DENR: DAE NIN ILLEGAL NA PAGTROSO SA MALINAO

LEGAZPI CITY, APRIL 10 – DAE NIN NANGYAYARING ILLEGAL NA PAGTROSO SA KABUBULDAN NIN MALINAO SA PROBINSYA NIN ALBAY.

INI AN PAGTUNGKUSAN PINALMENTE KAN DEPARTMENT OF ENVIRONMENT AND NATURAL RESOURCES (D-E-N-R) AN ORING-ODING MANONGOD SA SU BOOT NA ILLEGAL NA PAGTROSO SA KABUBULDAN KAN MALINAO.

SINABI NI COMMUNITY ENVIRONMENT AND NATURAL RESOURCES (CENR) OFFICER MARLON FRANCIA KAN LEGAZPI CITY NA NAPAG-ARAMAN KAN SAIYANG IPINADARANG FORESTRY PERSONNEL NA DAE MAN NIN PANGYAYARING ILLEGAL NA PURUTULAN NIN KAHOY SA NAUNAMBITANG KABUBULDAN.

TINAWAN NIN DOON NI CENRO FRANCIA NA SA ISINAGIBONG PAG-OOGID NAGLALATAW NA AN MGA SU BOOT NAPUTOL NA KAHOY IYO MAN SANA AN NAGKAGARABOT DURANTE KAN MAKUKUSOG NA PAGUURAN DARA KAN MAGKAKASUNOD NA BAGYO KAN NAKA-AGING TAON.

DAHILAN KAINI, SAIYANG ISINAGILID AN MGA BANA-BANANG ILLEGAL NA PAGTO-TROSO SA PAGSASABING WARA INI NIN BASEHAN. IDINAGDAG PA NIYA NA AN REPORT MANONGOD SA INVESTIGASYON NAITAONG KWENTA NA MAN SA OPISINA KAN REGIONAL EXECUTIVE DIRECTOR KAN D-E-N-R BICOL NA IYO AN MASUMITIR SA OFFICE OF THE ANTI-ILLEGAL LOGGING TASK FORCE SA D-E-N-R CENTRAL OFFICE.

SA IBONG NA LADO, TINWAN NIN ASEGURASYON NI CENRO FRANCIA AN MAHIGOT NA PAGBABANTAY KAN CENRO LEGAZPI SA MGA KABUBULDAN NA SAKOP KAN HURISDIKSYON KAINI. (Ruby Mendones, DENR/PIA Sorsogon)