(Photo: PO2 Mike Espena, SPPO/PIA Sorsogon)
Sorsogon Police Provincial Office – Naging maogma ang pagbisita kan Provincial Council of Community Elders (PCCE) kay REGIONAL DIRECTOR POLICE CHIEF SUPERINTENDENT JOSE ARNE MIRABEL DELOS SANTOS, an pamayo kan PNP sa rehiyon Bikol kasubag-ong aga, Marso 5, 2012 sa Camp Simeon A Ola, Legazpi City.
Ang PCCE pinamamayohan ni dating Mayor kan Sorsogon na si Fernando O. Duran Jr. kun saen ang grupong ini asosasyon nin mga indibidwal na pigrerespeto bilang mga eksperiyensiyadong tawo anoman an saindang naging katongdan.
Maguiguiromdoman na ang Provincial Community Council of Community Elders inorganisar ni Regional Director Delos Santos kan siya pa ang Provincial Director digdi sa probinsiya nin Sorsogon kan taon 2002.
Ang PCCE kumpwesto kan mga manlaenlaen na Municipal Council of Community Elders sa bilog na probinsiya nin Sorsogon. Sinda ang nagiging adviser kan mga pulis siring man sinda ang nagiging paagi para mas maparani asin makakua nin suporta ang kapulisan sa komunidad.
Tinaw-an man nin Plaque of Appreciation ni PCCE Chairman Fernando B Duran Jr. si Regional Director Delos Santos bilang pasasalamat kan grupo dahilan sa pagkakamukna niya kaini.
Kairiba man sa pagbisita si PROVINCIAL DIRECTOR POLICE SENIOR SUPERINTENDENT JOHN CA JAMBORA, PSI ROMEO M GALLINERA asin ang mga miyembros kan PCCE. (Reference: PSI RMGallinera, PCR/PIO/ PIA Sorsogon)
 | ||
| (Photo: PO2 Mike Espena, SPPO/PIA Sorsogon) | |
 |
| (Photo: PO2 Mike Espena, SPPO/PIA Sorsogon) |
No comments:
Post a Comment