Healthy Lifestyle, patuloy na ipinanawagan ng PHO

Ni: Bennie A. Recebido

Sorsogon City, August 18 (PIA) – Sa kabila ng iba’t-ibang mga inilunsad na healthy lifestyle activities ng Department of Health (DOH) sa pamamagitan ng Provincial Health Office (PHO) ng Sorsogon, patuloy pa rin ang paalala ng PHO sa publiko na sundin at gawin ang Healthy Lifestyle tips.

Ayon kay Vivian Paguio, Health Education Promotion Officer ng PHO dapat na maging maingat lagi ang mga mamamayan at mantinihin ang healthy lifestyle o malusog na uri ng pamumuhay.

Sa tala ng Provincial Health Office sa mga di nakakahawang sakit, kabilang ang Urinary Track Infection (UTI) at Hypertension sa sampung pangunahing sakit ng mga Sorsoganon habang ang Cardio Vascular Disease, Cancer, Bronchial Asthma, Diabetes at Renal Disease naman ang pangunahing sanhi ng kamatayan dito. Aniya, ang mga ito ay pawang healthy lifestyle diseases na maari pa ring maiwasan ng isang tao.

Aniya ang Healthy Lifestyle ay ang pagpapatupad ng mga kaugalian na makakabuti sa kalusugan at pag-iwas sa mga gawaing makakasama sa katawan at kaisipan. Dapat din diumanong gawin ang Healthy Lifestyle simula pagkabata hanggang sa pagtanda.

Ayon kay Paguio, makakatulong kung gumagalaw at regular na mag-eehersisyo, kumain ng healthy diet araw-araw, susubaybayan ang pagtaas ng timbang, iiwasan ang paninigarilyo at mga tension at pagkakaroon ng stress.

Sinabi pa ni Paguio na mabisa din kung regular na magpacheck-up sa doctor o health worker kahit pa walang masamang nararamdaman, at dapat umanong maging matiyaga sapagkat nakasalalay sa personal na disiplina at determinasyon ang pagiging malusog ng isang indibidwal. (PIA Sorsogon)

Sorsogon City presents MRF facility and Eco Park plans, Sen. Escudero and DENR Sec. Paje vow assistance for its implementation

by: Irma A. Guhit

SORSOGON CITY, AUGUST 15 (PIA).....Two high ranking officials of the national government were the key signatories to the Memorandum of Agreement of the City of Sorsogon to implement its Material Recovery Facility and the putting up of the Sorsogon City Eco Park.

Sorsogon City Mayor Leovic R Dioneda welcomed Senator Francis Joseph ‘Chiz’ G. Escudero and Secretary Ramon Paje of the Department of Environment and Natural Resources, last Saturday here during the presentation of the Material Recovery Facility and Eco Park plans of the local government of the City of Sorsogon.

"These two projects are my brainchild in order to fully implement the Solid Waste Management Program of the city government and to significantly answer to the global call of Climate Change mitigation and adaptation", Mayor Dioneda  said in his message.

He said that the putting up of the MRF and the proposed Sorsogon Eco Park were finally formalized when Senator Chiz Escudero committed to assist in its implementation by providing funding allocation in tandem with the technical assistance to be provided by the DENR through Sec. Paje.

The presentation of the plan with its site development, the processes and the personnel structure component and on how it will be in operation were contained in the MOA and the two representatives from the 1st and 2nd districts of Sorsogon, Congressmen Salvador H. Escudero III and Diogracias B. Ramos respectively were witnesses to the signing with the intention of also providing all the needed assistance to the city.

"We would like to laud the city government through its efforts to come up with the needed programs especially here in the city as an answer to Global Warming and Climate Change. Rest assured that through my office, we will be supporting the city and Mayor Dioneda in this program" Senator Chiz Escudero said.

Meanwhile, Secretaty Paje said that with the solid waste management initiatives the city government of Sorsogon is going to do specially in the putting up of the MRF, it will not only answer waste management but also provide additional livelihood through the recyclables and the materials still recovered to be of good use and be saleable, the DENR lauds and supports these kind of undertakings.

A one ton shredder was also turned over to the city government so that the implementation of solid waste management be well accomplished.

Back to back with the MRF is the putting up of the City Eco Park and these two projects according to Mayor Dioneda is complementary.

Waste shredded and turned into organic fertilizers can be used in the putting up of the City Eco Park where some of the indigenous trees found here in the province and the city will be planted.

The MRF will be located at Barangay Buhatan here and hopefully will be started this month.

