupad ng mga programang pangkalusugan.

Ang berdeng marka ay nangangahulugan na namantini nito o mas napaghusay pa ang pagganap sa programang may kaugnayan sa kalusugan.

Upang masukat ang mahusay na pagpapatupad ng programa, gumagamit ang DOH ng Scorecard sa pamamagitan ng tatlong kulay gaya ng berde, dilaw at pula upang matukoy ang lawak o layo ng serbisyo at nang sa ganun ay malaman din ng ahensya kung gaano ka-epektibo ang ipinapatupad na programa.

Dahil dito, muling hiningi ni Balboa ang tulong at pakikiisa ng mga alkalde sa lalawigan sa pagsasakatuparan ng mga programa lalo pa’t layunin nito na matugunan ang pangangailangan ng mga Sorsoganon pagdating sa usaping pangkalusugan. (BARecebido, PIA Sorsogon/HBinaya)

Ilang lupain sa Sorsogon maaaring mawala na sa CARPER LAD Balance ng DAR

Ni: Bennie A. Recebido

LUNGSOD NG SORSOGON, November 15 (PIA) – Isangdaan dalawampu’t-apat na landholdings o lupaing pagmamay-ari ng bayan ng Bulan at Pilar sa Sorsogon na may kabuuang sukat na 993 ektarya ang maaaring mawala na sa Land Acquisition and Distribution (LAD) Balance sa ilalim ng programang Comprehensive Agrarian Reform Program Extension with Reform (CARPER) ng Department of Agrarian Reform (DAR) dito sa Sorsogon.

Ayon sa Provincial Task Force on Problematic Landholdings, ang nasabing mga lupain ay hindi na dapat pang makasama sa LAD Scope o mga lupaing sakop ng Land Acquisition and Distribution ng lalawigan ng Sorsogon sapagkat kung hindi naman ito nararapat na pagtaniman, ibibilang ito sa mga retention area o tirang lupain para sa mga anak ng may-ari ng lupa.

Ayon pa sa naturang Task Force, mayroon pang 121 na lupaing pag-aari ng lalawigan na may kabuuang sukat na 863 ektarya ang inirekomenda na ng mga Municipal Agrarian Reform Officers (MAROs) ng bayan ng Castilla, Magallanes at Gubat Cluster sa Provincial Agrarian Reform Coordinating Committee (PARCCOM) na alisin na rin sa LAD CARPER Balance.

Sakali umanong may tenant ang nasabing mga lupain, ipapasok sila sa Leasehold Contract o Kontrata sa Pag-arkila upang mapanatili ang kanilang karapatan na sakahin ang nasabing mga lupain. (BARecebido, PIA Sorsogon/AJA, DAR)

Anti-Political Dynasty Bill: solusyon nga ba sa kahirapan sa bansa?

Ni: Bennie A. Recebido

LUNGSOD NG SORSOGON, November 12 (PIA) – Sinasabing sa bansang Pilipinas normal na senaryo na lamang ang mga makikitang magkakamag-anak sa pulitika o magkakamag-anak na halal ng bayan, kung kaya’t marami sa bansa ang kabilang sa tinatawag na political clan at political dynasty o oligarkiya sa termino ng political science. Kadalasan din kontrolado ng ilang mga kilalang pamilya ang pulitika sa Pilipinas.

Matapos ang 25 taon simula nang unang pag-usapan ang Senate Bill No. 82 o anti-political dynasty bill na inakda ni dating Bise Presidente Teofisto Guingona, Jr., sa 8^th Congress of the Philippines noong 1987, mainit na namang pinag-uusapan ang anti-political dynasty bill ngayon,  lalo pa’t nalalapit na naman ang halalan sa 2013.

Matatandaang naipasa na sa Senado ang nasabing panukala noong 1987, subalit hindi ito naipasa sa Kongreso at ngayon ay mas naging mainit na ang usaping pagpapasa sa 15^th Congress ng House Bill No. 3413 o Anti-Political Dynasty Act of 2010.

