SSS President at CEO bumisita sa Sorsogon

SSS CEO Emilio De Quiros, Jr. (worldfolio.co.uk)

Ni: FBTumalad, Jr.

 

LUNGSOD NG SORSOGON, Pebrero 8 (PIA) – Isa sa mga naging adyenda ng ginawang pagbisita kamakailan sa lunsod ng Sorsogon ni Social Security System President at Chief Executive Officer Emilio De Quiros, Jr. ay ang pagtatasa ng itinayong tanggapang  pag-aari ng SSS sa Brgy. Guinlajon, Sorsogon City at masuri kung accessible ba ito para sa mga kasapi at kliyente nito.

Base sa pag-aaral ni De Quiros, ang anim na kilometrong layo o distansya ng itinayong gusali ng SSS mula sa bisinidad ng lungsod ng Sorsogon ay maaring makaapekto  sa transakyong gagawin ng kanilang mga regular na miyembro lalo na rin umano sa mga matatandang pensioner.

Lumalabas din sa assessment ni De Quiros na talagang may kalayuan ang Guinlajon sa kabisera ng Sorsogon City kung kaya’t  nagdesisyon ito na huwag munang ituloy ang planong paglilipat ng lugar bagkus ay pag-aralan pa kung paaanong mas magiging accessible o di kaya’y maghanap ng  lugar na malapit sa sentro na madaling matukoy ng publiko.

Pinag-aralan na din umano nila ang ilang hinaing ng mga pensioner tulad ng pagtataas ng pension o benepisyo nito.

Sa kaugnay na balita, ipinaliwanang naman ni Alberto Bonafe Jr. Branch Head ng SSS-Sorsogon kung gaano kabagal ang pag-proseso ng mga death claims na ipinapadala nila sa lungsod ng Naga kung saan inaabot ito ng halos ay mahigit isang buwan.

Subalit ngayong binago na ng SSS Central Office ang sistema na lahat ng mga claims ay direkta na nilang ipapadala sa Maynila sa pamamagitan ng internet ay positibo silang mas mapapabilis na ang pagpoproseso ng mga claims.

Sinabi din ni Bonafe sa mga miyembro na hindi na rin sila nag-iisyu ng tseke sa mga pensyonado sapagkat awtomatiko na itong ipinapasok sa kani-kanilang savings account. (FB Tumalad, PIA Sorsogon)

Cash Reward ibibigay sa mga rebeldeng susuko na may dalang armas

LUNGSOD NG SORSOGON, Pebrero 7 (PIA) – Limampung libong piso (P50,000) ang ibibigay na reward ng Philippine Army sa sinumang rebeldeng susuko na may dalang armas.

Ito ang ipinalabas na impormasyon ni 903rd Brigade Commander Colonel Joselito Kakilala bilang bahagi ng programa ng Armed Forces of the Philippines (AFP) at ng “Balik-Baril Program” ng pamahalaang nasyunal.

Kaugnay nito, muling nanawagan si Col Kakilala sa mga tumlikod sa pamahalaan at namundok na magbalik-loob na sa pamahalaan upang mabigyan ng pagkakataon ang kanilang mga sarili na mamuhay ng normal at mapayapa kasama ang kanilang mga mahal sa buhay at maging kapaki-pakinabanang sa komunidad.

Ipinayo din ng opisyal sa mga ito na huwag nang magdalawang-isip pa bagkus ay agad na makipag-ugnayan sa mga opisyal ng barangay o sa 903rd Brigade na nakabase sa Brgy Poblacion, Castilla, Sorsogon, o di kaya’y magtext o tumawag sa hotline number 09998025021 o kaya sa 31stIB na nakabase sa Brgy Juban, Sorsogon na may hotline number 09175581317. (Capt MPPanesa, PA/BARecebido, PIA Sorsogon)

Women’s vote needed for pro-women legislation

MANILA, Feb. 5 -– The establishment of a "women's vote" in the Philippines could push Congress to make more laws favorable to women in the country.

“There is no 'women's vote' in the country despite a huge number of women voters,” said Aida Santos Maranan, co-founder of the women's organization WeDPro.

Maranan was guest during the second episode of the Paghahanda Para Sa Hatol ng Bayan aired over People's Television Network today.

She said there is no women’s vote in the country because women do not vote as a sector. “Legislation would be women-friendly if they did,” Maranan said. This will result in laws that uphold their welfare.

Maranan lamented that candidates -- especially those running for national posts -- have no clear platforms for the advancement of women.

This explains the low number of gender-specific bills filed in the Senate and House of Representatives, she said.

She said gender roles also impact on the political role of women. Based on a study, she said, there are more women running for barangay, rather than city or national, positions. “It is easier for them to get votes from neighbors,” she said. “It would be difficult for them to campaign away from their homes as they need to take care of children.”

A presence of women's vote in the political arena would be easy to recognize, she said. “Political parties will by then know that women voters can make or break them.”

Filipino women have gone a long way since 1937 when the Philippines, then a Commonwealth, granted women the right to vote in a special plebiscite on April 30 that year.

Ninety percent of voters favored the bill in the National Assembly granting women the right to vote and be voted on -- in compliance with the 1935 Constitution.

Since then, the rise of women in Philippine politics may have been, according to political analysts, slow, but the movement has been steady -- many winning their spurs largely in the barangay and town levels.

 

But four years after the 1937 plebiscite, Elisa Rosales Ochoa of Butuan, a licensed nurse, made history for women when she became the first woman to be elected member of the House of Representatives, representing Agusan.

In the national elections on Nov 11, 1947, social worker and educator Geronima Tomelden Pecson of Lingayen, Pangasinan notched another honor for Filipino women when she landed third among eight senators chosen for the Senate.

A full 76 years later, women not only count among the voters but many are now up to be voted on in the different levels of the political ladder -- from the Senate down to the barangay kagawad level. (PNA-Media Ng Bayan)

Comelec, DENR muling nagpaaala sa paglalagay ng campaign paraphernalia at iba pang alituntuning dapat sundin sa Halalan 2013

Ni: Bennie A. Recebido

LUNGSOD NG SORSOGON, Pebrero 7 (PIA) – Sa pagsisimula ng panahon ng kampanya para sa darating na halalan sa Mayo, muling nagpaalala ang Commission on Election (Comelec) sa mismong mga kandidato at suportador nito na mahigpit na sumunod sa mga alituntuning pinaiiral ng Comelec ukol sa paglalagay o pagdidikit ng mga campaign paraphernalia.

Ayon kay Comelec Sorsogon Election Supervisor Atty. Calixto Aquino, may mga itinalagang common poster area na maaaring pagdikitan ng mga campaign paraphernalia at dapat na alam ng mga kandidato at suportador ito.

Maging ang Department of Environment and Natural Resources (DENR) ay nanawagan na iwasan ang pagdidikit ng mga campaign paraphernalia sa kung saan-saan lalo na sa mga kahoy. 

Binigyang-diin ng DENR na ipinagbabawal ng batas ang pagdidikit o pagpapako ng mga campaign posters sa mga puno ng kahoy sa ilalim ng Section 23 ng Comelec Resolution 7767 alinsunod sa itinatakda ng Republic Act 9006 o Fair Election Act.

Ayon pa sa DENR, nadiskubre nila na biglaang tumataas ang bilang ng impeksyon sa mga kahoy lima hanggang anim na buwan matapos ang eleksyon dala ng mga sugat na tinatamo nito sanhi ng mga pako at staple wire.

Maliban sa paglalagay ng mga campaign paraphernalia, may iba pang mga alituntuning dapat sundin at tandaan ang lahat ng sangkot sa gaganaping halalan ngayong Mayo 2013 tulad ng mga sumusunod: pagbibitbit ng lahat ng uri ng armas na nakakamatay at pagtatalaga ng mga security personnel maliban doon sa mga pinahintulutan ng Comelec.

Ipinagbabawal din ang ang pagtatalaga ng mga confidential speial agent, paglikha ng anumang reaction forces, strike forces at ano pa mang puwersa o grupong maaaring magdala ng kaguluhan, pagbabawal sa pagbura ng mga nakatalang presinto, paglikha ng bagong posisyon, pagkuha ng bago at paglilipat ng mga manggagawa sa serbisyo sibil, pagpapagawa ng pampublikong proyekto, at pagtanggap ng mga manggagawa ng mga pamahalaan ng anumang donasyon maging pera man ito o kusang loob na bigay ng sinumang opisyal o kandidato.

Higit sa lahat dapat na igalang ang Huwebes at Biyernes Santo sapagkat ipagbabawal ang pangangampanya sa mga panahong ito.

Magsisimula ang panahon ng kampanya sa darating na Pebrero 12 hanggang Mayo 11, 2013 para sa mga senador at party list group habang Marso 29 hanggang Mayo 11, 2013 para sa mga congressman at mga opisyal ng probinsya, lungsod at munisipyo. (BARecebido, PIA Sorsogon)

PGADC pinaghahandaan na ang pagdiriwang ng Buwan ng Kababaihan

PGADC V-Chair BM Rebecca Aquino presides PGADC-TWG Meeting

Ni: Bennie A. Recebido

LUNGSOD NG SORSOGON, Pebrero 6 (PIA) – Muling nagpulong ang mga kasapi ng Technical Working Group ng Provincial Gender Advocacy and Development Council (PGADC) kaugnay ng mga paghahandang gagawin para sa darating na selebrasyon ng Buwan ng mga Kababaihan sa Marso.

Ayon kay PGADC Vice-Chair at Board Member Rebecca Aquino, taliwas ng mga nakaraang taon, simple lamang ang magiging selebrasyon ng Buwan ng mga Kababaihan ngayong taon dahilan sa dami din ng aktibidad sa buwan ng Marso tulad ng pagsisimula ng panahon ng kampanya ng mga lokal na opisyal, pagkakaroon ng mga graduation exercise at selebrasyon ng Semana Santa.

Kabilang sa mga napag-usapang mga aktibidad ng PGADC sa darating na Marso ay ang pagkakaroon ng banal na misa, Healthy Lifestyle Dance ng mga kababaihan kung saan imbitado din ang mga media at sinumang interesadong Sorsoganon na nais maki-hataw na gaganapin sa Provincial Gymnasium sa Marso a-uno.

Ilan pa sa nakalinyang aktibidad ang pagiging panauhin ng mga kasapi ng PGADC sa “Programang Pangkalusugan” sa radyo sa mga araw ng linggo at pagkakaroon ng Skills Demonstration Contest na pangungunahan ng Department of Trade and Industry (DTI).

The empowered PGADC-TWG members (photo: PGADC)

Nasa huling yugto na rin umano ang ginagawa nilang GAD Profiling partikular ng mga kababaihan sa buong lalawigan kung saan pinupunuan na lamang nila ang mangilan-ngilan na mga kakulangang datos at positibo silang bago matapos ang kasalukuyang taon ay mabubuo na ang GAD Profiling.

Ang GAD Profile ay magagamit na basehan sa pag-alam sa kalagayan at estado ng pamumuhay ng mga kababaihan sa lalawigan ng Sorsogon anumang sektor ang kinabibilangan nito. (BARecebido, PIA Sorsogon)

PRC Million Volunteer Run sa Pebrero 10 na

LUNGSOD NG SORSOGON, Pebrero 5 (PIA) – Patuloy pa rin ang pagtanggap ng Philippine Red Cross (PRC) ng mga nais magparehistro para sa gagawin nilang ikalawang 143 Million Volunteer Run sa darating na ika-10 ng Pebrero, 2013.

Ayon kay PRC Chapter Administrator Salvacion Abotanatin, isa itong istratehiya upang makalikom ng pondo nang sa gayon ay matulungan ang mga sinalanta ng bagyong nagdaan at mabawasan ang trauma at kahirapang dinaranas ng mga ito.

Matatandaang noong 2009, ang Pilipinas ang nanguna sa listahan ng madalas hagupitin ng mga kalamidad tulad ng bagyo, habang pumangatlo naman ito sa nagtamo ng labis na pagkasira ng buhay at ari-arian noong 2010.

Subalit nilinaw ng opisyal na ang gagawing Million Volunteer Run ay hindi lamang basta nakatuon sa paglilikom ng karagdagang pondo para sa PRC, nais din nila umanong maisulong ang pagkakaroon ng malusog na pangangatawan ng mga nagnanais na tumulong sa adbokasiya ng Red Cross.

Matatandaang unang nilang isinagawa ang kahalintulad na aktibidad noong Disyembre 10, 2011 kung saan dinaluhan ito ng mahigit tatlong daang mga kalahok mula sa iba’t-ibang mga tanggapan ng pamahalaan, mga mag-aaral, civic organization at non-government organization.