The occasion was attended by several local chief executives, members of the local media, former Governor Sally Lee representing the governor and DENR Regional Executive Director, RO V, Joselin Marcus Fragada. (PIA-Sorsogon).

Produksyon ng Palay sa Sorsogon bumagsak, Provincial Agriculture office pursigidong maibangon ang produksyon

Ni: Bennie A. Recebido

Sorsogon City, August 16 (PIA) – Dahilan sa pagdaan ng iba’t-ibang mga kalamidad sa Sorsogon, sinabi ni Assistant Provincial Agriculturist Ma. Theresa Destura na bagsak ang produksyon ng palay at bigas sa lalawigan sa nakalipas na anim na buwan ngayong taon.

Ayon kay Destura ang pagbagsak ng produksyon ay resulta hindi lamang ng mga bagyong nagdaan kundi maging ng walang tigil na pag-uulan at naging pag-alburuto ng Bulkang Bulusan noong Pebrero at Mayo na kadalasang nagdala ng epekto sa mga palayan partikular sa mga palayan ng bayan ng Irosin, ang kinukunsiderang rice granary ng Sorsogon.

Maging ang mga palayan at sakahan sa bayan ng Juban ay hindi rin nakaligtas sa mga kalamidad na ito.

Matatandaan ding umabot sa mahigit walong milyon ang nasira sa agrikultura at aabot sa dalawang libong magsasaka sa siyam na mga bayan ang naapektuhan sa Sorsogon matapos dumaan ang pinakahuling bagyong Juaning.

Kaugnay nito, sinisikap ngayon ng tanggapan ng Provincial Agriculturist na maibangon ang produksyon ng palay sa lalawigan at matulungan ang mga magsasaka sa pamamagitan ng pakikipagkawing sa iba’t-ibang mga ahensya ng pamahalaan upang maibalik ang sigla ng industriya ng palay alinsunod na rin sa kautusan ng Pangulong Aquino na gawing rice sufficient ang bansa.

Nakipag-ugnayan na rin sila diumano kay Sorsogon Governor Raul Lee at nagpalabas na rin ito ng kautusan sa mga local government units sa tulong na rin ng pamahalaang probinsyal na maglabas ng pondo mula sa mga calamity fund nito. (PIA Sorsogon)

Stress isa sa mga sanhi ng problemang pangkalusugang dapat iwasan

Ni: Bennie A. Recebido   

Sorsogon City, August 16 (PIA) – Isa ang stress sa mga suliraning pangkalusugan ngayon na kadalasang hindi napapansin ng isang indibidwal sapagkat ang tingin dito ng nakararami ay isang normal na bahagi na ng pang-araw-araw na pamumuhay. Ngunit ito ay isa sa mga pangunahing dapat na maiwasan ng isang tao.

Ayon kay Health Education Promotion Officer ng Sorsogon Provincial Health Office Vivian paguio, normal man na bahagi ng buhay ang stress dapat pa rin itong iwasan dahilan sa kung hindi magiging maayos ang pagharap sa sitwasyon ng buhay, maaaring mauwi sa pagkakaroon ng sari-saring mga problemang pangkalusugan.

Higit na mataas diumano ang potensyal ng pagkakaroon ng stress sa mga manggagawa sa pribado man o pampublikong tanggapan.

Subalit ipinaliwanag din niyang may pagkakataong nakakatulong ang stress kung mahaharap nang maayos sapagkat nagiging hudyat ito upang umisip at gumawa ng mga paraan o bagay na makakabuti para malutas ang isang sitwasyon.

Ayon kay Paguio, ang stress ay maaaring mabuo sa loob ng bahay, sa trabaho at maging sa komunidad na ginagalawan, na kung hindi makokontrol ay maaaring humantong sa alta-presyon o stroke, pagkamainitin at pananakit ng ulo, diarrhea o pagtatae, ulcer, insomnia o di pagkakatulog at depression.

Maari din diumanong maging dahilan ito ng atake sa puso lalo kung walang ‘outlet’ ang isang indibidwal at laging itinatago ang stress.

Kaugnay nito hinikayat ni Paguio ang publiko na labanan ang stress at harapin ang mga problema at tanggapin sa sarili ang mga bagay na hindi na talaga kayang baguhin pa.

