Saturday, March 31, 2012

WOMEN'S MONTH CELEBRATION 2012



Women’s Month 2012 Planning Meeting. Members of the Provincial Gender Advocacy and Development Council during the planning meeting in preparation for the Women’s Month Celebration 2012, held at the Sorsogon Provincial Management Office in Sorsogon City on February 27, 2012. (BARecebido, PIA Sorsogon)
Women’s Month Radio/TV Guesting. Sangguniang Panlalawigan Board Member and Committee on Women and Children Welfare Chair Rebecca DL Aquino together with Provincial Gender Advocacy and Development Council members were interviewed on TV and radio discussing this year’s Women’s Month Celebration 2012 with the theme: “Women Weathering Climate Change Governance and Accountability: Everyone’s Responsibility.” (BARecebido, PIA Sorsogon)

Women’s Month Celebration 2012 Opening Ceremonies. Provincial Gender Advocacy and Development Council (PGADC) spearheads this year’s Women’s Month Celebration. Women representatives from different agencies and organizations in Sorsogon take photo ops after the Opening Ceremonies on March 1, 2012 held at the Provincial Gymnasium in Sorsogon City. (BARecebido, PIA Sorsogon)

  Women’s Forum. Sangguniang Panlalawigan Board Member and Committee on Women and Children Welfare Chair Rebecca DL Aquino delivers a message during the Women’s Forum in Casiguran town in Sorsogon highlighting the Role of Women in Climate Change Mitigation, looking behind is Casiguran Mayor Ester Hamor. (BARecebido, PIA Sorsogon)

  Women’s Pampering Day. Women had a one of a kind experience and one-day fun where they were treated to a spa, manicure, pedicure, body massage and given inputs on beauty tips and personality development, spearheaded by the Provincial Gender Advocacy and Development Council (PGADC) in partnership with the Technical Educational Skills and Development Authority (TESDA), held at the Governor’s Training Hall, Sorsogon City on March 12, 2012. (BARecebido, PIA Sorsogon)

Tree Planting Activity. The Local Government of Casiguran through it’s Inlagadian Women’s Organization in cooperation with the Provincial Gender Advocacy and Development Council (PGADC) members on a tree planting activity as a way to show women’s concern and mitigation of the effects of climate change, held at Brgy. Inlagadian, Casiguran, Sorsogon on March 16, 2012. (BARecebido, PIA Sorsogon)

Business Forum. Women from across the province participated to the Business Forum spearheaded by the Department of Trade and Industry (DTI) in cooperation with the Provincial Gender Advocacy and Development Council (PGADC) which highlighted business opportunities to augment economic condition of women in Sorsogon held on March 23, 2012 at the Intervida Building, Capitol Compound, Sorsogon City. (BARecebido, PIA Sorsogon)





Thursday, March 29, 2012

54 libong mga kasangkapan naipagkaloob na ng DENR sa mga pampublikong paaralan

Ni: Bennie A. Recebido

LUNGSOD NG SORSOGON, Marso 29 (PIA) –  Umaabot sa 24,563 board feet ng mga nakumpiska nilang kahoy ang ipinagkaloob na ng Department of Environment and Natural Resources  (DENR) sa Departement of Education Regional Office 5 sa pagnanais ng ahensya na masuportahan ang pagpapaayos ng pasilidad ng mga pampublikong paaralan sa rehiyon.

Ang mga pasilidad ay kinabibilangan ng mga upuan, mesa, silya at pati na rin ang mga ginamit sa pagpapayos ng iba pang kagamitan sa paaralan.

Ayon kay DENR regional executive director Joselin Marcus Fragada, apatnapung mga paaralan sa lalawigan ng Albay, Camarines Sur, Catanduanes at Sorsogon ang natulungan na nasabing donasyon mula noong Nobyembre  2011.

Matatandaang una nang inihayag ni DENR Secretary Ramon Paje na aabot na sa 54,303 pirasong kasangkapang kailangan ng mga paaralan ang nagawa mula sa mga hindi dokumentadong troso at kahoy na nakumpiska ng DENR.

Nasa kabuuang 12.06 milyon board feet naman ng mga hindi dokumentadong produkto mula sa kabundukan ang nakumpiska ng DENR kung saan pitong milyon dito ang pinanday at ginawang 48,620 na mga silya, 4,777 na desk,  660 na mesa, 132 na aparador, 98 na upuan at 16 na lagayan ng mga libro. (RMendones, DENR/BAR, PIA Sorsogon)



Mahigpit na seguridad ipinatutupad sa Sorsogon City


Ni: Bennie A. Recebido

LUNGSOD NG SORSOGON, Marso 29 (PIA) – Mahigpit ang seguridad na ipinatutupad ngayon sa Sorsogon City kaugnay ng pagdating ni Senator Antonio Trillanes III at pagbubukas ng isang malaking tindahan dito kung saan may mga artistang inaasahan ding darating.

Pananuhing pandangal si Senator Trillanes sa gagawing commencement exercises ng Sorsogon State College (SSC) alas tres mamayang hapon at inaasahang magkakaroon din ito ng pakikipagtalastasan sa ilang mga taga-media at lider ng lalawigan.

Naging malaki naman ang pasasalamat ng SSC sa pangunguna ni SSC president Dr. Antonio Fuentes maging ng mga mag-aaral at magulang ng paaralan sa pagpayag at pagbibigay panahon ng Senador upang maging keynote speaker sa kanilang college commencement exercises ngayong taon.

