LEGAZPI CITY – TANGANING MATUNGKUSAN AN TRANSPARENCY O PAGIGIN LANTAD SAGKOD ACCOUNTABILITY O PAGKAKAIGWA NIN
PANINIMBAGAN SA ALOKASYON SAKA PAGGAMIT KAN FUNDO, AN DEPARTMENT OF ENVIRONMENT
AND NATURAL RESOURCES O D-E-N-R AN NAGSAGIBO NIN KONSULTASYON KAN NAKAAGING
LUNES, JULY 16, 2012, PARA SA 23.6 BILYONES PESOS NA PROPUESTONG BUDGET PARA SA TAON 2013.
AN D-E-N-R NAKIPAG-OLAY SA ALTERNATIVE
BUDGET INITIATIVE - ENVIRONMENT CLUSTER (ABI-EC) KAN SOCIAL WATCH PHILIPPINES
(S-W-P) - SARONG DAKULANG GRUPO NIN MANLAEN-LAEN NA SEKTOR PANSOCIEDAD NA
NAGBUBUSOL NIN SOCIAL DEVELOPMENT O
PAG-USWAG SA SOCIEDAD SA PAAGI NIN REPORMA SA BUDGET.
SINABI NI ENVIRONMENT SEC. RAMON PAJE NA AN
NAUNAMBITANG KONSULTASYON SOSOG MAN SA BUDGET PARTNERSHIP AGREEMENT O B-P-A
ENTRO KAN D-E-N-R BUDA ABI-EC NA MAY KATOYOHANG SOYSOYON AN MGA SUHESTYON BUDA
REKOMENDASYON PARA SA PAGHIMO NIN CONSENSUS
O PAGKAKASINABUTAN PARA DULONG MAPAKARHAY AN ALOKASYON SA FUNDO KAN SEKTOR KAN
KAPALIBUTAN ASIN RECURSOS NATURAL.
IPIGPALIWANAG NI SEC. PAJE NA AN
KONSULTASYON SA FUNDO ENTRI KAN MANLAEN-LAEN NA SECTOR BILANG PAG-OTOB MAN SA SOCIAL CONTRACT NI PRES. AQUINO SA MGA
NAMAMANWAAN NA IPASUNOD AN KOMPREHENSIBONG PUBLIC
FINANCE SAKA REPORMA SA BUDGET SA
PAAGI NIN MAHIWASANG PARTISIPASYON NIN MGA SYUDADANO SA MGA INISYATIBA SA TRANSPARENCY ASIN ACCOUNTABILITY SA PAGHIHIMO DANGAN PAGGAMIT KAN NATIONAL BUDGET.
SINABI PA NI PAJE NA AN PIGSASARIGAN KAN
SIRING NA INISYATIBA IYO AN EXECUTIVE ORDER NO. 43 NI PNOY NA NAG-EENGANYAR KAN
PARTISIPASYON NIN MGA NAMAMANWAAN SA PAGPALAKAW KAN GOBYERNO DULO NA AN
EPEKTIBO DANGAN LANTAD NA PAGHIMO SAKA PAGGAMIT NIN FUNDO KAN GOBYERNO.
COMPUESTO AN ABI-EC NIN MGA GRUPO AROG KAN
ECOWASTE COALITION, PHIL. RURAL RECONSTRUCTION MOVEMENT, HARIBON FOUNDATION,
AKSYON KLIMA, PARTNERSHIP FOR CLEAN AIR, SIBOL NG AGHAM AT TEKNOLOHIYA, BUDA AN
INSTITUTE FOR CLIMATE AND SUSTAINABLE CITIES. (Ruby Mendones, OIC RPAO (052)
482-0857, rpaobicol@gmail.com/ PIA Sorsogon)
No comments:
Post a Comment