SYUDAD NIN LEGAZPI, Abril 20 (PIA) –
Tanganing masiguro an halangkaw na porsyento nin pagtambo kan mga poon nin
kahoy na itinanom sa lindong kan National
Greening Program (NGP), matalaan nin sampolong (10) toneladang abono an Department
of Environment and Natural Resources (DENR) sa kabikolan.
Ini an tinawan nin punto ni DENR Bicol
Regional Executive Director Gilbert Gonzales, kasunod kan asegurasyon kan Ecosystems
Research and Development Bureau (ERDB) na makakagono sinda ngonyan na semestre
nin 155 toneladang abono o mas halangkaw na 55 porysento kumpara kan nakalihis
na taon.
Sinabi ni RED Gonzales na an abonong
“mycorrhiza” an marahay na klase nin biofertilizer na nakakaparikas nin
pagdakula kan mga ugat sagkod napapakarhay an pagdadakit nin tubig saka nutrino
sa pananom kun kaya nasisiguro an 80 porsyentong paglangubo kan mga banhi.
Sosog sa pag-aadal kan ERDB, an “mycorrhiza” nakakatabang nganing magin
matinood an mga pananom sa halawig na durasyon nin tagmara magin sa epekto kan
mga heavy metals sa lugar na igwa nin
mine tailings o tapukan nin tundag
kan minahan.
An produksyon kan biofertilizer pinangengenotan kan ERDB
sa pakipagtabangan kan national institute of Molecular Biology and Bio-Technology
kan University of the Philippines Los Baños (UPLB-Biotech). (Ruby Mendones,
DENRV/PIA Sorsogon)
No comments:
Post a Comment