Ni: Bennie A. Recebido
LUNGSOD NG SORSOGON, June 7 (PIA) – Maliban
sa iba pang kasanayan o skills, naghahanap din ngayon ang military diocese ng
mga nais maging chaplain o pari ng uniform services.
Ayon kay Reverend Father/Captain Paul Reyel
De Guzman, Jr., vocation director ng Military Diocese, nangangailangan sila ng apatnapung
Catholic Priest upang maging chaplain sa iba’t-ibang mga Uniform o Armed Services
sa Pilipinas kung saan dalawampu ang kailangan para sa Philippine National
Police (PNP) at dalawampu din sa Armed Forces of the Philippines (AFP)
Ang Formation House ng mga seminarista ay
matatagpuan sa Domo Decepe Formation House sa Villamor Airbase sa Pasay.
Ayon pa kay Rev. Fr. Guzman, dapat na
nagtapos ng Philosophy ang kwalipikadong aplikante upang maging chaplain.
Ang chaplain ang siyang magsisisilbing
gabay sa ispiritwal na pangangailangan ng mga kasundaluhan at kapulisan.
Para sa mga interesado, makipag-ugnayan
lamang kay Rev. Fr./Capt. Paul De Guzman sa numerong 09178251974 o magsadya sa
Saint Martin of Tours Parish sa Camp Elias Angeles sa Brgy. San Jose, Pili,
Camarines Sur. (Phil. Army/BARecebido, PIA Sorsogon)
No comments:
Post a Comment