Friday, April 27, 2012

Saringaya Award ng DENR Bicol bukas na para sa mga nominado

Ni: Bennie A. Recebido

LUNGSOD NG SORSOGON, April 27 (PIA) – Opisyal nang sinimulan ng Department of Environment and Natural Resources (DENR) Bicol ang pagtanggap ng mga nominasyon para sa prestihiyosong Saringaya Award ngayong taon.

Ayon kay DENR Public Relations Officer Ruby Mendones, ang Saringaya Award ay nasa ika-labing dalawang taon na ngayon at ito ay bukas para sa mga industriya, non-government organization (NGO), People’s Organization (PO), Local Government Unit (LGU), asosasyon, ahensya ng pamahalaan, academe at iba pang mga grupo sa buong rehiyon ng Bikol na sumusuporta sa mga programa ng DENR Bicol at nagpapatupad ng mga programang may layuning mapangalagaan, proteksyunan at mapanatili ang kaligtasan ng kapaligiran.

Una nang nagpalabas ng kautusan si DENR Regional Executive Director Joselin Marcus Fragada sa mga sangay o yunit ng ahensya tulad ng mga Line Bureau, sectoral service, Provincial ENR Office, at mga Community ENR Office na pag-aralan ang mga kaukulang nominasyon sa gagawing patimpalak alinsunod sa kani-kanilang mga hurisdiksyon.

Ang Saringaya ay isang katawagang Bikolnon na ang ibig sabihin ay pagtubo, pag-unlad at pagkakaroon ng maayos at magandang kapaligiran na may mga berdeng punong-kahoy at kabundukan kung saan maaaring mabuhay ang mga bio-diversity at nasa balanseng eco-system.

Ang Saringaya Award ay ginagawa tuwing buwan ng Hunyo sa pagdiriwang ng Environment Month, at ang mga mananalo ay makakatanggap ng plake at sertipiko. (BARecebido, PIA Sorsogon)


33 kabahayan biktima ng sunog sa Sorsogon City


Ni: Bennie A. Recebido

LUNGSOD NG SORSOGON, April 27 (PIA) – Tatlumpu’t tatlong mga kabahayan ang naapektuhan kung saan dalawampu’t tatlo ang konsideradong totally damage at sampu ang partially damage matapos ang naganap na sunog kahapon sa Barangay Sirangan, Sorsogon City.

Ayon kay BFP Sorsogon City Fire Marshall SInsp Walter Marcial, 11:15 ng umaga nang magsimula ang sunog na umabot din sa second alarm, pasado ala-una na ng hapon nang ideklarang fire out ito.

Agad namang rumisponde ang mga bumbero mula sa City Central Fire Station, Bacon at Abuyog City Sub-Fire Stations, Gubat at Juban Fire Stations at Filipino-Chinese Volunteer Fire Brigade. Agad ring nakiisa ang Sorsogon City Police sa pangunguna mismo ni City Police Chief PSupt Edgardo Ardales upang maging maayos ang daloy ng trapiko at agad na makapasok ang mga nagrespondeng bumbero. Dumating din sa lugar si Sorsogon Governor Raul R. Lee upang personal na makita ang sitwasyon.

Sa inisyal na imbestigasyon ng Bureau of Fire Protection, nagsimula umano ang sunog sa bahay ng isang kinilalang si Diosdado Paloyo matapos na mag-overheat ang kawad ng kuryente na agad na kumalat dahilan sa gawa sa light materials ang mga kabahayan doon.

Sa kabila ng nangyari, nagpasalamat pa rin si Marcial sa naging pagkakaisa at bayanihan ng mga residente kung saan nag-bucket relay ang mga ito dahilan upang hindi na lumawak pa ang saklaw ng sunog.

Ayon naman kay Sirangan Brgy. Captain Jun Jamisola, patuloy sa ngayon ang kanilang koordinasyon sa mga ahensya ng pamahalaan upang matulungan ang mga biktima ng sunog. Sa ginawang emergency session ng Brgy, Council ng Sirangan, nagpasa na sila ng resoulusyon na magsasaailalim sa state of calamity ng ilang bahagi ng Delgado St. ng Brgy. Sirangan kung saan layunin nitong makapagpalabas kaagad ng pondo upang matulungan ang mga biktima.

Sa kasalukuyan ay pansamantalang nananatili ang mga nabiktima sa ilang mga kamag-anak, sa Brgy Hall ng Sirangan habang ang iba naman ay bumalik sa lugar at nagtayo ng mga kubo habang isinasaproseso pa ang pagtulong upang muling makabangon ang mga ito. Ibabalik din nila umano ang Bayanihan System sa kanilang barangay upang tulungang makapagtayong muli ng kanilang bahay ang mga nabiktima.

Muli namang nagpaalala ang BFP sa publiko na pag-ibayuhin ang pag-iingat laban sa sunog lalo ngayong napakainit ng panahon. (BARecebido)
(View of a portion of Brgy. Sirangan as the fire razed some 33 residents./Photo courtesy of DZMZ-AM Sorsogon:)
 
(Photos courtesy of DZMS-AM, Sorsogon showing the bayanihan spirit of Brgy. Sirangan residents)

Wednesday, April 25, 2012

TESDA SEC. GEN VILLANUEVA’S VISIT TO SORSOGON

(L-R) TESDA Regional Director V Engr. Conrado Bares; League of Municipalities of the Philippines - Sorsogon Chapter President Atty. Manuel Fortes, Jr.; TESDA Sec. Gen. Joel Villanueva; Sorsogon 2nd District Rep. Deogracias Ramos, Jr. and Sorsogon City Mayor Leovic Dioneda during the short program on the occasion of Inauguration and Blessing of TESDA Provincial Office on April 19, 2012 in Sorsogon City.
TESDA Sec. Gen. Joel Villanueva together with (seated L-R) TESDA Regional Director V Engr. Conrado Bares; AKB Partylist Rep. Rodel Batocabe; Sorsogon 2nd District Rep. Deogracias Ramos, Jr.; Sorsogon City Mayor Leovic Dioneda; TESDA Sorsogon Provincial Director Rodolfo Benemerito and League of Municipalities of the Philippines - Sorsogon Chapter President Atty. Manuel Fortes, Jr. together with TESDA Sorsogon staff. Also in the photo is Juban Mayor Jimmy Fragata, taken during Sec. Villanueva’s visit in Sorsogon on April 19, 2012.
During the press conference on April 19, 2012 organized by the provincial government of Sorsogon with TESDA Sec. Gen. Joel Villanueva, Sorsogon Governor Raul Lee, Vice-Gov. Antonio Escudero III, TESDA Regional Director Engr. Conrado Bares and TESDA Sorsogon Provincial Director Rodolfo Benemerito. Aside from the local media, also present were officials from different municipalities as well as key officials from the national government agencies.
Sorsogon City’s Care and Wellness testimonials of successful TESDA “Specialistas” who graduated under the TESDA Specialista Technopreneurship Program. Sorsogon City is also a “Kabalikat Awardee” of TESDA because of its exemplary support in the implementation of TESDA programs.