SORSOGON CITY, April 4 – Sarong Fun Run ang pigparticiparan kan mga personahe kan Sorsogon Police Provincial Office, Sorsogon Provincial Public Safety Company asin Sorsogon Ciyt Police station kan Marso 31, 2012 na pig organisar kan Batch ‘87 kan Our Lady of Peñafrancia Seminary, Bibincahan Sorsogon City. Ang naonambitan na aktibidad pig-apod na Vamos Seminario: Takbokasyon.
Nagkaigwa nin tulong (3) kategorya na iyo an 3K, 5K asin 10K na nagpoon sa seminaryo pasiring sa Diversion Road asin pabalik sa seminaryo. Nangenot sa 3K female category si PO1 Ailyn Delos Angeles kan Sosogon CPS siring man si PO1 Mark Anthony Imperial kan Sorsogon CPS sa 3K male category.
Nangenot man sa 5K female category si PO2 Jayie Encinares na pigsegundahan ni PO1 Gerralyn Dave parehong mga personahe kan SORPPO asin nag-ikatulo si PO1 Kwencie Ann Fortuno kan SPPSC. Nanggana man sa ikaduwang pwesto sa 10K female category si PO1 Mariel Esquiros kan SPPSC. (PCI Nonito F. Marquez, PNP-SPPO/PIA Sorsogon)
 |
| (Photo: PO2 Mike Espena, SPPO) |
No comments:
Post a Comment