LEGAZPI CITY, Jan 30 (PIA) – Mantang paaabot na an panahon nin karampanyahan sa eleksyon, nangapudan an Department of Environment and Natural Resources (DENR) Bicol sa mga kandidato na likayan an pagpadukot nin mga materlayes sa kampanya sa mga poon nin kahoy.
Tinawan nin doon ni DENR Regional Executive
Director Gilbert Gonzales na ipinagbabawal kan leye an siring na gawe kun saen
pigpapadukot, pigpasalunadan o pigpapakuan ki campaign posters an mga poon nin kahoy sa lindong kan Section 23
kan Comelec Resolution 7767 kasumpay sa Republic Act 9006 o Fair Election Act.
Sosog sa impormasyon kan DENR, nanonotaran
an biglaan na paglangkaw nin impeksyon sa mga kahoy lima sagkod anom na bulan
matapos an eleksyon dolot kan mga lugad na gikan sa mga pako buda staple wires
kan mga campaign posters.
Mapoon naman na makipag-koordinar an departamento
sa mga ahensya arog kan Comelec, Department of Interior and Local Government
buda mga Sangguniang Barangay tanganing mairayo an mga poon nin kahoy sa pag-alaman.
(Ruby Mendones, DENR-RPAO/PIA Sorsogon)
No comments:
Post a Comment