Wednesday, August 18, 2010

ON PUBLIC SAFETY

PATANID SA PUBLIKO:

SORSOGON CITY (August 18) – Nagtaong warning si PCInsp Rogelio Beraquit, team leader kan Sorsogon Provincial Public Safety Company (dating Police provincial Mobile Group) sa publiko na mag-ingat sa mga tawong mahilig mag-aprubetsar sa saindang kapwa.

Ini matapos na magkapirang mga residente an nagdulok sa saindang opisina tanganing magtaong reklamo manungod sa pandurukot na ginibo sainda.

Segun kay Beraquit, igwa nin mga mandurukot na anion ngonyan sa lugar kan Sorsogon na base sa ipinaabot saindang mga reklamo, ini nagkatolong mga babayeng iribahan na an modus operandi iyo an mahalo orog sa mga matatawong lugar tanganing makapandukot sa mga bag kan saindang bibiktimahon.

Katakod kaini, nagpatanid an opisyal sa publiko na doblehon an pag-iingat asin nangapodan man siya na kun makaenkwentro ki siring na kaparehong sitwasyon, tulos na i-report ini sa pinakaharaning awtoridad. (SPPSC/PIA)

No comments: