SYUDAD
NIN LEGAZPI, NOBYEMBRE 16 – BUKAS NA LIWAT AN PALIHAN O CONTEST PARA SA PINAKAMAOGAY NA ESKWELAHAN SA IMPLEMENTASYON NIN
MGA PROGRAMA NA MAY PAGMAKULOG SA KAPALIBUTAN, AN 2013 NATIONAL SEARCH FOR SUSTAINABLE AND ECO-FRIENDLY SCHOOLS, PARA SA
ELEMENTARYA, SEKONDARYA ASIN KOLEHIYO.
INI
AN IPINAHAYAG KAN DEPARTMENT OF ENVIRONMENT AND NATURAL RESOURCES (D-E-N-R),
KASABAY AN PAGHAGYAT SA INTERESADONG MGA ESKWELAHAN NA MAGPOON NA MAGPASA KAN SAINDANG DOKUMENTASYON
KAN MGA ECO-FRIENDLY PROGRAMS SAKA
MGA AKTIBIDAD SAGKOD MARSO 15, 2013.
SEGUN
KAY D-E-N-R SEC. RAMON PAJE, NAGIN POSITIBO AN FEEDBACK O BALIK-SIMBAG HALE SA MGA ESKWELAHAN KAN 2009 BUDA 2011,
KUN KAYA INI MAN AN NAGTAO NIN DALAN PARA IPAGPADAGOS SA MASUNOD NA TAON AN
PALIHAN TANGANI MAS DAKUL AN MAENGANYO NA MAKISUMARO SA PAGTUNGKOS SA KABATIRAN
SA KAPALIBUTAN KAN MGA JOBEN.
ANG
SIRING NA AKTIBIDAD NAGMAMAWOT NA IPADAGKA SA MGA INSTITUSYON NIN ADALAN NA
SINDA DULONG MAGIN AKTIBO SA MGA ISYU SA KAPALIBUTAN SA PRAKTIKAL SAKA LOKAL NA
LEBEL.
AN
MANGGAGANANG MGA ESKWELAHAN MAKAKARESIBE NIN 50,000 PISOS SA ENOT NA HONRA;
40,000 SA IKA-DUWANG HONRA BUDA 30,000 SA IKA-TULONG SAKA MGA PLAKE. MANTANG AN
PANGENOT NA ENTRADA SA REHIYONAL NA NIBEL MAKAKAKUA NIN 15,000 PISOS.
KAN
TAON 2011, NANGGANA AN CAMARINES SUR NATIONAL HIGH SCHOOL KAN SYUDAD NIN NAGA
SA ENOT NA HONRA SA DUWANG MAGKUSUNOD NA BESES POON KAN BUNGSODAN AN PALIHAN
KAN 2009.
PARA
SA DUGANG NA DETALYE MAGBISITA SA WEBSITE NA HTTP://WWW.SUSTAINABLESCHOOLS.PH O
MAG-APUD SA ENVIRONMENTAL MANAGEMENT BUREAU (E-M-B) REGIONAL OFFICE 5 SA
TELEPONO NUMERO 482-0197/482-0326. (Ruby Mendones, DENR-V/PIA Sorsogon)
No comments:
Post a Comment