Kabilang sa mga co-author ng HB No. 3413 ay ang mga kinatawan ng Party-list na sina Rep. Neri Colmenares ng Bayan Muna, Rep. Luzviminda Ilagan at Rep. Emmi de Jesus ng Gabriela, Rep. Rafael Mariano ng Anakpawis, Rep. Raymond Palatino ng Kabataan party-list, at Rep. Antonio Tinio ng ACT Teachers party-list.

Ayon sa nakararami, oligarkiya ang pinag-uugatan ng mga nagaganap na korapsyon sa pamahalaan ng Pilipinas na nagdadala ng kahirapan sa bansa. At sa kabila umano ng pagpasok ng Party-list System noong 11th Congress, nanatili pa ring maraming mga halal na kamag-anak sa ating mga mambabatas.

Sa isinagawang Anti- Political Dynasty Bill: A PTV Special Forum noong Biyernes, ipinaliwanag ng mga eksperto ang kahulugan ng Political Dynasty at ang saklaw na mga panukala ng HB 3413 kung saan sakop nito ang lahat ng mga ihahalal na opisyal ng pamahalaan mula presidente, bise-presidente, senador, kinatawan ng mga distrito at party-list, at mga local government position mula sa gobernador hanggang sa opisyal ng barangay kasama na ang Sangguniang Kabataan.

Ayon kay Atty. JJ Atienza, base sa sinasabi sa konstitusyon ang isang pamilya ay hindi binibigyan ng ekslusibong karapatan na maglikod sa bayan. Pinipigilan lamang umano ng probisyon sa konstitusyon na gawing pamilyang pangkabuhayan ang isang posisyon sa pamahalaan.

Ayon naman kay UP-NCPAG Dean Edna Co, ang Political dynasty ay paulit-ulit na mga apelyidong halal at paulit-ulit na paghahain ng sarili para sa serbisyo ng pamahalaan.

Sa pag-aaral namang ginawa ni political scientist Dante Simbulan ukol sa mga elitistang nasa pulitika sa Pilipinas, mayroon umanong 169 na mga prominenteng pamilya ang nasa listahan mula 1946 hanggang 1963. Ang mga pamilyang ito ay nakapag-paupo sa pwesto ng 584 pampublikong opisyal kasama na ang pitong Pangulo, dalawang Bise-Presidente, 42 Senador, at 147 na mga Kongresista. Kinabibilangan ito ng mga lolo at lola, mag-asawa, in-laws, anak, apo at iba pang mga kamag-anak.

Samantala, sinasabi naman ni Social Analyst Lito David na hindi lahat ng bagay ay dapat idaan sa pagsusulat ng batas, ang mahalaga umano ay respetuhin kung ano yung sinasabi ng etika.

Ayon kay Maj. Wally Querubin, CMO ng 9ID, PA, dapat na walang malisya ang pagsisilbi sa bayan. Hindi lang rin umano nakasalalay sa mga ihahalal na opisyal ang tagumpay ng pamamahala kundi nakasalalay din sa uri ng partisipasyon ng komunidad lalo ng mga botante. Ang dapat na adhikain ay kung ano ang makabubuti para sa nakararami at hindi pansarili lamang. Etika o mabuting karakter pa rin ang susi sa pagtahak sa matuwid na landas.

Hindi naman sinasang-ayunan ni dating Bokal Cherry Diaz ang pagkakaroon ng political dynasty dahilan sa magiging mas makapangyarihan at gahaman lamang umano ang mga maluluklok sa poder. Ang matagal na pagkakaroon ng kapangyarihan ay nakahahadlang sa pag-unlad ng pamahalaang lokal at nasyunal dahilan sa mas nananaig ang personal na hangarin ng mga pulitiko kaysa sa pagsisilbi sa kanilang mga nasasakupan.

Naniniwala naman ang ilan sa mga ordinaryong Sorsoganon na sa pamamagitan ng pagpasa ng nasabing panukala ay mababawasan ang korapsyon sa bansa, huwag lamang umanong magpagamit ang mga bagong uupong opisyal ng pamahalaan sa mga trapong politiko at mga gahaman sa pwesto.