Inaasahan ng PRC Sorsogon na muling aktibong lalahok ang mga dating sumuporta sa kanila at madadagdagan pa ito ngayong taon.

Ayon pa kay Abotanatin, inorganisa na rin nila at aktibo na ring pinakikilos ang kanilang million volunteer sa ilalim ng 143 program ng Red Cross sa halos ay 42,000 na barangay sa bansa.

Ang mga PRC volunteer na ito ay tinuruan at sinanay upang umiral ang lakas ng loob ng mga ito at mapukaw ang kahandaan at pagtulong sa kapwa sa panahong may mga kalamidad.

Layunin din nilang sa pag-organisa ng PRC volunteer at pagsasagawa ng Million Volunteer Run ay muli nilang mabuhay ang Red Cross First Aiders at mga blood donor sa bawat tahanan, paaralan at komunidad. (BARecebido/FBTumalad, PIA Sorsogon)

Route map of PRC 143 Million Volunteer Run 2013

Kaligtasan ng mga turista sa Donsol nais matiyak ng PTO

Ni: Bennie A. Recebido

LUNGSOD NG SORSOGON, Pebrero (PIA) – Sa muling pagpasok ng Butanding season at sa darating na mahabang bakasyon kaugnay ng selebrasyon ng Mahal na Araw, muling inaasahan ng Provincial Tourism Office (PTO) ang pagdagsa ng mga turista, lokal man o dayuhan, sa bayan ng Donsol upang makapagbakasyon, makita at makasalamuha ang pinakamalaki at pamosong isda sa buong mundo.

Kaugnay nito, nais ng PTO na matiyak na ligtas at lubos na nabigyang kasiyahan ang sinumang dadayong turista dito.

Ayon kay Provincial Tourism Officer Cris Racelis, matapos ang naganap na insidente ng pagkawala ng tatlong maninisid tatlong linggo na ang nakalilipas na kinasangkutan ng dalawang turistang maninisid na Australyano at isang Pilipinong master diver, ilang mga rekomendasyon ang ibinigay ng Provincial Tourism Office upang matiyak na walang mga kapahamakang maaaring maganap sa panahong nagbabakasyon ang mga turista dito.

Sa ulat na ipinasa nito kay Sorsogon Governor Raul R. Lee, sinabi nitong mahigpit nilang inirerekomenda sa may-ari ng mga bangka, sa mga guide at may-ari ng mga resort sa Donsol na mabigyan sila ng kaukulang pagsasanay ng Sorsogon Provincial Disaster Risk Reduction Management Office (SPDRRMO) at ng Philippine Coast Guard (PCG) ukol sa Critical Incident Management System and Emergency Planning at mga protocol na dapat sundin sa panahong may mga emerhensiya upang matiyak ang kaligtasan ng mga turistang dadayo sa Donsol.

Dapat din umanong matasa at mairehistro sa Maritime Industry Authority (Marina) ang mga bangkang ginagamit pangturismo.

Sa mga hindi naiiwasang pagkakataon, dapat na mayroon ding sariling Search and Rescue Team and bayan ng Donsol na may kapasidad na magbigay ng mga serbisyong pang-emerhensiya sa mga dayuhan at lokal na turista.

Para naman umano sa mas maayos na pagkakakilanlan ng mga bangkang ginagamit sa paglilibot ng mga turista sa karagatan ng Donsol at Masbate at maging ng mga hotel at resort na tinitirhan ng mga turista, inirerekomenda din nila ang pagkakaroon nito ng mga sticker na may local hotline number ng Philippine National Police, Philippine Army, Philippine Coast Guard, Bureau of Fire Protection, DRRMO at Tourism Office na maaaaring makontak o mabigyan ng impormasyon sakaling may mga insidenteng hindi inaasahan. Iminumungkahi din na maging ang mga istratehikong lugar sa Donsol ay malagyan ng mga paskel ng mga mahahalagang numerong ito.

Positibo ang PTO na mabibigyang pansin ni Gov. Lee ang mga rekomendasyong kanilang inilatag para na rin sa kapakanan ng mga turista sa Donsol. (BArecebido, PIA Sorsogon)