Thursday, June 3, 2010

CASTILLA STEPS UP HARDENED CHICK VENTURE

NEWS RELEASE

SORSOGON CITY (June 2) – The Sorsogon State College (SSC) has proposed a 300-hen level Hardened Chick Production Enterprise which aims to meet the increasing demand of genetically raised for its meat and eggs and provides students and newly graduates additional knowledge on the establishment and management of the enterprise.

SSC President Antonio Fuentes said that the project has a total capital requirement of Php 606,350.41, seventy-nine percent of which (or Php 481,800.00) was financed by the Bicol University Equity Fund and the rest of the 21 percent (or Php125,550.41) came from the SSC Counter-part Fund.

The project is located at the SSC-Castilla Campus at Mayon, Castilla, Sorsogon which is a strategic place for the project operation due to its accessibility to any land transportation.

“The project will maintain 300 hen and 60 rooster breeders for a span of two years and will be replaced every two years,” he added.

The hardened chicks are seventy-five days old, hatched out of the breeders and which maybe artificially or naturally incubated and brooded. Because of the hardening stage, native chickens are prepared for a harsh life and are highly adaptable to conditions such as insufficient feeds, lack of shelter, weather disturbances, and diseases in small farms.

Products such as the hardened chicks are to be marketed three months after the start of operation.

According to Fuentes priority target buyers include selected faculty members, students and graduates of SSC Castilla Campus, and farmer clients and linkages implementing the agricultural development program in their localities.

“Some of the products will also be allocated for the establishment and operation of native chicken for meat and eggs production of the campus administration. Participation of students and graduates would be ensured by giving them the opportunity to gain knowledge in managing the project through on-the-job immersion,” he explained.

Fuentes further said that students and graduates who seek alternative sources of income may take into consideration the hardened chick production as their income generating project.

“Following the business plan, the project is recommended because it is relatively profitable,” he said. (DJMarantal, SSC/PIA Sorsogon)

SORSOGON NAGHAHANDA SA PAGDATING NG LA NIÑA

tagalog News Release

SORSOGON PROVINCE (June 2) – Sa kabila ng naramdamang init ng temperatura at madalang na pagbuhos ng ulan nitong mga nakaraang araw, pinaghahandaan na sa ngayon ng lalawigan ng Sorsogon ang napipintong pagdating ng La Niña sa bansa.

Ayon kay Provincial Public Safety and Disaster Management Office Information Officer Manro Jayco, nasa proseso sila ngayon ng pag-follow-up sa mga previously Disaster Risk Reduction (DRR) trained officials ng mga pamahalaang bayan sa buong lalawigan bilang paghahanda na rin sakaling direktang tamaan ng La Niña ang Sorsogon.

Inihahanda na rin nila diumano ang pagsasailalim sa orientation ng mga bagong mauupong local officials at action officers ng mga Municipal Disaster Coordinating Councils (MDCC) kung sakali man, upang mas maging magagaling at epektibong lider ang mga ito.

"Paiigtingin din namin ang performance ng ating rain gauge monitoring officers partikular sa tatlong aydentipikado at tinututukang flood-prone areas sa lalawigan --- ang Brgy. Incarizan sa Magallanes, Brgy. Cogon sa Irosin at Brgy. Banuang Gurang sa bayan naman ng Donsol,upang maging epektibong magagamit ang mga resultang kanilang makakalap" dagdag pa ni Jayco.

Aktibo na rin, aniya, ang kanilang mga tauhan sa paglilibot sa mga munisipalidad lalo na sa mga konsideradong low-lying, flood prone at coastal areas upang mabigyang babala ang mga DRR leaders dito ukol sa mga epektong idudulot ng tuloy-tuloy na mga pag-uulan sa hinaharap.

Matatandaang ayon sa PAG-ASA, maaaring maramdaman ang sunod-sunod na mga pag-uulan sa buwan ng Hulyo. Bennie A. Recebido, PIA Sorsogon)

Tuesday, June 1, 2010

BFAR NANAWAGAN SA MGA LGUs NA IPATUPAD ANG RA8550

Tagalog News Release

SORSOGON PROVINCE (June 1) – Nanawagan si BFAR Provincial Fisheries Officer Gil Ramos sa mga Local Government Units na mahigpit na ipatupad ang Republic Act 8550 o ang Batas Pampangisdaan ng 1998.

Ayon kay Ramos ilan sa mga suliraning hanggang sa kasalukyan ay hindi pa rin nabibigyang-solusyon ay ang paglabag sa mga ipinagbabawal na gawaing pampangisdaan kung kaya’t umaapela siya sa mga opisyal ng Local Government Units na mahigpit na ipatupad ang batas na sumasaklaw dito.

"Kabilang sa mga ipinagbabawal na gawaing pampangaisdaan ay ang paggamit ng pampasabog, kuryente, superlight, fine meshed net, active gear at muro-ami, pagkuha ng mga puting buhangin, conversion ng mga bakawan, paglabag sa itinakdang dami ng huhulihing lamang-dagat, polusyon sa katubigan, panghuhuli at pag-export ng mga korales at, iba pang mga gawaing makapipinsala sa tirahan at buhay ng mga lamang-dagat," pagbibigay-diin ni Ramos.

Samantala, sinabi ni Ramos na handa ang kanilang tanggapan na magbigay-tulong sa mga LGU sa pamamagitan ng pagpapahiram ng mga model ordinances at pagreview sa mga batas pampangisdaan na nais ipasa ng mga lokal na pamahalaan dito.

"Balak din naming maupo sa sesyon ng mga Sangguniang Bayan at Lungsod upang i-orient ang mga ito at i-review ang mga kaukulang batas na makakatulong upang mapangalagaan ang mga katubigan at programang pampangisdaan ng pamahalaan," pahayag pa niya. (Bennie A. Recebido, PIA Sorsogon)

COLLECTION EFFICIENCY NG BIR SORSOGON PATULOY NA TUMATAAS

Tagalog News Release

SORSOGON PROVINCE (March 31) – Masayang inihayag ni Bureau of Internal Revenue District Officer Arturo Abenoja na nagpapatuloy ang magandang performance ng BIR Sorsogon ukol sa koleksyon ng buwis sa pagpasok nitong 2nd quarter ng taon.

Sinabi ni Abenoja na mas tumataas at maaaring lumampas sa target ang koleksyon nila ng buwis ngayong 2nd quarter kumpara nitong nakaraang 1st quarter at maging sa koleksyon ng BIR noong 2nd quarter ng 2009.

"Nito lamang buwan ng Abril ay mahigit na sa isang milyong piso ang nakokolekta ng BIR Sorsogon. At sakaling bumaba man ang koleksyon nitong Mayo ay kumpyansa pa rin kami na kayang-kayang punan ito ng aming koleksyon noong Abril," pahayag pa ni Abenoja.

Subalit, binigyang-diin niya na malabo na ring bumaba ang koleksyon sa buwan ng Mayo bagkus ay tataas pa ito dahilan sa mga proyektong inihahabol pang maisagawa ng mga lokal na pamahalaan kung saan may mga budget na ring nakalaan at tanging ang pagpapatupad na lamang ang hinihintay.

"Ang pagtaas na ito ng aming koleksyon ay utang namin sa mga mamamayan na sa ngayon ay mas bukas na sa panawagan ng BIR ukol sa tamang pagbabayad ng buwis at paghingi ng resibo sa mga transaksyon nito," ayon pa sa kanya.

Dagdag din niya na base sa kanilang obserbasyon, maging ang mga may negosyo dito ay boluntaryo na ring nagbibigay ng mga resibo sa mga mamimili.

Kaugnay nito, positibo si Abenoja na magiging maganda ang itatakbo ng kanilang koleksyon sa buwis ngayong taon. (Bennie A. Recebido, PIA Sorsogon)

Monday, May 31, 2010

DALAWANG SWINDLER NAARESTO NG SORSOGON PPO

Tagalog News Release

SORSOGON CITY (May 28) – Muling napanatag ang kalooban ng mga residente sa dito matapos na matagumpay na mahuli ng pinagsamang pwersa ng Sorsogon Provincial Public Safety Management Company at Provincial Intelligence Section ng Sorsogon Police Provincial Office ang dalawang suspetsadong swindler na nagsasagawa ng operasyon dito sa lungsod ng Sorsogon.

Sa pamamagitan ng entrapment operations na ginawa ng mga awtoridad sa Capitol Compound, Sorsogon City nitong Miyerkules, May 26, naaresto sina Leo Hernandez Y Equipado, labing-walong taong gulang, binata at residente ng Phase II, Block 18, Lot 2, Seabreeze Homes, Cabid-an, Sorsogon City at si Reynald Patilano Y Detera, labing-siyam na taong gulang, binata at residente ng Garcia Compound, Bibincahan, Sorsogon City dahilan sa paglabag sa Article 315 ng Revised Penal Code.

Ayon kay SPPO Public Information Officer PSupt. Angela Rejano, nakuha sa mga suspetsado ang marked money na ginamit sa entrapment operations at dalawang cellphones na may SIM card na pinaniniwalaang siyang ginagamit ng mga ito sa kanilang transaksyon upang makapambiktima.

Malaki ang naging pasasalamat ng mga pulis sa isang sibilyang kinilalang si Marites Daep ng Sorsogon City dahilan sa agarang pagsumbong nito sa mga awtoridad na naging daan upang agad ding mahuli ang mga salarin.

Kaugnay nito, muling nanawagan ang pulisya sa publiko na tulad ni Daep ay patuloy na makiisa sa mga awtoridad nang sa gayon ay matuldukan na ang mga taong mapagsamantala sa kapwa at iba pang mga krimeng nakakahadlang upang makamit ang katiwasayan at pag-unlad ng lalawigan ng Sorsogon. (PIA Sorsogon/SPPO)

DALAWANG MARICULTURE ZONES SA SORSOGON ISASAILALIM SA REHABILITASYON

Tagalog News Release

SORSOGON PROVINCE (May 27) – Dalawa sa tatlong mariculture zones dito sa lalawigan ng Sorsogon ang isasailalim sa proseso ng rehabilitasyon matapos na masira ito noong pinakahuling bagyong tumama sa probinsya.

"Tiyak na matutuloy na ang rehabilitasyon ng mariculture zone sa lungsod ng Sorsogon at sa bayan ng Magallanes ngayong tapos na rin ang halalan na isa sa mga kadahilanan ng pagkaantala ng pagsasaayos nito," pahayag ni Provincial Fisheries Officer Gil Ramos.

Ayon kay Ramos, patuloy ang pagpupunyagi ng Bureau of Fisheries and Aquatic Resources (BFAR)hindi lamang sa lalawigan ng Sorsogon kundi sa buong rehiyon ng Bikol na matulungan ang mga mangingisdang interesadong pumasok sa fish sea cage culture.

Ang Bicol region ay may anim na mariculture zones kung saan tatlo dito ay nasa lalawigan ng Sorsogon, dalawa sa Camarines Sur at isa sa Masbate.

May kabuuang 1,705 na ektarya, bukas ang nabanggit na mariculture zones at parks sa mga imbestor, korporasyon, kooperatiba at mga indibidwal na nagnanais magkaroon ng magandang kita sa pamamagitan ng fish cage culture.

Matatandaang nasa 500-hectare ang Bacon Mariculture Zone Development and Management Project sa Sogod Bay, Sorsogon City, 300-hectare naman ang Magallanes Mariculture Zone Project na pumapalibot sa Bagatao at Tinacos Island sa bayan ng Magallanes, habang nasa isangdaang ektarya naman ang bagong tayo ngayong taon na mariculture park sa bayan ng Matnog.

"Sa oras na tuluyan nang marehabilitate and dalawang marine zones, tiyak na magiging produktibo din dito ang seaweed farming, aquasilvi-culture at sea ranching ng mga ulang at sea horses, maliban pa sa mga fin fishes," ayon pa kay Ramos.

Aniya, ang pagkakadeklara ng katubigan sa mga lugar na ito bilang mariculture zones at parks ang magbibigay proteksyon at magpapalago ng produksyon ng marine products sa lalawigan. Bennie A. Recebido, PIA Sorsogon)