BIR MULING NAGPAALALA SA MGA TAXPAYERS UKOL SA PAGBABAYAD NG BUWIS

Tagalog News

SORSOGON PROVINCE – Muling nagpaalala ang Bureau of Internal Revenue Sorsogon sa mga taxpayers na huwag nilang kalimutan ang kanilang mga obligasyon sa BIR bago tuluyang magsara ang taong 2010.

Ayon kay BIR Sorsogon Assistant Revenue District Officer Eutiquio Grajo, inaasahan na nilang nagawa na ng mga employers ang year-end tax adjustments, kung meron man, ng kanilang mga kawani lalo na doon sa localized na ang mga sweldo tulad ng DepEd, military at kapulisan, maliban na lamang, aniya, doon sa mga IBM-salaried employees kung saan ang sweldo ay manggagaling pang Manila.

Partikular ding pinapaalalahanan ni Grajo ang mga employers na eksaktuhin ang withholding tax computations ng kanilang mga empleyado upang maiwasan na rin ang pagrerefund sa BIR bagama’t tiniyak pa rin nito na sakaling hindi maiiwasang sumobra ang tax witheld ay marerefund naman ito bago ang January 25 sa susunod na taon.

Isinabay na rin niya sa kanyang mensahe ang paghikayat sa mga real property tax payers na bumisita sa kanilang local treasurers upang maka-avail ng tax amnesty at mga discounts sa mga babayaran nila sa buwis. (Bennie A. Recebido, PIA Sorsogon)

2ND DISTRICT CONGRESSMAN ISINUSULONG ANG PAGTAPYAS SA BUWIS NG PAMILYANG MAY DIFFERENTLY ABLED CHILDREN

Tagalog News

SORSOGON PROVINCE – Isinusulong ngayon ni Sorsogon 2nd district Congressman Deogracias Ramos, Jr. ang isang house bill na naglalayong mabawasan ang buwis ng mga pamilyang may differen tly abled children o may mga kapansanan.

Sa isang e-mail statement, sinabi ni Ramos na nararapat lamang na tulungan ng pamahalaan na mapagaan ang mga gastusin ng mga pamilyang nag-aalaga ng mga anak na may espesyal na pangangailangan sa pamamagitan ng pagbawas sa taxable income ng mga magulang o legal guardians nito.

Ipinaliwanag din niya ang pagkakaiba ng ibinibigay na pangangalaga para sa mga batang may kapansanan kumpara sa normal na mga bata.

Sa ilalim ng House Bill 3765, ang isang taxpayer na nag-aalaga ng anak na may kapansanan ay makakakuha ng bawas sa buwis na P50,000. Ayon dito, ang mga gastusing saklaw ng deductions ay ang matrikula para sa pribadong paaralan, therapy, diagnostic evaluations ng medical professional, tutoring at gastusin sa transportation patungo sa paaralan o medical facility at specialized instructional materials.

Sa taya ng Department of Education Special Education Division doble ang gastos ng mga magulang na nag-aalaga ng mga batang may kapansanan kumpara sa mga normal na bata. Base sa 2009 Family Income and Expenditure Survey, P206,000 ang average na kita ng pamilyang Pilipino subalit umaabot naman sa P176,000 ang average na gastusin nito.Kung ang pamilya ay nag-aalaga pa ng differently-abled children, kukulangin ang kita upang matustusan ang espesyal na pangangailangan ng mga batang ito.

Samantala, suportado naman ni PIA Infocen Manager Irma Guhit ang panukalang ito ni Ramos. Pinuri din niya ang matalino at napapanahong hakbang na ito ng kongrerisista at  sinabing malaking tulong ito para sa mga magulang ng mga batang may kapansanan. (PIA Sorsogon/with reports from Bicol Today)

TOURISM OFFICERS MULA SA IBA’T-IBANG BAYAN NG SORSOGON NAGPULONG

Tagalog News

SORSOGON PROVINCE – Nagpulong kamakailan ang lahat ng mga tourism officers mula sa iba’t ibang bayan dito sa lalawigan ng Sorsogon sa pangunguna ni Provincial Tourism Officer Cris Racelis.

Ayon kay Racelis, tinukoy sa pulong ng mga tourism officers ng bawat munisipalidad ang mga lugar sa kanilang kinasasakupan na mayroong potensyal, gayundin yaong mga kilala na bilang tourist destinations upang mas lalo pang pag-sikapang umunlad ang turismo sa lalawigan.

Kasabay din ng ipinakita nilang tourism profile sa ginawang pagpupulong ay ang pag-ulat ng tungkol sa mga aktibidad sa kani-kanilang mga lugar na may kaugnayan sa turismo at mga produktong tanging sa kani-kanilang bayan lamang matatagpuan na maaaring ipagmalaki at balik-balikan ng mga turista.

Matatandaang una na rito ay naging bisita ng Sorsogon ang mga masteral students mula sa U.P. College of Architecture kung saan binuo ng mga ito sa limang cluster zones ang lahat ng mga munisipalidad sa lalawigan upang pag-aralan particular yaong mga aktibidad na may kaugnayan sa turismo at upang magpaabot na rin ng kanilang tulong sa mga napiling lugar sa pamamagitan ng infrastructure improvement.

Ang pagbisita ay bahagi ng mga pagsisikap ni former Sorsogon governor  Sally Lee, kasama ang mga lokal na pamahalaang bayan ng Donsol at Bulusan at ng Sorsogon City at sa tulong din nina Senator Francis “Chiz” Escudero, Congressman Sonny Escudero, Loida Nicolas at Provincial Tourism Council Chairperson Mely Nicolas.

Bago nilisan ng mga U.P. architects ang lalawigan ng Sorsogon ay Ibinahagi pa ng mga ito ang naging resulta ng kanilang ginawang pag-aaral, partikular ang mapa ng limang cluster zones, upang ang mga ito na anila ang magpatuloy sa kanilang misyon na mapalago pa ang turismo sa Sorsogon.

Kaugnay nito, sinabi ni Racelis na pinagplanuhan na rin sa ginawang pulong ng mga tourism officers ang magigingb mga hakbang para sa susunod na taon at tinukoy na rin ang kailangang tulong mula sa provincial government. (Von Labalan-PIO/ PIA Sorsogon)

USAID VISITS SORSOGON, LAUDED PDRRMC’S DISASTER MANAGEMENT SYSTEM

SORSOGON PROVINCE (December 14) – Delegates of the United States Agency for International Development (USAID) – Philippines recently visited the Provincial Disaster Risk Management Office (PDRRMO) here to personally be acquainted with the province’s preparedness and disaster management system since Mt. Bulusan’s restiveness on Nov. 6, this year.

PDRRMO Head Jose Lopez said that USAID representatives came to his office to assess and conduct initial exploration of concerned municipal LGUs and the province as well in terms of disaster preparedness, management and response.

“For the meantime now, they have not committed any specific support but assured us that they are ready to provide the province any assistance should the condition of Mt. Bulusan worsens,” said Lopez.

Allan Dwyer of USAID, meanwhile, said that they lauded the protocols and system implemented by the PDRRMC in the management of Bulusan volcano’s activities and its impact to residents and livelihood, as well as the capability of concerned agencies in responding to said natural disaster, each according to their mandates.

“I have heard a lot about Bulusan Volcano that is why from Indonesia, where Mt. Merapi also devastated hundreds of local residents there, I decided to fly to the Philippines so I could personally visit Sorsogon and find out where our agency could come in,” Dwyer said.

Justin Sherman, also from USAID, said that they have visited the affected areas particularly Brgy. Cogon in Irosin town, the nearest barangay to Mt. Bulusan, to find out the condition of residents directly affected by the volcano’s series of ash ejections as well as the evacuation centers used by the Internally Displaced Persons (IDPs).

“We likewise met Dir. Ed Laguerta of Philippine Volcanology and Seismology (Phivolcs) to get updates of the present condition of Mt. Bulusan and learned that Alert level 1 remains hoisted since Mt. Bulusan’s restiveness is not yet over based from the signs they see at the volcano’s crater,” he added.

USAID is an agency known for its active support to victims of various calamities and internally-displaced persons in armed conflict affected areas. It provides United States’ economic and humanitarian assistance for more than 40 years now. It is also popular because of their disaster preparedness and mitigation programs using their civilian and humanitarian resources to strengthen disaster preparedness and response capability efforts in calamity-stricken areas worldwide.

Together with the USAID in visiting here were representatives from World Vision, a Christian relief, development and advocacy organization that has long been a partner of the local government in providing relief assistance to victims of both man-made and natural calamities that hit the province of Sorsogon. (BARecebido, PIA/with reports from VLabalan, PIO Prov’l. LGU)

TOURISM OFFICERS MULA SA IBA’T-IBANG BAYAN NG SORSOGON NAGPULONG

Tagalog News

SORSOGON PROVINCE – Nagpulong kamakailan ang lahat ng mga tourism officers mula sa iba’t ibang bayan dito sa lalawigan ng Sorsogon sa pangunguna ni Provincial Tourism Officer Cris Racelis.

Ayon kay Racelis, tinukoy sa pulong ng mga tourism officers ng bawat munisipalidad ang mga lugar sa kanilang kinasasakupan na mayroong potensyal, gayundin yaong mga kilala na bilang tourist destinations upang mas lalo pang pag-sikapang umunlad ang turismo sa lalawigan.

Kasabay din ng ipinakita nilang tourism profile sa ginawang pagpupulong ay ang pag-ulat ng tungkol sa mga aktibidad sa kani-kanilang mga lugar na may kaugnayan sa turismo at mga produktong tanging sa kani-kanilang bayan lamang matatagpuan na maaaring ipagmalaki at balik-balikan ng mga turista.

Matatandaang una na rito ay naging bisita ng Sorsogon ang mga masteral students mula sa U.P. College of Architecture kung saan binuo ng mga ito sa limang cluster zones ang lahat ng mga munisipalidad sa lalawigan upang pag-aralan particular yaong mga aktibidad na may kaugnayan sa turismo at upang magpaabot na rin ng kanilang tulong sa mga napiling lugar sa pamamagitan ng infrastructure improvement.

Ang pagbisita ay bahagi ng mga pagsisikap ni former Sorsogon governor  Sally Lee, kasama ang mga lokal na pamahalaang bayan ng Donsol at Bulusan at ng Sorsogon City at sa tulong din nina Senator Francis “Chiz” Escudero, Congressman Sonny Escudero, Loida Nicolas at Provincial Tourism Council Chairperson Mely Nicolas.

Bago nilisan ng mga U.P. architects ang lalawigan ng Sorsogon ay Ibinahagi pa ng mga ito ang naging resulta ng kanilang ginawang pag-aaral, partikular ang mapa ng limang cluster zones, upang ang mga ito na anila ang magpatuloy sa kanilang misyon na mapalago pa ang turismo sa Sorsogon.

Kaugnay nito, sinabi ni Racelis na pinagplanuhan na rin sa ginawang pulong ng mga tourism officers ang magigingb mga hakbang para sa susunod na taon at tinukoy na rin ang kailangang tulong mula sa provincial government. (BARecebido, PIA/VLabalan-PIO Prov'l LGU)

PHIVOLCS PINAG-IINGAT PA RIN ANG MGA RESIDENTE SA PANGANIB DALA NG MGA PAG-UULAN

Tagalog News

SORSOGON PROVINCE (Dec 13) – Sa kabila ng pananahimik ng Bulkang Bulusan dalawang lingo na ngayon, patuloy pa ring pinag-iingat ng Phivolcs ang mga residente malapit sa bulkan dahilan sa malimit na pag-uulan ngayon.

Ayon kay Bicol Phivolcs Director Ed Laguerta, nasa 466,000 cubic meters ang abo na nakadeposito sa may Southwest quadrant ng Mt. Bulusan na maaaring makaapekto sa mga bayan ng Juban at Irosin kung saan dadaloy ito sa mga gully papuntang Brgy. Mapaso, Mombon, Cogon at Rangas sa irosin at Brgy. Puting-Sapa sa Juban.

Ipinaliwanang ni Laguerta na ang matagal na pag-uulan ay magdadala ng panganib lalong-lalo na kung ito ay “initiated”, ibig sabihin ay kung magkakaroon ng bagyo at malalakas na ulan at hangin na tutulak sa mga volcanic debris tulad ng lahar, bato, at maging ang mga kahoy na nakaimbak sa gilid at palibot ng bulkan.

Binigyang-diin din niya na maaaring magkaroon ng “high-concentrated flow” na ang ibig sabihin ay 40 to 60% ng lahar ay dadaloy sa mga river channels. Aniya sa kasalukuyan, ang lahar flow ay low-concentrated o malabnaw na abo lamang ang dumadaloy sa mga river channels.

Muling ipinaalala ni Laguerta na nananatili sa alert level 1 ang Mt.  Bulusan at bawal pa ring pumasok sa 4-km permanent danger zone.

Dapat din niyang maging alerto at palagiang nakamonitor ang mga kinauukulan kung mayroong mga impending weather disturbances o sama ng panahon. (Irma Guhit, PIA Sorsogon)