Friday, August 6, 2010

MGA SENIOR CITIZEN NAGPASALAMAT SA PAGPAPATUPAD NG RA 9994

Tagalog News

SORSOGON PROVINCE (August 6) – Muling kinakitaan ng kakaibang sigla ang mga lolo at lola dito sa lalawigan ng Sorsogon matapos na ipatawag ang kanilang mga kinatawan sa isinagawang Stakeholder’s Forum on the Implementing Rules and Regulations of Republic Act No. 9994 noong nakaraang linggo.

Ang RA 9994 o mas kilala bilang ”Expanded Senior Citizens Act of 2010” ay ang batas na mag-iexempt sa mga senior citizens sa 20% expanded value added tax (EVAT) at magbibigay sa kanila ng karagdagan pang mga benepisyo.

Matatandaang sa Senior Citizens Act of 2003, 8% discount lamang ang ibinibigay sa mga senior citizens subalit sa bagong batas ay mas pinalawak pa ito sa pamamagitan ng pagbibigay ng 5% discount sa mga utility services bills tulad ng tubig at kuryente.

Ayon kay Sorsogon Provincial Federation of Senior Citizens Association Ramon Dreu, malaking tulong diumano lalo na sa mga indigent senior citizens ang mga benepisyong nakasaad sa RA 9994 partikular ang tungkol sa mga diskwentong ipapatataw sa kanilang bayarin sa mga pangunahing kunsumo, health services, utility services at iba pang mga serbisyong magbibigay sa kanila ng komportableng pamumuhay.

Aniya, naging magandang balita din sa mga senior citizen na maging sa huling sandali ng kanilang buhay at maging sa kanilang pagtalikod sa mundo ay maari pa ring ma-enjoy ang mga benepisyong ito tulad ng diskwento sa mga funeral parlors.

Subalit binigyang-linaw naman ni Arwin Razo ng Department of Social Welfare and Development Regional Office V na saklaw lamang ng diskwento ang embalsamasyon at kabaong at hindi kasama ang loteng himlayan.

Sinabi ni Dreu na malaki ang pasasalamat ng mga senior citizen sa pamahalaan dahilan sa pagpapahalagang ginagawa nito sa kanila na tunay din namang nararamdaman nila. Bennie A. Recebido, PIA Sorsogon)

WALANG NABUBULOK NA BIGAS SA KANILANG WAREHOUSE AYON SA NFA SORSOGON

Tagalog News

SORSOGON PROVINCE – Inihayag ng pamunuan ng National Food Authority Sorsogon na handa silang magpasiyasat upang patunayan na walang nabubulok na bigas sa kanilang bodega.

Ito ang mariing sinabi ni NFA Provincial Manager Edna De Guzman sa gitna ng kabi-kabilang lumalabas na mga ulat na maraming bodega ng NFA sa bansa ang may mga inuuod at nabubulok na mga istak ng bigas.

Ayon kay De Guzman, handa silang silang sumailalim sa anumang uri ng imbestigasyon upang mapatunayan na walang ilegalidad at manipulasyon sa bigas na nagaganap sa lalawigan.

Inihayag din niya na naidispose nila sa tamang panahon ang lahat ng mga dumating na bigas dito, at mula 2008 hanggang sa kasalukuyan ay wala silang mga ulat o reklamong natanggap mula sa mga konsumidor na nakakuha sila ng mga nabubulok o di kaya’y may amoy na bigas mula sa NFA Sorsogon.

Tiniyak din niya na sapat ang nakaimbak na bigas sa kanilang bodega upang tustusan ang pangangailangan ng mga Sorsoganon hanggang sa susunod na buwan sa kabila ng pagpasok na ng tag-ulan.

Matatandaang sa unang State of the Nation Address ng Pangulong Benigno Aquino ay isiniwalat nito ang ginawang labis na pag-aangkat at pag-iimbak ng bigas sa mga bodega ng NFA, subalit tiniyak ni DeGuzman na hindi kabilang ang NFA Sorsogon sa mga may nabubulok na imbak ng bigas sa mga warehouse.

Matatandaan ding sa paliwanag ni Dir. Edgar Bentulan ng NFA Bicol, sinabi nitong wala sa kamay ng NFA ang pag-aangkat ng bigas sa ibang bansa, bagkus ay dumadaan ito sa isang inter-agency committee kung saan kasapi ang NFA.

Tinatasa ito ng NFA council sa pamumuno ng Department of Agriculture bilang chairman. At ang final approval ay nasa kamay ng mga economic managers na binubuo ng cabinet secretaries. Bennie A. Recebido, PIA Sorsogon)

TRANSPORT SECTOR SA SORSOGON PINULONG

Tagalog News

SORSOGON PROVINCE – Pinulong ng Highway Patrol Group, LTO-Traffic Management Group at Sorsogon City Franchise Committee Chair ang mga nasa sektor ng transportasyon dito sa lungsod ng Sorsogon noong nakaraang Sabado.

Ang matagumpay na pulong ay pinangunahan ni City Councilor at Transport Committee chair Victorino Daria.

Ito may layuning maipakilala sa transport group ang bagong in-charge ng Sorsogon City Franchise Committee at ang pag-award ng mga bagong prangkisa sa mga kolorum na sasakyang nagiging sanhi ng malawakang trapiko sa kabisera ng lungsod at sakit ng ulo ng mga pulis trapiko.

Dumalo sa pulong ang mga kinatawan at pangulo ng mahigit sampung mga transport associations sa lungsod pati na ang mga operators ng bus at van na may byaheng Legazpi-Sorsogon at ilan ding mga kasapi ng media.

Dito ay napag-usapan ang labis na pagdami at patuloy na pagdami pa ng bilang ng mga sasakyang walang prangkisa sa lungsod partikular ang mga trimobile.

Ayon kay Mike Frayna, Sorsogon City Federated Association of Tricycle Operators and Drivers President, umaabot sa 1,700 ang bilang ng mga trysikel na legal na nagbabayad ng buwis sa lungsod, habang umaabot naman sa 400 ang bilang ng mga kolorum na traysikel na patuloy na namamasada, kung kaya’t malaki ang kanilang pasasalamat na sa ngayon ay naaksyunan na ito ng city government.

Tinalakay naman ni LTO-TMG Chief Delfin De Castro ang mga paglabag na maaaring ipataw sa mga drivers at operators ng mga pampasadang sasakyan. Kabilang na ang pagsusuot ng proper outfit at ang pagbababa o pagsasakay ng mga pasahero sa mga loading at unloading zones sa kahabaan ng national highway ng lungsod at ilan pang paglabag sa transportation at traffic rules.

Samantala sa iba pang mga kaganapan dito, epektibo naman kahapon ay mahigpit nang ipinatutupad sa mga drivers dito sa lungsod ang paglalagay ng basurahan at first aid kit sa mga pampasaherong sasakyan.

Ayon kay Daria, layunin nitong mapaigting ang solid waste management campaign ng lungsod. At dapat din aniyang bawat driver ay may mga nakahandang pangunang lunas sa kanilang mga sasakyan na maaaring magamit sa panahon ng emergency.

Umaasa si Daria na sa pamamagitan ng ginawang pulong ay nasagutan ang mga isyung may kaugnayan sa pagpapatupad ng maayos na transport procedures sa Sorsogon City. Bennie A. Recebido, PIA Sorsogon)

FLEXI-TIME PROGRAM SA CITY GOVERNMENT IPINATUTUPAD

Tagalog News

SORSOGON PROVINCE – Ipinatupad na ng lokal na pamahalaan ng Sorsogon City ang kanilang flexi-time o ang six-day, no noon-time break service program sa pitong departamento ng city government simula noong Lunes, August 2.

Ayon kay City Administrator Ireneo Manaois, nais ng pamahalaang panlungsod na mas mapalawak at higit na gawing mabilis at epektibo ang ibinibigay na serbisyo ng kanilang lokal na pamahalaan sa pamamagitan ng pagbubukas ng ilang mga frontline desks ng city government sa oras ng lunch break at maging sa araw ng Sabado.

Kabilang sa mga ito ay ang mga tanggapan ng local civil registrar, assesor, zoning, permit and lincenses, veterinary, agriculture at ang treasurer’s office.

Sinabi ni Manaois na sa pamamagitan ng flexi-time service program ngayon ng pamahalaang panlungsod ay makatitiyak ang kanilang mga kliyente partikular yaong mga week-day workers na maibibigay sa kanila ang serbisyong kinakailangan nila mula alas-sais ng umaga hanggang alas-sais ng hapon, Lunes hanggang Sabado.

Tiniyak din ni Manaois na walang karagdagang gastos sa kaban ng city governemnt ang bagong programang ito sapagkat may special arrangement na ang mga empleyado at hepe ng mga concerned departments at ipinalabas na rin ang memorandum para sa kanilang shifting schedule, two-additional hour service a day at one additional day a week, habang ipapatupad naman sa mga department heads ang 24/7 service basis kung kinakailangan.

Para sa serbisyong ilalaan sa araw ng Sabado, wala din aniyang sasaguting overtime pay ng mga empleyado ang city government sapagkat sa halip na gawin nila ang kanilang Saturday-Sunday regular off ay pinapili na rin ang mga ito kung anong araw sa loob ng linggo nila balak mag-off.

Sinabi rin ni Manaois na bukas ang tanggapan ni Sorsogon City mayor Leovic Dioneda sa anumang mga rekomendasyon at komento ukol sa bagong kalakarang ito at maging sa iba pang mga programang ipinatutupad ng city government. Bennie A. Recebido, PIA Sorsogon)

Wednesday, August 4, 2010

MGA PULIS NAGDONAR NIN DUGO

Bikol News Release

SORSOGON PROVINCE (July 4) - Sa pagtatapos kan 15th Police Community Relations (PCR) Month ngonian na taon, nagkaigwa nin Blood Letting Activity o pagdodonar nin dugo ang mga kapulisan kan Sorsogon Police Provincial Office na akadestino sa manlaen-laen na police stations digdi sa probinsya nin Sorsogon kan Hulyo 30, 2010 na pigkondukta sa Camp Salvador C. Escudero, Sr.

Pinangenotan mismo ni Provincial Director PSSupt Heriberto O. Olitoquit an pagpapakua nin dugo sa naonambitan na aktidad.

Presente an medical staff hale sa Department of Health (DOH) Regional Office V, Sorsogon Provincial asin City Health Office para magfacilitar sa pag-eksamin kan mga nagduronar nin dugo. Nag-abot sa 33 bags na dugo an natipon hale sa mga nagdoronar na pulis.

Katakod pa man ngani kan PCR month, nagkaigwa man nin clean-up drive an mga kapulisan na pigkondukta kan Hulyo 24, 2010 sa Brgy. Balogo, Sorsogon City kaibahan an mga barangay officials kaini, estudyante kan SCCI, Muslim Organization asin mga personahe kan Bureau of Fire Protection.

Nagpasalamat man si Olitoquit sa publiko asin sa mga ahensya de gobierno siring man sa mga eskwelahan sa pakikisumaro ninda sa matrayumpong pagselebrar kan 15th PCR Month 2010. (PSupt Enrique C. Ramos, Sr., SPPO)

RED TIDE UPDATES

SHELLFISH BULLETIN NO. 17
SERIES OF 2010
26 JULY 2010


Based on the latest laboratory results of the Bureau of Fisheries and Aquatic Resources (BFAR) and Local Government Units (LGUs), shellfish collected at Dumanquillas Bay in Zamboanga del Sur; Matarinao Bay in eastern Samar; Murcielagos Bay in Zamboanga del Norte and Misamis Occidental; and Sorsogon Bay in Sorsogon are still positive for Paralytic Shellfish Poisoning that is beyond the regulatory limit.

All types of shellfish and Acetes sp. or alamang gathered from the areas shown above are NOT SAFE for human consumption. Fish, squids, shrimps and crabs are safe for human consumption provided that they are fresh and washed thoroughly, and internal organs such as gills and intestines are removed before cooking. (BFAR/PIA Sorsogon)

LGU-STA. MAGDALENA MULING PAIIGTINGIN ANG KANILANG ‘ZERO WASTE MANAGEMENT PROGRAM’

SORSOGON PROVINCE – Hangad ng lokal na pamahalaan ng Sta. Magdalena sa ilalim ng pamumuno ngayon ng bagong halal na alkalde na si Mayor Alejandro Gamos na muling paigtingin ang pagpapatupad ng kanilang Zero Waste Management Program.

Ayon kay Gamos, ngayong muli siyang nakabalik bilang alkalde ng Sta. Magdalena ay nais niyang tuloy-tuloy nang maipatupad ang programang pangkalinisan ng kanilang bayan.

May mga naihanda na diumanong mga hakbang ang kanilang lokal na pamahalaan sa implementasyon ng Zero Waste Management Program batay na rin sa programa ng pamahalaang nasyunal sa ilalim ng Republic Act 9003 o ang Ecological Solid Waste Management Act of 2000.

Sinabi ni Gamos na sa kasalukuyan ay kumpleto na sa kaukulang mga ’flyers’ ang Sta. Magdalena na naglalaman ng wastong kaparaanan para sa pagpapatupad ng programang pangkalinisan kung saan layon nitong gawin ang Sta. Magdalena bilang isa sa mga pinakamalilinis na bayan sa bansa.

Idinagdag pa ng alkalde na kung talagang masusunod ang mga hakbang na nakasaad sa flyers ay hindi na nila kailangan pa ng common area o open dumpsite na pagtatapunan ng mga basura o sapagkat mismong sa kabahayanan pa lamang ay napamamahalaan na ng mga residente ng maayos ang kani-kanilang mga basura o yaong tinatawag na waste segregation at source.

Maaari na rin diumano nilang magamit sa naturang programa ang shredding machine na hindi ginamit ng nakaraang administrasyon kung saan ginigiling nito ang mga basura upang gawing natural na abono.

Sa pamamagitan nito ayon pa sa alkalde ay matutulungan pa ng mga residente na mapangalagaan ang kalikasan sa pamamagitan ng pagbawas sa epektong dulot ng global warming.

May mga tao na rin siya diumanong naglilibot sa mga bahay-bahay sa Poblacion upang magpaabot ng impormasyon hinggil sa waste segregation.

Umaasa si Gamos na muling susuportahan ng kanyang mga kababayan sa Sta. Magdalena ang higit na mahigpit na pagpapatupad ngayon ng kanilang zero waste management program.

PSMEDC NAGKAROON NG REORGANISASYON

SORSOGON PROVINCE – Sa pag-upo ng mga bagong halal na chairperson at co-chairpersons ng Provincial Micro, Small and Medium Enterprise Development Council (PMSMEDC) at sa pagbibigay prayoridad ng national government sa mga Micro, Small and Medium Enterprises, ayon na rin sa SONA ng Pangulo noong Lunes, nananatiling positibo ang Department of Trade and Industry (DTI) na lalaki pa ang bilang ng mga Sorsoganong sasapi at mas dadami pa ang mga local entrepreneurs na sasabak sa mga trade fairs hindi lamang dito sa loob ng bansa kundi maging sa labas ng Pilipinas.

Sa isinagawang reorganisasyon noong July 22, Provincial MSMEDC chair si Sorsogon Governor Raul R. Lee, co-chair si Zita Hababag, may-ari ng Sorsogon Iceplant habang magsisilbing alternate co-chair naman si Ryan Detera ng Tia Berning’s Pili Candies.

May kanya-kanyang representasyon naman sa PMSMEDC ang Sorsogon pili industry, handicraft, furniture, academe, consumer’s organization, real estate, hardwares, marine at iba pang mga private sectors.

Sa bahagi naman ng mga government line agencies, kabilang ang DILG, DOLE, TESDA, PIA, DA-OPA, DOST, PENRO at Provincial Tourism Office sa mga permanenteng kasapi nito. Habang ang DTI ang siyang tumatayong secretariat.

Ayon kay dating PSMEDC co-chair at icon of Business in Sorsogon Milagros Duana, mananatili pa rin ang kanyang suporta sa PSMED Council lalo pa’t parang pamilya na rin ang turing niya sa konseho dahilan na rin sa tagal ng panahong ginugol nya dito. (2002 – 2010 – tya mila as PSMEDC chair)

Si Duana na isa sa kauna-nahang Halyao awardee sa Sorsogon ay nagsilbing co-chair ng PSMEDC simula pa noong dekada nubenta at ilang mga gobernador na rin sa Sorsogon na naupong chairman ng PSMEDC ang nakasama niya sa loob ng mahabang taon. Bennie A. Recebido, PIA Sorsogon)

MGA SORSOGANON NAGHAYAG NG KANILANG REAKSYON UKOL SA SONA NI P-NOY

Tagalog News

SORSOGON PROVINCE – Satisfactory ang ibinigay na rating ng karamihan sa mga Sorsoganong nakinig at nanood sa kauna-unahang State of the Nation Address o SONA ng Pangunong Noynoy Aquino kahapon.

Ayon sa karamihan ng mga nakapanayam natin, pinakanagustuhan nila ang naging paglalahad ni P-Noy ng mga katiwaliang naganap at maaari pa sanang maganap sa ilang mga ahensya ng pamahalaan. Nagustuhan din ang pagpapalakas ng witness protection program at ng public-private partnerships at ang hamong inilahad ng Pangulo sa sector ng media at ang tungkol sa usapin ng kapayapaan.

Pinuri din ng karamihan ang paggamit ni P-Noy ng wikang Pilipino sa kanyang SONA sapagkat anila’y mas naintindihan ito ng mga ordinaryong tagapakinig.

Subalit, hindi rin naman naiwasang maghayag ng pagkadismaya ang ilang mga kawani ng pamahalaan dito dahilan sa pagiging tahimik ng Pangulo ukol sa mga isyu sa GSIS. Maging ang isyu ng Land Reform ay hindi rin natalakay dahilan upang mag-isip ang ilang mga residente dito na hindi kayang bigyang solusyon o di kaya’y talagang wala ito sa prayoridad ng bagong administrasyon.

Hindi naman kumbinsido ang ilang mga residente dito sa inilahad ng Pangulo ukol sa mga katiwalian ng nakaraang administrasyon, mas naging kapanipaniwala anila ito, kung ito ay nasuportahan ng mas matitibay at konkretong ebidensya.

Dagdag din ng ilan na wala ding specific mechanism ang Truth Commission ng Pangulo at ito diumano’y dodoble lamang sa kapangyarihan at gawain ng Ombudsman. (BARecebido, PIA Sorsogon)

Monday, August 2, 2010

PNP Recruitment Phase 2

Sorsogon Province - Ipinapaalam sa mga kwalipikadong aplikante na nagsisimula na ang pagproseso para sa 2010 Regular Recruitment Program Phase II ng Philippine National Police (PNP).

Kinakailangang magsumite ang mga kwalipikadong aplikante ng application folder kung saan nakapaloob dito ang mga kailangang dokumento tulad ng mga sumusunod:
- PDS (CSC Form 212 [Revised 20050] handwritten Black Ballpen, Birth Certificate [authenticated by NSO], Eligibility [authenticated by NAPOLCOM and PRC RA 6506]};
- Two (2) pieces 2x2 Black and White picture indicating applicant's name [1pc. bust picture, 1pc whole body picture];
- Transcript of Scholastic Records and Diploma [duly authenticated by the School Registrar];
- Clearances from the Barangay, Local Police Station, RTC/MTC/NBI, Medical Certificate issued by the Local Health Office and ECG Result, Fingerprints and handwriting Specimen from NAPOLCOM.

Nakaiskedyul ang Physical Agility Test (PAT) ng mga kwalipikadong aplikante sa Setyembre 14-20, 2010 alas 7:00 ng umaga sa Camp General Simeon A. Ola, Legazpi City. Kinakailangang magsuot ng white-round-neck T-shirt, dark blue shorts, white socks at rubber shoes.

Para sa karagdagan pang impormasyon at mga klaripikasyon, bumisita lamang sa Sorsogon Police Provincial Administration Section Camp Salvador C. Escudero, Sr., Magsaysay St., Sorsogon City. (PSupt Enrique C. Ramos, Sr., Deputy Provincial Director, SPPO)


GENERAL QUALIFICATIONS

1. A citizen of the Philippines;
2. A person of good moral character;
3. Must have passed the psychiatric/psychological, physical, medical and dental, and drug tests to be administered by the PNP Health Service and Crime Lab group or by any NAPOLCOM accredited government hospital for the purpose of determining the appointee's physical and mental health;
4. Must possess a formal baccalaureate degree from a recognized learning institution;
5. Must be eligible in accordance with the standards set by the Commission;
6. Must not have been dishonorably discharged from military employment or an AWOL or dropped from the roll from the PNP service or dismissed for cause from any civilian position in the government;
7. Must have no pending criminal case in any court, including at the Office of the Ombudsman or administrative case if he/she is already an employee of the government;
8. Must not have been convicted by final judgment of an offense or crime involving moral turpitude;
9. Must be at least one meter and sixty-two centimeters (1.62 cm) in height for male and one meter and fifty seven centimeters (1.57m) for female;
10. Must weigh not more or less than five kilograms (5.0kg) from the standard weigh corresponding to his/her height, age and sex; and
11. Must not be less than twenty-one (21) nor more than thirty (30) years of age;.

An applicant shall be considered to be 21 years of age on his/her 21st birth date and shall be considered more than thirty (30) years of age on his/her 31st birth date.

TABLE OF CONTENTS (FOR PO1 RECRUITS)

- PDS (CSC Form 212 [Revised 20050] handwritten Black Ballpen - "A"
- Birth Certificate [authenticated by NSO] - "B"
- Eligibility [authenticated by NAPOLCOM and PRC RA 6506] - "C"
- Two (2) pieces 2x2 Black and White picture indicating
applicant's name
a - 1pc. bust picture
b - 1pc whole body picture - "D"
- Transcript of Scholastic Records and Diploma
[duly authenticated by the School Registrar] - "E"
- Clearances from the Brgy, Local Police Station, RTC/MTC/NBI - "F"
- Medical Certificate issued by the Local Health Office
and ECG Result - "G"
- Fingerprints and handwriting Specimen from NAPOLCOM - "H"
Note: Submit one (1) white folder for initial screening with white tabbing.