Maiiwasan din aniya ito sa pamamagitan ng pagkakaroon ng positibong pag-iisip at magandang pananaw sa buhay, pakikipag-usap sa taong mapapagkatiwalaan, pagrerelax, maayos na pahinga at tulog, pagkakaroon ng tamang diet, pag-iwas sa paninigarilyo at pag-eehersisyo. (PIA Sorsogon)

Ordinansang magbibigay ng accident insurance sa mga mag-aaral sa Pto. Diaz isinusulong

Ni: Bennie A. Recebido

Sorsogon City, August 15 (PIA) – Isang ordinansa ang isinusulong ni Prieto Diaz Municipal Councilor at Committee Chair on Education Ma. Cristina Labastida ukol sa pagbibigay ng accident insurance sa lahat mga mag-aaral sa elementarya sa bayan ng Prieto Diaz.

Ayon kay Labastida, naaalarma siya sa mga batang mag-aaral na nasasangkot sa ilang mga aksidente, lalo na yaong kabilang sa mga hikahos na pamilya na kadalasang hindi nabibigyan ng tamang medikasyon dahilan sa kawalan ng panustos.

Kung kaya’t naisip diumano niyang isulong ang isang ordinansa na magbibigay ng accident insurance hindi lamang sa iilang mga mag-aaral sa Prieto Diaz kundi sa lahat ng mga mag-aaral sa elementarya dooon.

Aniya, mabebenipisyuhan nito ang mga mag-aaral mula grade 1 hanggang grade six, at kahit diumano sa panahon ng bakasyon ay maaari pa ring makabenipisyo ng accident insurance na ito ang mga bata. Dapat lamang na maipaabot agad sa kanilang tanggapan sakaling magkaroon ng aksidente upang agarang maproseso ang benepisyo.

Tiniyak din ni Labastida na walang anumang gastos na sasagutin ang mga magulang dito o ang pamahalaang bayan ng Prieto Diaz sapagkat ang AC Mafers Foundation na nakabase sa Metro Manila ang siyang magiging sponsor ng nasabing insurance.

Sa kasalukuyan, ang mga mag-aaral sa Lupi Elementary School at Bulawan Elementary School pa lamang sa Prieto Diaz ang naitala nila para sa accident insurance habang pinoproseso na rin ang pagtatala pa ng mga mag-aaral sa iba pang mga elementary schools sa nasabing bayan.

Magsisimula na sa susunod na buwan ang pamamahagi ng mga ID na magtitibay na kabilang sila sa mga makakabenipisyo ng nasabing accident insurance. (PIA Sorsogon)

Philhealth Sorsogon pinulong ang local tri-media

Ni: Bennie A. Recebido

Sorsogon City, August 15 (PIA) – Upang higit pang palawakin ang kaalaman ng publiko ukol sa mga mahahalagang detalye ng programa ng Philippine Health (Philhealth) Insurance Company (PHIC) partikular sa mga benepisyong ibinibigay nito, pinulong ng Philhealth Sorsogon Field Office sa pakikipagtulungan nito sa Philippine Information Agency (PIA) Sorsogon ang mga lokal na media mula sa TV, radyo at mga babasahin.

Sa ginawang pulong, sinabi ni Philhealth Sorsogon provincial manager Alfredo Jubilo na kadalasang nagiging dahilan kung bakit may mga Sorsoganon pa ring hindi man lang nakakatuntong o nakatuntong man lang ng ospital sa tanang buhay nila ay hindi lamang dahil sa kahikahusan sa buhay kundi dahil din sa kawalan ng kaalaman ukol sa mga programang pangkalusugan ng pamahalaan.

Kaugnay nito, hiningi ni Jubilo ang tulong ng mga kasapi ng media sa pagpapalawak pa ng kamalayan ng publiko at matulungan din silang maunawaan ng mga ito ang kahalagahan ng pagpapatala sa Philhealth at makahikayat din silang maging kasapi nito.

Tinalakay naman ni Marian Garcia ng Philhealth Sorsogon Membership Department ang mahahalagang detalye ukol sa Philhealth, tulad ng membership, benefits at claims.

Binigyang-linaw din ang ilang mga katanungan ng media kaugnay ng kanilang karanasan o minsa’y suliraning naidudulog sa kanilang tanggapan o istasyon tulad halimbawa ng pagkakaputol ng premium payment ng mga employed at non-employed members, isyu sa confinement sa mga ospital at pagkuha ng claims ng mga naoospital na miyembro at dependents nito.

Samantala, namahagi din sa pulong ng Philhealth Inpatient Benefit Schedule flyers upang higit pang maunawaan ng media at maipaabot din nito sa publiko ang mga benepisyong makukuha ng mga kasapi.

Nangako din ang Philhealth na bibigyan nila ng kopya ang media ng mga listahan ng Philhealth accredited hospital sa Sorsogon at accredited bank at koreo kung saan maaari ding magbayad ng kanilang kontribusyon ang mga kasapi nito. (PIA Sorsogon)