Friday, July 16, 2010

DENR plants trees in 8000 hectares of Bicol River Basin area

News Release

LEGAZPI CITY (July 16) – A TOTAL OF 8,097 hectares within the Bicol River Basin and Watershed Management Project (BRBWMP) site have been planted with trees as of June this year.

As gathered from a progress report prepared by the Department of Environment and Natural Resources regional office here, of the 8.097hectares, 5430 hectares are under upland reforestation, 1906 hectares are under assisted natural regeneration (ANR), and 761 hectares are in agroforestry areas.

The DENR is one of four agencies involved in the implementation of the BRBWMP. It takes charge of the watershed management and development (WMP) component of the project.

Under the WMD component, there are two sub-components, namely, plantation and infrastructure.

The major project/activities under plantation are upland reforestation, assisted natural regeneration and agroforestry; and under infrastructure, the activities are construction of Gabion/checkdam, eco-block and small water impounding system (SWIS).

The DENR report also stated that of the 5,430 hectares planted under upland reforestation, 4,380 hectares are in Camarines Sur, 540 hectares are in Camarines Norte, and 510 hectares are in Albay. Under ANR, 1,034 hectares are in Camarines Sur, 631 hectares are in Camarines Norte, and 241 hectares are in Albay. Under agroforestry, 555 hectares are in Camarines Sur, and 206 hectares are in Camarines Norte.

All the projects funded by the budget released in CY 2007 and which started in CY 2008 were reported “completed and turned over”; while those projects funded by subsequent budget released in CY 2008 and CY 2009, were described as either “on-going protection and maintenance” or “completed or turn-over,” the DENR report further stated.

Other watershed management and development component accomplishments were as follows: stabilization of 111 kilometers of riverbanks, plantation maintenance of 650 hectares, rehabilitation of 48 hectares of mangrove, and construction of 2935 cubic meters of Gabion/checkdam, 2699 linear meter of ecoblocks, and eleven (11) units of small water impounding system (SWIS).

The BRBWMP-watershed management and development component progress report, signed by Regional Executive Director Joselin Marcus Fragada, showed hundreds of millions of pesos had been released for the project activities. (ASA, DENR V)

PAROLE AND PROBATION OFFICE NAGDIWANG NG KANILANG IKA-34TH ANNIVERSARY

Tagalog News Release

SORSOGON CITY – Samantala, naging mabunga naman ang ginawang pagdiriwang ng mga tauhan ng Parole and Probation Office dito kasama ng kanilang mga volunteers at mga parolado ag kanilang ika-34th anniversary ngayong taon.

Ang pagdiriwang ay tinampukan ng isang tree planting activity sa isang site ng Energy Development Corporation kung saan sa patnubay ng mga tauhan ng EDC, PPO at PNP ay nakapagtanim ang mga ito ng dalawang-daan at walumpong narra at mahogany seedlings na sa hinaharap ay magiging mabisang pananggalang tungo sa higit pang pag-init ng panahon at pagdating ng mga sakuna.

Ayon sa mga parolado, sa pamamagitan ng pagbibigay sa kanila ng oportunidad na muling mabuhay ng normal habang nakikisalamuha sa komunidad at makatulong sa pangangalaga ng kalikasan, higit nilang nabibigyang halaga at naitutuwid ang kanilang landas tungo sa pagiging makabuluhan at kapaki-pakinabang na mga mamamayan. (Bennie A. Recebido, PIA Sorsogon)

Tuesday, July 13, 2010

BFAR MULING NAGPAALALA SA PUBLIKO NA MAG-INGAT SA PARALYTIC SHELLFISH POISONING

Tagalog News Release

SORSOGON PROVINCE (July 13) – Patuloy ang paalala ngayon ng Bureau of Fisheries and Aquatic Resources sa publiko na mag-ingat sa paralytic shellfish poisoning dala ng red tide.

Ito ay matapos na muling maging positibo sa red tide toxin ang look ng Sorsogon ayon sa pinakahuling pag-aaral ng BFAR nito lamang nakaraang linggo.

Mataandaang una nang idineklarang negatibo sa paralytic shellfish poisoning ang ilang lamang-dagat sa look ng Sorsogon noong Marso ngayong taon subalit makalipas lamang ang halos ay apat na buwan ay muli itong naging positibo matapos na makapagtala ng mas mataas na toxicity level sa bilang na 86 microgram kumpara sa tolerable limit nito na 60 microgram per 100 grams of shellfish meat.

Sa mga nakaraang panayam naman kay BFAR OIC Provincial Fisheries Officer sinabi nitong hindi nakapagtatakang muling bumalik ang red tide phenomenon sa Sorsogon Bay dahilan sa mga biglaang pagbabago ng panahon ngayon. Maliban pa aniya sa katotohanang kapag nakontamina na ng organismo ng red tide ang isang katubigan malaki na ang posibilidad na paulit-ulit itong magiging positibo sa PSP.

Naghayag naman ng pagkadismaya ang mga residenteng nanginginabang sa industriya ng shellfish dito matapos na ideklarang muli ang shellfish ban sa buong lalawigan.

Ayon sa ilang mga residente malaking dagok na naman ito sa kanila lalo doon sa mga naglagay muli ng mga tahungan at ngayong nagsisimula pa naman sana silang makabangon mula sa malaking pagkakalugi simula nang ipatupad ang ban noong 2006. (Bennie A. Recebido, PIA Sorsogon)

MAHIGIT 3,000 SORSOGANON NANGINABANG SA TULONG MEDIKAL NG BICOL CLINIC FOUNDATION

Tagalog News

SORSOGON PROVINCE (July 13)– Malaki ang naging pasasalamat ng mga Sorsoganong nanginabang sa tulong medikal na inihandog ng Bicol Clinic Foundation nitong nakaraang buwan ng Mayo hanggang noong Biyernes, July 4.

Ayon sa ilang mga naging pasyente, nagagalak silang nabigyang pansin ang kalusugan ng mga mahihirap na residente sa pamamagitan ng medical mission na taunang isinasagawa dito ng mga dayuhang doktor.

Ayon naman kay James Fishelson, Vice President ng Bicol Clinic Foundation, dalawampu’t-dalawang mga dayuhang doktor na may kanya-kanyang field of specialization ang namalagi dito sa lungsod kung saan sinuri at ginamot nito ang halos isangdaa’t tatlumpong mga pasyenteng dumadayo sa kanilang klinika araw-araw.

Aniya, halos ay anim na taon na ring dumadayo ang mga american volunteer doctors na ito dito kung saan ginagamot nila ng libre ang anumang uring sakit na idinudulog sa kanila, mula minor hanggang serious cases.

Sinabi pa ni Fishelson na general outpatient care ang ibinibigay na serbisyo ng kanilang klinika sa Buenavista, Brgy. Rizal, Sorsogon City, ngunit, mayroon din aniya silang surgery, pre-natal at iba pang mga laboratory services, depende sa pangangailangan ng pasyente.

At kung sakaling hindi nila makaya dahilan sa kulang pa rin sila ng mga aparatus, nirerefer nila ang pasyente sa mga akreditadong ospital at nagbibigay din sila ng tulong pinansyal sa mga ito.

Ayon pa kay Fishelson, hangga’t may nakikita pa silang mga pasyenteng dapat na tulungan ay magpapatuloy ang gawain nila ng panggagamot. Ito aniya ang misyon ng kanilang foundation sa pangunguna ng kanilang founder at chairman na si Dr. Mich Schuster at ng Pilipinong kabiyak nito na si Marites Lacsa-Schuster na tubong Bulan, Sorsogon.

Sa kabuuang bilang ay umabot din sa mahigit tatlong libong mga pasyente ang natulungan sa loob ng halos ay dalawang buwang pamamalagi nila dito kung saan nakapagrefer din sila ng pasyente for kidney transplantation at nakapanggamot ng seryosong kaso ng tubercolusis with parasites.

Sa ngayon ay may dalawampung doctor specialists ang Bicol Clinic Foundation, maliban pa sa midwife, registered nurse at permanent staff na nakaditine sa kanilang klinika mula Lunes hanggang Sabado.

Patuloy din diumano ang kanilang koordinasyon sa city at provincial-LGU at maging sa Sorsogon Provincial Health Office upang higit pang mapataas ang kalidad ng kanilang serbisyong pangkalusugan sa mga Sorsoganon.

Balak din ng Bicol Clinic Foundation na bigyan ng personal hygiene activities at lecture ang kanilang mga pasyente at gawing full-grown hospital sa hinaharap ang kanilang klinika.

Dagdag pa ni Fishelson na nais din nilang ganyakin ang mga kabataan sa Amerika at maging dito sa Pilipinas na makibahagi sa pagtulong sa kapwa at kung maaari ay simulan na ito habang bata mga pa sila. (Bennie A. Recebido, PIA Sorsogon)

DAR-SORSOGON PINAGAGANDA PA ANG SERBISYO SA PUBLIKO

Tagalog News Release

SORSOGON PROVINCE – Upang matulungan ang mga mag-aaral at mananaliksik sa kanilang mga pag-aaral, inilunsad ng Department of Agrarian Reform Sorsogon ang kanilang bagong website, ang www.dar.gov.ph/sorsogon.

Ayon kay Provincial Agrarian Reform Officer Roseller Olayres, sa pamamagitan ng bagong gawang website ng DAR Sorsogon, hindi na kailangan pang dumayo ng mga mag-aaral sa kanilang tanggapan sa Brgy. Balogo, Sorsogon City upang kumuha ng mga impormasyon at magresearch sapagkat maaari na nilang makita ang hinahanap nila sa internet. Ito rin aniya ang kanilang kasagutan sa mabilis na pagbabago ng teknolohiya ng makabagong henerasyon.

Sinabi ni Olayres na ilan sa mga datos na makikita dito ay ang kasaysayan ng DAR Sorsogon, ang organizational structure at provincial officers nito, accomplishment reports ng tanggapan at ang tatlong major components ng Comprehensive Agrarian Reform Program.

Makikita din ang DAR Ladies Association; Gender and Development; Human Resource Development; DAR Employees Association; President Diosdado Macapagal Agrarian Scholarship Program; Foreign Assisted Projects; mga kwento ng Agrarian Reform Beneficiaries; mga balita ng DAR at marami pang ibang idadagdag sa mga darating na araw.

Ayon pa kay Olayres maging sa mga kasapi ng media ay magiging madali na rin ang pagkalap ng mga impormasyon at pinakahuling balita sa pamamagitan ng news corner ng kanilang website.

Maging ang mga kasaysayan ng pagsisikap ng mga magsasaka na malabanan ang kahirapan ay maaari ding mabasa doon.

Sakali din aniyang may mga reaksyon o katanungan ay maaaring ipadala ang kanilang mensahe sa pamamagitan ng email address na nakalagay sa website at tinitiyak ng kanilang web team na makararating at sasagutan ito ng mga kinauukulan.

Sumailalim na rin sa review at assessment ang ang kanilang website kung kaya’t tiniyak ni Olayres na makapagbibigay ito ng komprehensibo at napapanahong impormasyon sa sinumang mangangailangan nito. (PIA Sorsogon/ ulat mula sa DAR Sorsogon)

Monday, July 12, 2010

SORSOGON BAY POSITIBO NA NAMAN SA RED TIDE

tagalog News Release

SORSOGON CITY (July 12) – Matapos ang ilang buwan ng pamamahinga ng red tide sa Sorsogon Bay, muli na namang naging positibo sa paralytic shellfish poisoning ang mga shellfish na makukuha sa look ng Sorsogon dahilan sa red tide.

Ayon sa pinakahuling update ng BFAR na nakasaad sa Shellfish Bulletin N0. 15 na may petsang July 8, 2010, muli na namang naging positibo sa redtide toxin ang Sorsogon Bay ditto sa lungsod ng Sorsogon batay na rin sa tatlong magkakasunod na resulta ng kanilang pagsusuri.

Kaugnay nito muling ipinagbabawal ang pagkuha, pagbibyahe at pagkain ng mga shellfish partikular ang tahong mula sa katubigan ng Sorsogon Bay.

Samantala, nananatili namang positibo sa paralytic shellfish poisoning ang mga sumusunod na katubigan sa bansa: Dumanquillas Bay sa Zamboanga del Sur; Bislig Bay sa Bislig City, Surigao del Sur; Matarinao Bay sa Eastern Samar; at Murcielagos Bay sa Zamboanga del Norte at Misamis Occidental. (Bennie A. Recebido, PIA Sorsogon)