Wednesday, August 4, 2010

MGA PULIS NAGDONAR NIN DUGO

Bikol News Release

SORSOGON PROVINCE (July 4) - Sa pagtatapos kan 15th Police Community Relations (PCR) Month ngonian na taon, nagkaigwa nin Blood Letting Activity o pagdodonar nin dugo ang mga kapulisan kan Sorsogon Police Provincial Office na akadestino sa manlaen-laen na police stations digdi sa probinsya nin Sorsogon kan Hulyo 30, 2010 na pigkondukta sa Camp Salvador C. Escudero, Sr.

Pinangenotan mismo ni Provincial Director PSSupt Heriberto O. Olitoquit an pagpapakua nin dugo sa naonambitan na aktidad.

Presente an medical staff hale sa Department of Health (DOH) Regional Office V, Sorsogon Provincial asin City Health Office para magfacilitar sa pag-eksamin kan mga nagduronar nin dugo. Nag-abot sa 33 bags na dugo an natipon hale sa mga nagdoronar na pulis.

Katakod pa man ngani kan PCR month, nagkaigwa man nin clean-up drive an mga kapulisan na pigkondukta kan Hulyo 24, 2010 sa Brgy. Balogo, Sorsogon City kaibahan an mga barangay officials kaini, estudyante kan SCCI, Muslim Organization asin mga personahe kan Bureau of Fire Protection.

Nagpasalamat man si Olitoquit sa publiko asin sa mga ahensya de gobierno siring man sa mga eskwelahan sa pakikisumaro ninda sa matrayumpong pagselebrar kan 15th PCR Month 2010. (PSupt Enrique C. Ramos, Sr., SPPO)

No comments: