Monday, April 23, 2012

PNP SORPPO Champion Sa BLR Cup Basketball Tournament



SORSOGON CITY, April 23 – Naging maogma an pagtatapos kan  Championship Game kan duwang team kan mga pulis digdi sa probinsiya nin Sorsogon dahilan ta an mga ini an nangenot sa ginibong Bobet Lee Rodrigueza Cup Inter-Office Basketball Tournament sa pakikisumaro kan Samahang Basketbol Ng Pilipinas Sorsogon Chapter sa Sorsogon Provincial Gymnasium.

An Chamionship game ginibo kan nakaaging aldaw, Abril 13, 2012 na pigkawatan kan selection team hale sa Sorsogon Provincial Police Office (SORPPO) kontra sa team hale sa Sorsogon Provincial Public safety Company (SPPSC).

Naging higpitan ang labanan kan duwang team kan mga PNP kun saen sinda ang nangenot sa walong team hale sa mga manlaen-laen na ahencia de gobyerno digdi sa siyudad nin Sorsogon.

Sa pagtatapos kan laban, nakua an kampeonato kan SOR PPO Team sa score na 88 kontra sa SPPSC sa score na 78. Alagad maski sisay man an nanggana sa duwang team, sinda mga miyembros man guiraray kan mga matitibay magbasketbol na mga pulis digdi sa Sorsogon. (RDPadua, SPPO/PIA Sorsogon)

(PO2 Mike Espena, SPPO/PIA Sorsogon)


No comments: