DENR NAGPATANID KONTRA SA PAGSERBE NIN EXOTIC FOODS SA MGA RESTORAN

LEGAZPI CITY, PEBRERO 22 (PIA) – NAGPATANID AN DEPARTMENT OF ENVIRONMENT AND NATURAL RESOURCES (DENR) SA MGA KAGSADIRI NIN RESTORAN NA DAE NANGGAD MAGPABAKAL NIN MGA EXOTIC FOOD O PAGKAKAN NA GIKAN SA MGA LAYAS NA HAYOP O “BUSH MEAT.

INI KASUNOD KAN PAGSASANGAT NIN KASO KAN D-E-N-R DANGAN NATIONAL BUREAU OF INVESTIGATION (NBI) KONTRA SA HINGYAK DELICIOUS SEAFOOD RESTAURANT NA NAGSESERBE KAN SIRING NA KLASE NIN PAGKAKAN NA MINASUHAY SA AKTA REPUBLIKA NO. 9147 O AN PHIL. WILDLIFE RESOURCES CONSERVATION AND PROTECTION ACT.

PIGHIHIMO NA AN KASO KONTRA SA RESTORAN MATAPOS NA MAKA-KUMPISKAR NIN 4.25 KILO NA KARNENG GIKAN SA BUHAY-ILANG O WILDLIFE, AROG KAN UNIT BUDA KARNE NIN HALAS, SAKA TINIRANG NA KARNE NIN BAHO.

TINAWAN NIN DOON NI ENVIRONMENT SECRETARY RAMON PAJE NA AN SIRING NA LAKDANG BOOT NA IPASABOT SA PUBLIKO, NA AN GOBYERNO DULONG SERYOSO SA KAMPANYA SA PAG-PROTEHIR SA “BUHAY-ILANG” O WILDLIFE KAN NASYON TANGANING MA-MANTENIR NA BALANSE AN ECOSYSTEM O KAPALIBUTAN.

MIENTRASTANTO, SA KABIKOLAN, PADAGOS NAMAN AN IPIGSASAGIBONG INSPEKSYON KAN PROTECTED AREAS AND WILDLIFE DIVISION KAN DENR BICOL SA MGA RESTORAN NA PIGSASAHUTANG NAGPAPABAKAL NIN KARNE KAN MGA BUHAY ILANG SA SYUDAD KAN LEGAZPI, TABACO ASIN CANAMAN, CAMARINES SUR.

NAPAG-ARAMAN NA SA IPIGSAGIBONG PAGMANGNO KAN DENR SA MGA SYUDAD NA INI DAE MAN NIN NADAKOP NA NAGSUHAY SA NAUNAMBITANG LEYE. (Ruby Mendones, DENR-RPAO/PIA SORSOGON)