Subalit anuman ang magiging kahihinatnan ng usaping ito, ang kahirapan sa bansa ay mananatili hangga’t hindi isasantabi ng bawat Pilipino ang pagiging makasarili. (BARecebido, PIA Sorsogon)

DAR Photo Releases

Flordeliza Corcuera, Manager of the Department of Land Reform Employees’ Cooperative otherwise known as DELARECO, and some officers, with Roseller R. Olayres, Provincial Agrarian Reform Officer II of Sorsogon received the cheque amounting One Hundred Seventy Six Thousand Pesos loan insurance from the PCIC after a coop member with an outstanding loan balance passed away. This only proves that DELARECO is indeed a strong cooperative and it ensures the welfare of not only the members but the member’s family as well. Thus, the family of the DELARECO member who passed away need not to worry about their beloved’s loan balance because PCIC has paid it fully. (AJA, DAR/PIA Sorsogon)

BDCD headed by CARPO Lucy Vitug in cooperation with the DZGN-FM Sorsogon (Spirit FM) initiated a 2-day Workshop Seminar on Broadcasting and Newswriting for some selected Technical Assistants, Development Facilitators, Legal Officer, and Provincial Information Officer. (AJA, DAR/PIA Sorsogon)

Officers of four (4) Farmers’ organizations and Roseller R. Olayres, Provincial Agrarian Reform Officer II signed the Memorandum of Agreement (MOA) for the implementation of ARCCESS (Agrarian Reform Communities Connectivity and Economic Support Services) in the province of Sorsogon. These four organizations includes MBUFA (Mt. Bulusan Upland Farmers’ Association) of Bulusan, Sorsogon chaired by Natividad L. Lavarez who signed for the Geotextile Production Processing and Marketing; BAMUCO (Bangate Multipurpose Cooperative) of Barcelona, Sorsogon chaired by Manuel F. Gabitan Sr.; DARBA (Del Rosario Agrarian Reform Beneficiaries’ Association) of Pilar, Sorsogon chaired by Rufino B. Balayo Jr.; and MADECO (Maharlika Development Cooperative) of Bacon, Sorsogon City chaired by Pablo Buetre signed for the Vegetable Production Processing and Marketing. With the MOA Signing, DAR’s duty to them are the provision of common services facilities; professional service providers and technical assistance to the Agrarian Reform Beneficiaries’ Organizations (ARBOs). ARCCESS fund comes from DAR’s regular fund. (AJA. DAR/PIA Sorsogon)

DAR Sosogon’s BDCD conducted a conference for the Technical Personnel (TP) and PMEU to present the result of the recent ALDA (Agrarian Reform Communities’ Level of Development Assessment) and to make plans for their next ALDA activities. Roseller R. Olayres, PARO II of Sorsogon reminded the (TP) that while there are many important activities to be made under the Program Beneficiaries’ Development (PBD), they should not forget that they also have equally important and urgent activity under the Land Tenure Improvement (LTI), “I understand your dilemma, I don’t know how you’re going to divide your time on both important things,” he said. Meanwhile, the result of the latest ALDA reveals that from 2010 to 2011 there are three (3) Agrarian Reform Communities (ARCs) from level 5 that goes down, contradictory to ARBs’ Organizations wherein there are three (3) which have been joined to level 5. According to CARPO Lucy Vitug, it doesn’t mean that because an ARC or an organization has maintained its level, it’s index is still the same. There are times that it goes down or it goes up but still belongs to the same bracket, that’s the reason why there’s no change in level. However, there are Municipal Agrarian Reform Officers (MAROs) who questioned the presented ALDA result especially those low-rating. CARPO Vitug explained that those low rates might be the result of random sampling wherein Agrarian Reform Beneficiaries (ARBs) which are weak are the one who were captured in the survey and not those strong one. Other BDCD Staff said that there are farmers who do not tell their real income, thus it affect the result of the survey. (AJA, DAR/PIA Sorsogon)