DENR BICOL PADAGOS AN PAG-ANDUYOG SA MGA KOSTALES NA BANWAAN KAN MASBATE

LEGAZPI CITY, SETYEMBRE 10 – 17 NA BANWAAN SA PROBINSIYA NIN MASBATE AN NATATAWAN NIN PAG-ANDUYOG KAN PROGRAMA NA INTEGRATED COASTAL RESOURCES MANAGEMENT PROJECT O I-C-R-M-P KAN DEPARTMENT OF ENVIRONMENT AND NATURAL RESOURCES (D-E-N-R). INI AN IPIGPAHAYAG NI REGIONAL TECHNICAL DIRECTOR FELIX MENDOZA KAN PROTECTED AREAS WILDLIFE AND COASTAL ZONE MANAGEMENT SERVICE O PAWZCMS.

AN MOBO, PALANAS, PLACER, SAN JACINTO SAKA SAN PASCUAL NAGSASAGIBO KI MGA PROYEKTONG IMPRASTRAKTURA. AN PROYEKTO SA MOBO IYO AN PAGPAHIMO NIN PANTALAN, SA PALANAS AN PAGPAKARHAY KAN LEVEL 3 WATER SYSTEM, SA SAN JACINTO AN PAGPAKARHAY KAN LEVEL 3 WATER SYSTEM, SAN PASCUAL IYO AN KONSTRUKSYON NIN FISHERMEN’S FEDERATION COMPLEX, DANGAN SA PLACER IYO AN PAGMUKNA NIN SANITARY LANDFILL NA IGWANG MATERIAL RECOVERY FACILITY O M-R-F.

KAN NAKA-AGING ABRIL 25 KAN TAON NA INI, IPIGLUNSAR AN ECO-TOURISM PROJECT SA SYUDAD NIN MASBATE SA BUNTOD REEF KUN SAEN NAGTAGAMA NIN FUNDO AN D-E-N-R PARA SA PAGBAKAL NIN EKIPAHE AROG KAN SIBID-SIBID, SNORKELLING EQUIPMENT KAUBAY NAMAN AN PAGTUKDO DANGAN PAGTAO NIN GIYA SA MGA PERSONAHES KAN NASAMBIT NA PROYEKTO.

NAGKAKAPIRA SA MGA PROYEKTO KAN I-C-R-M-P IYO AN MANGROVE REHABILITATION, WATERSHED MANAGEMENT, SA PAKIPAGTABANGAN SA MGA PEOPLE'S ORGANIZATION O P-O, TECHNICAL ASSISTANCE SA MGA GOBYERNO LOKAL, ECO-TOURISM BUDA MGA PROYEKTONG IMPRASTRAKTURA.

IPINAHAYAG PA NI R-T-D MENDOZA NA NAISABAY NA SA ISTRATEHIYA KUNG PAPANO PAPANGATAMANAN AN MUNICIPAL WATERS O MGA SAKOP NA KOSTALES, PATI NA AN WATERSHED O TINGGALAN NIN TUBIG.

SAIYANG SINABI NA AN I-C-R-M-P NA PIG-FUNDOHAN KAN ASIAN DEVELOPMENT BANK O A-D-B MAHALAGA TANGANING MATABANGAN AN MGA GOBYERNO LOKAL NA MAKAHIMO NIN EPEKTIBONG ISTRATEHIYA SA PAGMANEHAR KAN SAINDANG MGA KOSTALES, DULO NA AN BIODIVERSITY NA KAUBAY DIGDI, SAGKOD MATANTAN O MADELIMIT AN SAKOP NA LINDEROS NIN KATUBIGAN. (RMendones, DENR-V/PIA Sorsogon)