DENR ILULUNSAR AN ECO-TOURISM PROJECT SA MASBATE CITY

LEGAZPI CITY, May 1 – NAKATALAAN NA BUNGSUDAN KAN DEPARTMENT OF ENVIRONMENT AND NATURAL RESOURCES (D-E-N-R) AN SARONG ECO-TOURISM PROJECT SA BUNTOD MARINE SANCTUARY SA SYUDAD NIN MASBATE SA ABRIL 25, 2012. SARONG MEMORANDUM OF AGREEMENT MAN AN PIPIRMAHAN ENTRI KAN IPIGBUBUSOL KAN D-E-N-R, GOBYERNO LOKAL KAN SYUDAD NIN MASBATE DANGAN AN PEOPLE'S ORGANIZATION NA SAMAHANG MANGINGISDA NG PURO-SINALIKWAY (SAMAPUSI).

AN NASAMBIT NA PROYEKTO SARONG LAKDANG NA MATUNGKOS SA SUSTENABLENG PANGANGATAMAN SA BUNTOD MARINE SANCTUARY. SINABI NI D-E-N-R REGIONAL EXECUTIVE DIRECTOR JOSELIN MARCUS FRAGADA NA AN SIRING NA PROYEKTONG ECO-TOURISM MABAYABAY KAN SUSTENABLENG PAGGAMIT KAN BAHURA O SANTUARIO, DULO NA TA AN BUNTOD MARINE SANCTUARY NAKABUGTAK SA IKA-DUWANG PWESTO BILANG PINAKA-NAIINAT NA BAHURA SOSOG SA BROAD-SCALE SAKA LOCAL-SCALE FACTORS.

IPINAHAYAG MAN KAN MGA BIOLOGIST NA NA-ATANGAN SA PAGHIMO KAN PROYEKTO NA AN PAGBISITA SA BUNTOD MARINE SANCTUARY BAKO SANA MANONGOD SA PAGKARIGOS SA DAGAT BUDA PICNIC, KUNDI DAPIT MAN SA PAGDISKUBRE, PAG-AARAM SAGKOD PAG-APRESYAR SA MARINE BIODIVERSITY O BUHAY-ILANG SA KADAGATAN.

AN MGA PWEDENG AKTIBIDAD NA GIBUHON SA NAUNAMBITANG SANTUARIO IYO AN PAGLALANGOY, SNORKELING O PAGSISID, PAGLULUNAD SA BAROTO DANGAN PAGTATANOM NIN BAKAWAN.

AN BUNTOD MARINE SANCTUARY MATUTUPARAN SA SULNUPAN NA LADO KAN BRGY. NURSERY, SYUDAD NIN MASBATE. INI SARONG BAHURA NA MAY RAROM NA MAABOT SA 10 METROS SAKA DIIT-DIIT NA MARUKBURUKAN NA SUNDO SA 30 PIYE, MAY SAKOP NA 20 EKTARYAS (ha) NA CORE ZONE DANGAN 100 ha NA BUFFER ZONE. (Ruby Mendones, DENR/PIA Sorsogon)