Samantala, simula pa kaninang alas-sais ng umaga ay nakapwesto na ang mga kapulisan sa mga istratehikong lugar sa kabisera ng lungsod partikular sa kahabaan ng Magsaysay St. kaugnay ng isinagawang re-routing scheme ng mga behikulong papasok sa Magsaysay St.

Ang pagpapatupad ng re-routing ay kaugnay ng pagbubukas ng isang malaking tindahang sikat sa buong bansa na isa sa mga uukupa sa gusaling mas kilala bilang dating “Shopping Center” ng lungsod.

Ang mga bus at kahalintulad na malalaking behikulong byaheng Southbound ay dapat na dumaan lamang sa Diversion Road. Ang mga traysikel na papuntang East District at dadaan sa Magsaysay St. ay dapat na manatili lamang sa right lane, habang ang mga dyipni ay dadaan sa kalsada ng Brgy. Burabod.

Inaasahan ang pagdagsa ng publiko lalo pa’t may ilang mga kilalang personalidad sa showbiz ang darating upang magpasinaya sa nasabing pagbubukas ng malaking tindahang ito, maliban pa sa ilang mga malalaking paaralan dito na magdaraos din ng kanilang graduation exercises ngayong araw. (BARecebido, PIA Sorsogon)




Wednesday, March 28, 2012

Phivolcs tinukoy ang mga lugar sa Sorsogon na mapanganib sa tsunami, pagiging alerto ng mga residente ipinanawagan nito

Ni: Bennie A. Recebido

LUNGSOD NG SORSOGON, Marso 28 (PIA) – Inabisuhan ng Department of Science and Technology (DOST) sa pamamagitan ng Philippine Institute of Volcanology and Seismology (Phivolcs) ang mga residente sa mga natukoy nilang lugar sa rehiyon ng Bikol na lantad sa panganib ng tsunami na mag-ingat at maging alerto sa pagmasid sa galaw ng karagatang malapit sa kanila kahit sa mga normal na panahon.

Ayon sa pamunuan ng ahensya, ang panganib dala ng alon ng dagat ay nangangailangan ng tinatawag na ‘real-time observation’ at mabilisang pagpapakalat ng impormasyon nang sa gayon ay agad na makapaghanda ang mga maaapektuhang residente.

Sa lalawigan ng Sorsogon, ang mga bayan ng Prieto Diaz, Gubat, Barcelona, Bulusan, Sta Magdalena, Matnog at ang Distrito ng Bacon sa Lugsod ng Sorsogon na matatagpuan sa mga baybayin ng Philippine Sea ang tinukoy ng Phivolcs na mga lugar na lantad sa panganib ng tsunami.

Ang mga kostal na lugar na ito umano ay malapit sa Philippine Trench na siyang pinagmumulan ng mga lindol at tsunami.

Ayon sa Phivolcs, ang lindol na may lakas na intensity 8.1 ay maaaring magdulot ng tatlo hanggang sa anim na metrong taas ng alon na mapanganib sa buhay at ari-arian ng mga residente malapit sa lugar.

Ito umano ang dahilan kung bakit dapat na maging alerto at maging mapagbantay mismong ang mga residente sa galaw ng mga karagatang malapit sa kanilang lugar.

Isinusulong din ngayon ng Phivolcs ang epektibong tsunami warning system na tinatampukan ng “Tsunami Risk and Monitoring in the Philippines” kung saan binubuo ito ng mga sumusunod: dense, real time network ng mga seismic station, real time sea level monitoring network, mabilisan o agarang komunikasyon, tama at maasahang mapa ng panganib at paglilikas at mga mamamayang may sapat na kahandaan at kaalaman.

Ayon pa sa Phivolcs, kung mayroon ng sistemang ito ang bawat komunidad, mas madaling maiiiwas sa mga panganib ang mamamayan, maging ito man ay panganib na dala ng kalikasan o gawa ng tao. (BARecebido, PIA Sorsogon)


Kampanya ng DENR laban sa ilegal na pagtotroso matagumpay

Ni: Bennie A. Recebido

LUNGSOD NG SORSOGON, Marso 28 (PIA) – Simula nang mabuo ang Regional Anti-Illegal Logging Task Force (RAILTF), naging matagumpay na ang kampanya ng DENR laban sa ilegal na pagtotroso.

Ito ang napag-alaman base sa impormasyong inihayag ng Forest Resources Conservation Division (FRCD) ng Forest Management Service (FMS) kung saan noong nakaraang tao ay nakapagtala ito ng 192 operasyon laban sa ilegal na pagtotroso na naging daan upang makumpiska ang aabot sa 476.2253 metro kubiko o 201,812.853 board feet ng produktong mula sa kabundukan. Nagkakahalaga ang lahat ng nakumpiskang kahoy ng P2,531,657.80.

Ayon sa mga tauhan ng FRCD, mula ng maitatag ang RAILTF noong ika-17 ng Mayo, 2011 ay higit pang umigting ang kanilang kampanya laban sa ilegal na pagtotroso kung saan naging katulong na ng DENR ang mga kapulisan, Sandatahang Lakas ng Pilipinas, National Bureau of Investigation, Department of Justice at iba pa..

Sa kasalukuyan ay may siyam na kaso na ang naisampa ng DENR sa korte laban sa mga suspetsadong gumagawa ng ilegal na pagtotroso. (RMendones, DENR/BAR, PIA Sorsogon)